1 Samuele 26:6 - Bibilia Buk na Ŋun nagon koti luŋu a

⁶ A kirut Dawidi pije Akimelek ŋuto lo Kiti, ko Abisai luŋaser Yöaba, ŋuro lo Seruya, adi, ŋa logon ruruk moraddu ko nan i mera na Saula? A Abisai waddi adi, Nan de lo moraddu ko do.

1 Samuele 26:6 ပူးပေါင်းရင်းမြစ်များ

Suluet 10:15

A Kanana yuŋuŋdye Sidona a kayu lonyit, ko Ket,

Suluet 15:20

ko lo Ŋutu ti Kiti, ko lo Ŋutu ti Periji, ko lo Ŋutu ti Repa,

Suluet 23:3

A Abarayama ŋine ki ko öpu nanyit na i komor, a kulyani ko Ŋutu ti kötumit na Ket adi,

Suluet 26:34

A Esau gwe ko kiŋajin merya Iŋwan na yembi nye Yudita ŋuro na Beri lo kötumit na Ket nu, se ko Basemat ŋuro na Elon lo kötumit na Ket;

2 Samuele 11:21

Ŋa na tatuja Abimelek ŋuro lo Yerubeset? ’Bayin a ŋuto nanakwan Ŋona na gubuŋdya karito duma i mariŋ loki, a nye ’duki kanyit i mugun, anyen nye ko twaji Tebese yu nu le? Nyo nagon ta a mijörö nyona parik ko ŋinu mariŋ? A kirut do kulyani adi, Köliŋönit ilot Uriya ŋuto lo Kiti lo köti aje tatua.

2 Samuele 11:24

a kaŋorok poki i poŋu na yi köliŋönök kulök i gorom nagon a mariŋ, a kulye köliŋönök kulök pon mor aje tatua; koliŋönit ilot Uriya ŋuto lo Kiti köti aje tatua.

2 Samuele 11:6

A Dawidi sonyoddi lore ko Yöaba yu adi, Sunyu Uriya ŋuto lo Kiti köyö ni. A Yöaba sunyukiŋdye Dawidi Uriya.

2 Samuele 12:9

Ko nyo nagon do aje lauŋdya kulyaesi ti MATAT, i koŋdya na ŋo naron kanyit i komor? Do aje rembu Uriya ŋuto lo Kiti ko gor, a joŋgi narakwan nanyit anyen gwon a narakwan inot, a do aje tatuja lepeŋ ko gor na ŋutu ti Amon.

2 Samuele 18:5

A mor sarakiŋdye Yöaba ko Abisai ko Ita i adi, Konaki ta ŋilu titinti Abisaloma madaŋ kogwon kulya kwe. A ŋutu liŋ yiŋge yiŋga i diŋit nagon mor saŋi temejik ti kamorök liŋ i kulya ti Abisaloma nu.

2 Samuele 2:13

a Yöaba ŋuro lo Seruya ko köliŋönök ti Dawidi kulo iti kaŋo a torumbe ko se i jor na Gibeon; a ŋutu ti Abiner si ’dani i lo swöt lo jor ko ŋutu ti Yöaba i lu swöt.

2 Samuele 2:18

A ŋwajik musala ti Seruya gwe nyu, logon a ko Yöaba ko Abisai ko Asaele. A mokosi ti Asaele gwe pa ’de ’de gwoso ti nyama na mu ’diŋ.

2 Samuele 23:18

A Abisai luŋaser Yöaba, ŋuro lo Seruya gwe a duma lo ŋutu walan merya musala kulu. A lepeŋ gwe a lo wulek i mörö ko ŋutu miajin musala ko gor nanyit, a rembi se, a lepeŋ köti kune kuön ko kilu ŋutu walan musala.

2 Samuele 23:34

ko Elipelet ŋuro lo Akasabai lo Maka, ko Eliam ŋuro lo Akitopele lo Gilö,

2 Samuele 23:39

ko Uriya ŋuto lo Kiti: lepeŋat liŋ a ŋutu merya musala wot buryo.

1 Moran 10:29

a arabia geleŋ lo jirikö, lo jwe Musiri yu gwöröni ko pödöjin miajin buker, a ropet na kusan geleŋ gwe a ŋodöjin mia geleŋ ko merya mukanat; a kine ŋo iŋge tugwöröki i moran liŋ ti Kiti ko ti Suria i könisi ti kilo katugwörök.

2 Moran 7:6

Kogwon MATAT a tiŋdu kamorok ti Suria i yiŋga na woŋon na arabiajin lo jijiko ko na kusanjin, ko woŋon na kamorok jore, a se tokulyaki ko ’borik adi, Mete ta, mor lo Yisaraele aje gworokin moran ti Kiti, ko moran ti Ejipeto anyen ŋo i moro koyi.

Yosua 3:10

A Yosua waddi adi, I kine kulya ta de deden adi Ŋun lo gwon jörun lo gwon kasu kiden, a nye tine jaran i riköddu na ŋutu ti Kanana kalor kasu i komor, ko ŋutu ti Kiti, ko ti Kiwi, ko ti Periji, ko ti Giriŋasi, ko ti Amori, se ko ti Yebusi.

1 Samuele 26:7

A Dawidi ko Abisai iti i kurumi na kamörök i diŋit na tukwaje; a Saula gwe i doto nyu i mera lukata, ko gor nanyit na a rimiki kak nyona ko kwe nanyit; a Abiner ko kamörök iŋge peron kak lopakiŋdya lepeŋ kiden.