1 Samuele 27:1 - Bibilia Buk na Ŋun nagon koti luŋu a

¹ A Dawidi yeyeji kanyit i töili adi, Lor lele Saula mo ko tatatu nan; nene ŋo na ’but ’bayin köyö lwölwöŋ wökön nio i jur lo Pelesete; a Saula mo gwe ’bak yenet i ga ’yu na nan i lukata na jur lo Yisaraele, a nan mo lwököddi mugun kaŋo kanyit i könin.

1 Samuele 27:1 ပူးပေါင်းရင်းမြစ်များ

1 Moran 12:26

A Yerobama yeyeji kanyit i töili adi, Tumatyan de yiyitwe bot i kötumit na Dawidi i na diŋit.

1 Moran 12:28

A mor iŋge denuŋdya jujuwet ko ŋutu kanyit, a nye teteŋdi kaja murek logon a dakaŋ. A nye kulyani ko ŋutu ti Yisaraele adi, Ta ŋutu ti Yisaraele, ta aje wörö Yerusalema ko diŋit a najo. Ŋunyen kasu makulo, logon a joŋdya ta kaŋo i jur lo Ejipeto.

1 Moran 19:3

A Eliya iŋge kujönö, a nye pine ŋien a lwököddi ru nanyit, a nye ’dure Ber-saba na Yuda, a kölökiŋdye köliŋönit lonyit nyu.

2 Dekat 25:17

A kirut Amajia mor lo Yuda yiŋge jujuwesi ko kajujuwak kanyit, a soŋdi lore ko Yeyoasa ŋuro lo Yeyoakaja, ŋuro lo Yeu, mor lo Yisaraele yu, kulya adi, Po, anyen yi ko tutumör ko ’borik.

Saumajin 116:11

Nan a ramundya kulya ko kujönö adi, Ŋutu liŋ a ’burönök.

Saumajin 55:7

Iŋkoi, nan ködyö wawalaji ŋajo, a nan ködyö si ’darii i yöbu.

Yuörö 14:12

Lo ti gwon a kulyaet logon yi a takin do Ejipeto yu lo adi, Kölöki yi anyen yi kitakiŋdya Ŋutu ti Ejipeto le? Kogwon ködyö a na ’but kayaŋ koyi kitakiŋdya Ŋutu ti Ejipeto lwölwöŋ nagon yi twatwakin i yöbu.

Tolupesi 13:12

Yendu na ŋo nagon karakin diŋit a najo totomijo toili, ama ko ŋo nagon ŋuto ’de ’deggi kune a tiki lepeŋ a gwe a ködini toruet.

Yisaya 51:12

Nan ko mugun nio a nye lo suŋga ta; ko nyo nagon ta kujönö ŋutu kana logon mo twatwa le, logon a gweya gwoso döru,

Kenet 14:3

Ko nyo MATAT a joŋdya yi tojo ko lo jur anyen ko tatua ko baŋdujin? Wate kaŋ ko lupudiet kaŋ mo ryaryaka; bia ködyö koyi yitö bot Ejipeto.

Matayo 14:31

’De ’de a Yesu riöddi könin, a morgi lepeŋ, a pije adi, Do ŋuto logon ko yupet a na ’dit! Nyo do dyadya ’yu?

Marako 4:40

a nye pipije lepeŋat adi, Nyo ta kukujönö? Yupet nasu ’bayin le?

2 Korinto 7:5

Ma ’di nagon yi a ’durökin Makedonia yu nu, a yi tine ryö yukan. Yi gwon i yöyöŋö i swötön liŋ, a gwe i kiden na rerenyesi, a töilyet kaŋ gwe ko kujönö.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 16:13

A kirut Samuele ’dumuŋdye uŋguri lo welet, a welakiŋdye lepeŋ a mor i kiden na luŋasirik; a Mulökötyo lo MATAT poki to Dawidi i mugun ko riŋit a duma suluja i ŋilu lor tojo ko ŋerot. A Samuele ŋine ŋien, a iti Rama.

1 Samuele 20:3

Ama a Dawidi renyani renya adi, Munyi a den ’bura adi, nan a ryeju ’busan konut i komor; a lepeŋ yeyeji adi, Ti Yonatana gwe ti den kune kulya, an ko delya. Ama ’diri gwak gwoso na gwoŋdi MATAT, ko gwoso na gwoŋdi do na, tuŋ nan pituŋdye a na ’dit i kutuk na dili.

1 Samuele 22:5

A nebi Gada kulyani ko Dawidi adi, Ko nyuŋ si ’da i pirit ’danaet, ŋine ŋien ko iti i jur lo Yuda. A Dawidi ŋine ŋien a iti i yöbu na Keret.

1 Samuele 23:17

A nye kulyani ko lepeŋ adi, Ko kujönö; kogwon könisi ti monye liŋ Saula de ti ryö do; do mo gwon a mor lo Yisaraele, a nan mo gwe a yumi ilot, ma ’di baba aje den kine kulya.

1 Samuele 25:30

A ko MATAT mo a konakiŋdya do pon duma liŋ, gwoso i ŋo liŋ na ’but nagon nye a jam i kulya kunök, ko a tiŋdu do i gwon a mor lo Yisaraele,

1 Samuele 26:19

Nyenagon böŋö pon mor duma liŋ, yiŋge kulyaesi kwe nan köliŋönit ilot. Ko kodyö MATAT lo toŋ ŋu do ki i ŋisa ko nan, a ti nye wuji rubaŋga; ama ko a ŋutu lo toŋu do, a ti se lömöni lömö ko MATAT i komor, kogwon lepeŋat aje riköddu nan kaŋo i lo lor, anyen nan gwon ti parundya i lomoriot ti MATAT, kulya adi, Iŋgo, ti kitakiŋdye kulye ŋunyen.

1 Samuele 29:2

A nagon kimak ti Pelesete gwon i tu ŋerot a ’dokiŋ ti miajin ko ti aliŋan nu, a Dawidi ko ŋutu kanyit kulo kepoddi se ko Akisa i pirit na geleŋ,

1 Samuele 29:3

a kanyö-mök ti kamörök ti Pelesete pije adi, Kilo ŋutu ti Ebere koŋdya nyo ŋini? A Akisa waddi kanyömök ti kamörök ti Pelesete kulo adi, Lo ’bayin a Dawidi le, köliŋönit lo Saula mor lo Yisaraele, logon aje si ’da ko nan perok jore lo? Nan a ko ryeŋdu nene ŋo naron ko lepeŋ suluja i wökun nanyit tojo ko lo lor.