1 Samuele 27:2 - Bibilia Buk na Ŋun nagon koti luŋu a

² A Dawidi ŋine ŋien, a lwöŋöddi lwöpöddu, se ko ŋutu kanyit miajin buker lo gwon ko lepeŋ kulo, a iti ko Akisa ŋuro lo Maok yu, moi lo Gata.

1 Samuele 27:2 ပူးပေါင်းရင်းမြစ်များ

1 Dekat 12:1

A kulo gwe a ŋutu logon a tu ko Dawidi Sikelaga yu, i diŋit nagon nye ti bulö wörö abur kogwon kulya ti Saula ŋuro lo Kisi; a se gwe a kulye ti ŋutu walan logon a parakiŋdya nye i gor kulo.

1 Samuele 21:10

Goloyota Pelesetetyo logon do lo tatuja i loro lo Ela lo, meddi, lepeŋ lo ni i ki ’diŋ na epoda a mu ’duta ko boŋgo. Ko do ’de ’deggi joŋga nye, a do joŋgi joŋga, kogwon lele ’bayin ni ama lepeŋ geleŋ. A Dawidi kulyani adi, Lele ’bayin gwoso lepeŋ, kölum tiŋdi nan nye.

1 Samuele 21:11

A Dawidi ŋine ŋien a iti kaŋo ko Saula i komor i ŋilu lor, a iti ko Akisa mor lo Gata yu. A köliŋönök ti Akisa pije lepeŋ adi, ŋilo a leŋe Dawidi le, mor lo lu jur? Lepeŋat ŋona a ko yulukin nye köli i gwoja nase nu le adi, Saula a tatuja kanyit a aliŋan aliŋan, A Dawidi iŋge tatuja kanyit a aliŋan puök puök?

1 Samuele 25:13

A Dawidi kulyani ko ŋutu kanyit kulo adi, Ti ŋutu liŋ torakiŋdye baŋdujin kase i mukökö! A ŋutu liŋ torakiŋdye torakiŋdya; a Dawidi köti torakiŋdye baŋdu lonyit kanyit i mukök; a ŋutu gwoso miajin iŋwan kepoddi Dawidi, a ŋutu miajin murek möŋdi i tiju na toro ’bo.

1 Samuele 30:8

A Dawidi muluŋdye ko MATAT adi, Nan ŋona bubulö kepöddu nu teŋ na kamörök le? Nan ŋona de wowokun lepeŋat le? A MATAT nyobbi adi, Kepoddi se; kogwon do ’diri de wowokun se, do ’diri de lwölwökun se.

1 Samuele 30:9

A Dawidi iti tu se ko ŋutu kanyit miajin buker kulo, a se ’dure i loro Besor, a ŋutu logon a kölöki bot kulo mönuŋdye nyu.