1 Samuele 24:16 - Bibilia Buk na Ŋun nagon koti luŋu a

¹⁶ A ko gwe sona nagon Dawidi aje tutuŋgö jamakiŋdya Saula kilo kulyaesi nu, a Saula kulyani adi, Dawidi ŋuro liŋ, ŋilo a do lo jambu le? A Saula poki i gwien.

1 Samuele 24:16 ပူးပေါင်းရင်းမြစ်များ

Suluet 16:5

A Sarai kulyani ko Abarama adi, Ti toron na konaki nan na ti morgi do. Nan a tiŋdu kölipönit nio konut i könin, a lepeŋ ko dene mugun ko pele a nye lau lu nan. Ti MATAT ’duŋge kine kulya i kiden nikaŋ ko do!

Suluet 2:2

A i lor toburyo a Ŋun kirut tutuŋge kitajin kanyit liŋ nagon nye a kon kune, a nye yuke yukan i lor toburyo i kitajin kanyit liŋ nagon nye a kon kune.

Suluet 33:4

A Esau wöki i rum ko lepeŋ, a kalapakiŋdye lepeŋ kanyit i kido a kuddye swö kanyit, a se gwine gwien.

1 Dekat 12:18

A kirut Mulökötyo lo Ŋun poki ko Amasai duma lo kilu ŋutu walan merya musala, a nye waddi adi, Yi a kulök pon Dawidi, yi gwon konut i swöt pon ŋuro lo Yisai! Ti taliŋ duma gwe ko do, ko ti taliŋ gwe ko kasarak kulök, kogwon ŋun ilot a parakin do. A kirut Dawidi wuji lepeŋat a tiŋdi lepeŋat i gwon a dumalak ti kamörök kanyit.

Eyobo 6:25

Kulyaesi ti ŋulu lorigwo a iŋgo parik! Ririŋesi kasu kweja nyo köyö?

Saumajin 119:154

Jundye ŋutet lio, ko dakundye nan kaŋo; toruje nan gwoso na kulyari do na!

Tolupesi 15:1

Ruggö ko gworo lokoyok tindu woran i yukörö, ama kulyaesi lo pape toŋu woran.

Tolupesi 25:11

Kulya na tetemakindya i jama i diŋit nanyit gwon gwoso dakap na tetena a ludweki logon a to ’depaki i pödö na gigiru.

Luka 21:15

kogwon nan mo titin ta kulyaesi se ko koŋon nagon lele lo merok kasu mo ti bulö teŋgu kode renya.

Konesi 6:10

A se tine bulö te ’ya lepeŋ kogwon kopon nanyit nagon Mulökötyo Loke a tikin lepeŋ anyen jajambi na.

Ka’duŋök 11:27

Nyenagon nan a ko konakiŋdya do nene toron, a do kölumbö konakiŋdye nan arabat i suluja na mörö ko nan; ti MATAT logon a Ka ’duŋönit lo lilije i kiden na ŋutu ti Yisaraele ko na ŋutu ti Amon i lo lor.

1 Samuele 26:17

A Saula iŋge timun gworo lo Dawidi, a pije adi, Dawidi ŋuro liŋ, ŋilo a do lo jambu le? A Dawidi ruŋge adi, Ee, lo a nan lo jambu pon mor duma liŋ.

1 Samuele 26:24

Meddi, gwoso nagon ru inot a duma köyö i metet i lo lor na, nyena ti ru nio böŋö gwe a duma ko MATAT i metet, ko ti nye böŋö lwökuŋdye nan kaŋo i ŋisesi liŋ.