1 Samuele 26:23 - Bibilia Buk na Ŋun nagon koti luŋu a

²³ MATAT ŋupi roropakiŋdya ŋutu liŋ kogwon kitaesi kase na rigwo ko to ’diri nase; kogwon MATAT a wukiŋdya do köyö i könin i lo lor, a nan tine ’bon ’bulukiŋdyo könin liŋ i tatuja na do logon MATAT a welakin a mor lo.

1 Samuele 26:23 ပူးပေါင်းရင်းမြစ်များ

2 Samuele 22:21

MATAT a ropakiŋdya nan gwoso i kulya kwe na rigwo; a nye ropakiŋdye nan gwoso i kelan na könisi kwe.

2 Samuele 22:25

Nyenagon MATAT a ropakiŋdya nan gwoso i kulya kwe na rigwo, ko i kelan nio kanyit i komor.

1 Moran 8:32

a ti do böŋö yinge yiŋga ki yu a kitani kita inot, ko ti do lileŋ köliŋönök kulök, i ’duŋökiŋdyö na putet lo ŋuto loron anyen ropakiŋdya lepeŋ toron nanyit kanyit i kwe, ko i tuggö adi ŋuto logon ko löti lo ’but a ’buŋu, a ropaki-ŋdye lepeŋ gwoso löti lonyit lo rigwo.

Nemaya 13:14

Böŋö ko na ŋo, yeyene yeye nan pon Ŋun lio, an do ko seyara kaŋo kitajin na ’but nagon nan a kon a ti kadi inot Ŋun lio, se ko kita nanyit.

Eyobo 34:11

Kogwon nye ropakiŋdya ŋutu gwoso i konesi kase, a nye korakiŋdye se gwoso i gwiliŋisi kase.

Saumajin 62:12

ŋon MATAT, do kulya köti adi nyaŋu inot ti ’duddyö kwöŋ. Do ropakindya ŋutu gwoso i temet na kitajin kase.

1 Samuele 24:11

Meddi pon baba, do a met kume lo boŋgo inot mana köyö i könin. Kogwon ŋina ’diri a gwak adi nan a ’dupuŋdyö kume lo boŋgo inot kaŋo, a nan gwe a ko tatuja do, böŋö dene den ko mete met adi toron kode mwönyit ’bayin köyö i könisi. Nan a ko konakiŋdya do arabat ma ’di nagon do a togoŋa nan anyen ködyö tatuja nan.

1 Samuele 24:12

Ti MATAT gwe a kaliliyanit i kiden nikaŋ ko do; ti MATAT lo ropakiŋdye nan do; ama könin liŋ ti ’bo ’yu do.

1 Samuele 24:18

I lo lor do aje tokurukiŋdyö nan adi do aje konakin nan ’bura, kogwon do a ko tatuja nan i diŋit nagon MATAT aje wukiŋdya nan konut i könisi nu.

1 Samuele 24:19

Ko ködyö lele ŋuto a ryeju miriku lonyit, nye ŋona bubulö kölöddu lepeŋ a loke le? ’Nyenagon ti MATAT ropakiŋdye do ’busan kogwon ŋo nagon do a konakin nan i lo lor na.

1 Samuele 26:11

Ti MATAT teŋgi nan an nan ’bulukiŋdyö könin liŋ ko ŋuto logon MATAT a welakin a mor lo; ama böŋö joŋgi gor nagon a rimiki kak nyona ko kwe nanyit ŋina, ko kere lo pioŋ, ko ti yi iti tu.

1 Samuele 26:22

A Dawidi ruŋge adi, Pon mor, mana gor na! Ti lele titinti lapuŋdye ni i dokuŋdya na lepeŋ.

1 Samuele 26:9

Ama a Dawidi kulyani ko Abisai adi, An do ko tukaŋu lepeŋ; kogwon ŋa logon bubulö ’bulukiŋdyo könin ko ŋuto logon MATAT a welakin a mor lo a gwe ’bak toron?