1 Samuele 24:12 - Bibilia Buk na Ŋun nagon koti luŋu a

¹² Ti MATAT gwe a kaliliyanit i kiden nikaŋ ko do; ti MATAT lo ropakiŋdye nan do; ama könin liŋ ti ’bo ’yu do.

1 Samuele 24:12 ပူးပေါင်းရင်းမြစ်များ

Suluet 16:5

A Sarai kulyani ko Abarama adi, Ti toron na konaki nan na ti morgi do. Nan a tiŋdu kölipönit nio konut i könin, a lepeŋ ko dene mugun ko pele a nye lau lu nan. Ti MATAT ’duŋge kine kulya i kiden nikaŋ ko do!

Suluet 31:53

Ti Ŋun lo Abarayama logon a Ŋun lo Nakor, kweja adi a Ŋun lo merenye lose lo, ti nye lilije kine kulya kayaŋ kiden. Nyena a Yakobo milyeji i karin ti Ŋun logon monye lonyit Yisaka kukuk lo,

2 Samuele 22:48

ma ’di Ŋun logon a ropakiŋdya nan merok kwe ko a duluŋdya gweyajin ti ŋutu kak köyö i mukök.

1 Dekat 12:18

A kirut Mulökötyo lo Ŋun poki ko Amasai duma lo kilu ŋutu walan merya musala, a nye waddi adi, Yi a kulök pon Dawidi, yi gwon konut i swöt pon ŋuro lo Yisai! Ti taliŋ duma gwe ko do, ko ti taliŋ gwe ko kasarak kulök, kogwon ŋun ilot a parakin do. A kirut Dawidi wuji lepeŋat a tiŋdi lepeŋat i gwon a dumalak ti kamörök kanyit.

Eyobo 5:8

Ama nan ko mugun nio, nan ködyö ga ’yu Ŋun, nan ködyö kwekiŋdya kulya kwe ko lepeŋ.

Saumajin 35:1

Pon MATAT, rerenyani ko se logon rerenya ko nan kilo; möröni ko se logon mömörö ko nan kilo!

Saumajin 43:1

Pon Ŋun, ’duŋge ŋutet lio adi nan ’bak kulya, jundye kulya kwe i gweyari lo ŋutu logon ti den do Ŋun kilo; lwöggi nan i ŋutu kamu mulu kak ko a lorok kilo!

Saumajin 94:1

Pon MATAT Ŋun, robba na toronjin gwon a kulya kunök, do Ŋun, robba na toronjin gwon a kulya kunök, kupundye kaŋo!

Roma 12:19

Julin kwe lo nyanyara, an ta ko ropakiŋdya ta toron, kölumbö kölöki ta, ti Ŋun lo ropaki. Kogwon a wurö adi, Nan Matat a kulya adi, Kine a kulya kwe i ropakiŋdya, nan ’diri mo roropakin.

1 Petero 2:23

Ko ŋutu a moru lepeŋ a nye tine ropakiŋdya moru; na ŋoŋgi nye nu, a nye gwe a ko tokujoŋdu ŋutu, ama a nye yinikiŋdye mugun ko lepeŋ logon lilija kulya rigwo lo.

Kweyatti 6:10

A lepeŋat gwine gwien ko gworolo lobot adi, Pon Matat, do logon a loke ko a lo to ’diri, diŋit ŋornan nagon do mo ’duŋge putet a ropakiŋdye rima kaŋ i ŋutu lo si ’da i kak ni kulo?

Ka’duŋök 11:27

Nyenagon nan a ko konakiŋdya do nene toron, a do kölumbö konakiŋdye nan arabat i suluja na mörö ko nan; ti MATAT logon a Ka ’duŋönit lo lilije i kiden na ŋutu ti Yisaraele ko na ŋutu ti Amon i lo lor.

1 Samuele 20:1

A Dawidi wöki kaŋo Nayot na Rama a ’duröki ko Yonatana i komor, a pije adi, Nan a koŋdya nyo? Lyaŋan nio a nyo? Ko toron nio ’beron a nyo ko munyi i komor, nagon nye ga ’yu tatuja nan na?

1 Samuele 24:15

Nyenagon ti MATAT gwe a kaliliyanit likaŋ, anyen ’duŋöki-ŋdyö kine kulya i kiden nikaŋ ko do. Ti nye meddi ko ti tokurukiŋdye kulya kwe, i ’buruŋdya na nan kaŋo konut i könin.

1 Samuele 26:23

MATAT ŋupi roropakiŋdya ŋutu liŋ kogwon kitaesi kase na rigwo ko to ’diri nase; kogwon MATAT a wukiŋdya do köyö i könin i lo lor, a nan tine ’bon ’bulukiŋdyo könin liŋ i tatuja na do logon MATAT a welakin a mor lo.