1 Samuele 24:11 - Bibilia Buk na Ŋun nagon koti luŋu a

¹¹ Meddi pon baba, do a met kume lo boŋgo inot mana köyö i könin. Kogwon ŋina ’diri a gwak adi nan a ’dupuŋdyö kume lo boŋgo inot kaŋo, a nan gwe a ko tatuja do, böŋö dene den ko mete met adi toron kode mwönyit ’bayin köyö i könisi. Nan a ko konakiŋdya do arabat ma ’di nagon do a togoŋa nan anyen ködyö tatuja nan.

1 Samuele 24:11 ပူးပေါင်းရင်းမြစ်များ

2 Samuele 1:14

A Dawidi pipije lepeŋ adi, Ada lolor nagon do ti kujönö ’bulukiŋdyo könin ilot i tatuja na ŋuto logon MATAT a welakin a mor lo?

2 Moran 5:13

Ama a köliŋönök kanyit mijörö ko lepeŋ yu a pije adi, Baba, ko ködyö nebi lo a sara-kiŋdya do i koŋdya na nene po duma, a do ködyö ti kon le? Nyena bia ko nyo do ti kon ko lepeŋ saŋu do adi, Kwöni ko gwe a loke?

Eyobo 10:16

A ko nan ködyö a kabulanit lo mugun, a do ködyö goŋi nan gwoso na goŋi ŋuto kömiru na, a te ’yi nan köti ko riŋit inot tusörit.

Saumajin 119:161

Kimak sasandu nan ’bak kwe na kulya, ama nan kukuk kulyaesi kulök.

Saumajin 140:11

Ti ŋutu kaŋöök gwe ti puputuru ŋerot i jur; ti ŋonyan gŋgoŋi katukarak anyen gubakindya se kak!

Saumajin 35:7

Kogwon se a ’delakindya nan widi nase kana, se a ’bokakindya nan meyi ko kulya kana.

Saumajin 59:3

Kogwon meddi, se a ’dana i domba na nan; ŋutu kaŋajin momorundya i ŋisa ko nan. Lepeŋat kondya sona ti gwon kogwon tu ’do liŋ nio, ti gwon kogwon toron nio ŋon MATAT.

Saumajin 7:5

a ti miriku lio riköddi nan ko ti morgi nan, iye, ti nye ryokaddi ru nio kak i liŋo, ti nye toŋirikindye ŋele nio i ŋutu!

Tolupesi 15:1

Ruggö ko gworo lokoyok tindu woran i yukörö, ama kulyaesi lo pape toŋu woran.

Delyasi 4:18

ŋutu domba yi i woro, anyen yi gwon ti woro abur; ’dutet nikaŋ gwe nyona, perok kaŋ aje kenaki, iŋkoi, ’dutet nikaŋ ’diri aje po.

Ejikele 13:18

kulyani adi. MATAT ŊUN lo kulya adi, Wöidiö ta wate nagon goŋa ru na ŋutu i ripakin-dya na ŋo ti to ’bunun kase i könisi, a teteŋdi möŋdiliet a mukesi ti kusik ti ŋutu nagon ko kiŋajin ka ’de ka ’de! Ta ŋona togoŋa ru na ŋutu kwe a kölö-kiŋdye ru nasu jörun le?

Mika 7:2

Ŋutu lo twöju Ŋun aje twatwa i kak ni, a ŋutu lo rigwo gwe ’bayin i kiden na ŋutu; lepeŋat liŋ pokin i nyiŋgo na rima, ŋutu liŋ goŋa luŋasirik kase gwoso ŋuto lo togopa ko birya.

Yoane 15:25

a ŋina gwe sona anyen kulya na wuro kase i Saresi kune böŋö kokona, adi, Lepeŋat aje man nan ’bak kwe na kulya.

1 Samuele 12:3

Nan malo; tokuruki-ŋdye ta kulya kwe ko MATAT i komor, ko i komor na lo ŋuto logon nye a wela-kin a mor lo. Nan ŋona a riŋuŋdya dwot liŋ a? Kode nan ŋona a pisuŋdya kaine niŋa? Kode nan ŋona a mumulugga ŋa? Nan ŋona a ru ’ya ŋa? Kode nan ŋona a ’dumuŋdya ropet ko ŋa i könin anyen ’daŋ konyen kwe ko se? Nan de nyönyokökin ta.

1 Samuele 18:27

A Dawidi ko ŋutu kanyit ŋine ŋien a iti tu, a tatuje ŋutu ti Pelesete gwoso miajin murek; a Dawidi joŋdi ka ’bi ’binyalan kase, a tiŋdi mor jore parik, anyen nye bubulö gwon a komonit lo mor. A Saula tiŋdi nye ŋuro nanyit Mikala a narakwan.

1 Samuele 23:14

A Dawidi möŋdi mu ’diŋ i ’danaesi nago, i jur lo merya i yöbu na Jipi. A Saula ga ’yi lepeŋ perok liŋ, ama ŋun a ko wukin lepeŋ kanyit i könisi.

1 Samuele 23:23

Nyenagon meddi ta ’bura ko deŋdi ta piritön ’danaesi liŋ na ’danari lepeŋ kunu, a i mukök ti ta yitwene köyö ni ko lore logon a gwak. A kirut nan mo moraddi ko ta; a ko lepeŋ ’diri kata i jur yu a nan mo ga ’yi lepeŋ i kiden na kötumitön liŋ ti Yuda.

1 Samuele 25:28

Böŋö pitökiŋdye lyaŋet nio nan köliŋönit inot; kogwon MATAT ’diri mo teteŋdya do duma liŋ a kötumit nagon a gwak, kogwon do duma liŋ gwon i mörö na goro ti MATAT; a ŋo naron mo tine rye konut ko do nyuŋ gwon jörun.

1 Samuele 26:18

A nye pije adi, Nyo nagon do duma liŋ gwon i kekebbu na nan? Nan ŋona a koŋdya nyo? Toron a nyo nagon kata köyö i könisi?

1 Samuele 26:20

Nyenagon an rima kwe ’buköŋ kak pajo ko MATAT i komor; kogwon mor lo Yisaraele a poŋdya i ga ’yu na nan gwoso katogoranit lo kiliŋ giryekan i merya.

1 Samuele 26:23

MATAT ŋupi roropakiŋdya ŋutu liŋ kogwon kitaesi kase na rigwo ko to ’diri nase; kogwon MATAT a wukiŋdya do köyö i könin i lo lor, a nan tine ’bon ’bulukiŋdyo könin liŋ i tatuja na do logon MATAT a welakin a mor lo.