1 Samuele 26:12 - Bibilia Buk na Ŋun nagon koti luŋu a

¹² Nyena a Dawidi ’dumaddi gor ko kere lo pioŋ lo gwon nyona ko kwe na Saula kulo; a se iti tu. A lele ŋuto gwe ’bayin logon a met kine ŋo kode a den, a lele gwe ’bayin logon a purwe; kogwon se liŋ aje monyota ko doto; kogwon doto duma parik nagon MATAT lo sunyuŋdyö aje mok lepeŋat.

1 Samuele 26:12 ပူးပေါင်းရင်းမြစ်များ

Suluet 15:12

A nagon kolor ’dororo ’dororo nu, a Abarama iŋge doto parik adi mön; nyena a kujönö duma parik se ko mudwe logon adi ’dii morgi lepeŋ.

Suluet 2:21

Nyena a MATAT Ŋun tiŋdi lu ŋuto i doto parik adi mwön, a na dotori nye nu, a nye ’dumuŋdye lele merete lo ŋilu ŋuto, a nyökökiŋdye lokore i pirit.

Esetere 6:1

A i ŋilu tukwaje a konyen ti morkweline kweli, a lepeŋ saŋi saŋu anyen buk na dekat jwe kanyit ni, anyen ko kenaki lepeŋ.

Yisaya 29:10

Kogwon MATAT ra ’bukökiŋdyö kasu loki mulökotyo logon tiŋdu ta i doto adi mwön, nye aje muggö konyen kasu, konyen kasu a nebijin, a muŋge kusik kasu, kusik kasu a kametak ti kulya na popo.

1 Samuele 24:4

A ŋutu kanyit kulo takiŋdye Dawidi adi, Malo lor logon MATAT a kulyari ko do adi, Meddi, nan mo wuwukin miriku ilot konut i könin, a do mo konakiŋdye lepeŋ gwoso nagon do a met a na ’but konut na. A kirut Dawidi ŋine ŋien a lwön a ’duŋuŋdye kume lo boŋgo na Saula.

1 Samuele 26:13

A kirut Dawidi laŋaddi i lele swöt, a gwo ’de pajo i kwe na mere, a kwake duma gwe kase kiden;

1 Samuele 26:7

A Dawidi ko Abisai iti i kurumi na kamörök i diŋit na tukwaje; a Saula gwe i doto nyu i mera lukata, ko gor nanyit na a rimiki kak nyona ko kwe nanyit; a Abiner ko kamörök iŋge peron kak lopakiŋdya lepeŋ kiden.