1 Samuele 26:16 - Bibilia Buk na Ŋun nagon koti luŋu a

¹⁶ Ŋina ŋo na kon do ŋina ti gwon a na ’but. ’Diri gwak gwoso na gwoŋdi MATAT na, do agu kodyö tatatua, kogwon do a ko tiju duma ilot logon MATAT a welakin a mor lo. Soŋinana meddi, niya gor na mor, ko kere lonyit lo pioŋ lo gwon nyona ko kwe nanyit lo?

1 Samuele 26:16 ပူးပေါင်းရင်းမြစ်များ

2 Samuele 12:5

A woran na Dawidi yuköki parik ko lu ŋuto; a lepeŋ kulyani ko Natana adi, ’Diri gwak, gwoso na gwoŋdi MATAT na, ŋuto logon a koŋdya ŋina ŋo lo jojo tatua!

2 Samuele 19:28

Kogwon kötumit liŋ na baba a na ŋutu lo tatatua ko mor duma liŋ i komor; ama do kölum aje tiŋdu nan köliŋönit ilot i kiden na ŋutu logon nyesu konut i misa kilo. Kwe nio a nyo nagon nan pipije mor köti?

1 Moran 2:26

A mor kulyani ko koane Abyatar adi, iŋgo, iti Anatot i meleseno kunök, kogwon do ködyö tatatua, ama nan ti ’bön tatuja do i na diŋit, kogwon do a ’doko saŋduk na MATAT ŋun ko Dawidi monye lio i komor, köti kogwon do a yöyöŋö i yöyöŋesi lio ti baba.

Saumajin 102:20

i yiŋga na wiwinyesi ti ŋutu lo rereka kulo, i lakundya na ŋutu logon a ’duŋöki i tatua kulo.

Saumajin 79:11

Ti wiwinyesi ti ŋutu lo rereka kulo ’dure konut i komor; kölöddi ko könin ilot iŋgo ŋutu logon a ’duŋöki i tatua kulo.

Epeso 2:3

Yi liŋ koti koju gwolor abur gwoso nagon yi ’de ’deggi, a yi koŋdi gwoso nagon mugunya kaŋ ko toilyet kaŋ ’de ’dekan na. Nyena yi liŋ gwon gwoso kulye kilo Ŋutu logon ŋun molu ririŋ kulo.

1 Samuele 20:31

Kogwon temba i gwon na ŋuro lo Yisai jörun i na kak nu, do kode tumatyan inot mo ti gwo ’dan go kwöŋ. Nyenagon sonyoddi lele ŋuto i joŋdya na lepeŋ köyö ni, kogwon nye ’diri agu ködyö tatatua.

1 Samuele 24:6

A nye kulyani ko ŋutu kanyit kulo adi, Agu ti MATAT teŋgi nan i konakiŋdya na duma liŋ logon MATAT a welakin a mor lo nene ŋo gwoso ŋina, an nan ’bo ’yu lepeŋ, kogwon ŋilo a ŋuto logon MATAT a welakin a mor.

1 Samuele 26:11

Ti MATAT teŋgi nan an nan ’bulukiŋdyö könin liŋ ko ŋuto logon MATAT a welakin a mor lo; ama böŋö joŋgi gor nagon a rimiki kak nyona ko kwe nanyit ŋina, ko kere lo pioŋ, ko ti yi iti tu.

1 Samuele 26:15

A Dawidi pije Abiner adi, Do ’bayin a wa le? ŋa logon gwoso do i Yisaraele? Nyo nagon do a ko tiju duma ilot logon a mor? Kogwon lele ŋuto a ’dur ŋini i tukaŋu na duma ilot logon a mor.

1 Samuele 26:9

Ama a Dawidi kulyani ko Abisai adi, An do ko tukaŋu lepeŋ; kogwon ŋa logon bubulö ’bulukiŋdyo könin ko ŋuto logon MATAT a welakin a mor lo a gwe ’bak toron?