1 Samuele 23:2 - Bibilia Buk na Ŋun nagon koti luŋu a

² Nyenagon a Dawidi muluŋdye ko MATAT adi, Nan ŋona bubulö tu i mörö ko kilu ŋutu ti Pelesete le? A MATAT kulyani ko Dawidi adi, Iti i mörö ko ŋutu ti Pelesete kulu, anyen lwökuŋdyö Keila.

1 Samuele 23:2 ပူးပေါင်းရင်းမြစ်များ

2 Samuele 2:1

A gwe sona i mukök na kine kulya, a Dawidi piyuŋdye ko MATAT adi, Nan ŋona bubulö lupö i nene na köjinö ti Yuda le? A MATAT waddi lepeŋ adi, lye, iti. A Dawidi pipije adi, Nan ködyö lupö i nan köji? A nye waddi adi, Do bubulö lupö Keberon.

2 Samuele 5:19

A Dawidi piyun­dye MATAT adi, Nan ŋona bubulö tu i mörö ko ŋutu ti Pelesete le? Do ŋona de wuwukin lepeŋat köyö i könisi? A MATAT waddi Dawidi adi, Iŋkoi, iti; kogwon nan ’diri de wuwukin ŋutu ti Pelesete konut i könisi.

2 Samuele 5:23

A Dawidi ko piyuŋdye MATAT, a nye waddi lepeŋ adi, Do ti tu; ka ’de loraddi lepeŋat a lo ki ’dio, ko labaki kase loki i swöt lo kaden logon a baka.

1 Dekat 14:10

A Dawidi piyuŋdye Ŋun adi, Nan ŋona bubulö tu i mörö ko ŋutu ti Pelesete le? Do ŋona de wuwukin lepeŋat köyö i könisi? A MATAT waddi lepeŋ adi, Iŋkoi iti; kogwon nan de wuwukin lepeŋat konut i könisi.

Saumajin 32:8

Nan mo kwekindya do ko todinikindyö do kiko lo tiri do lu; nan mo jujuaddu do ko konyen kwe meddya do.

Yeremia 10:23

Pon MATAT, nan deden adi, ’bayin a kulya ti ŋuto i wuluŋdyona kiko lonyit, ’bayin a kulya kanyit i wuluŋdyö ko nye kebbu lon kiko.

Kenet 27:21

A nye mo gwo ’de ko koane Elejara i komor, a koane mo galakiŋdye nye kulya kanyit ko MATAT i komor gwoso i ’duget na Urim; a ko lepeŋ a kulya adi, Iti ta, a se ködyö iti kaŋo, a ko lepeŋ a kulya adi, Lupöni ta, a se lupöni lukata, kweja adi Yosua se ko momoret liŋ na ŋutu ti Yisaraele.

Yosua 9:14

A ŋutu kulo wuji lele kinyo lose, a tine piyuŋdya kulya ko MATAT i kutuk.

Ka’duŋök 1:1

A gwe sona i mukök na twan na Yosua, a ŋutu ti Yisaraele pipije MATAT adi, ŋa logon kayaŋ kata logon mo tu i moro a kokwe ko ŋutu ti Kanana?

1 Samuele 10:22

A se koti piyuŋdye ko MATAT adi, ŋilu ŋuto a ko nyuŋ poŋdya ni le? A MATAT kulyani adi, Mete, nye lu a ’delakiŋdya mugun i tito lukata.

1 Samuele 14:37

a Saula piyuŋdye ko ŋun adi, Nan ŋona bubulö tu i kepöddu na ŋutu ti Pelesete le? Do de wuwukin se i könisi ti ŋutu ti Yisaraele le? Ama MATAT a ko ruk lepeŋ i ŋilu lor.

1 Samuele 23:3

Ama a ŋutu ti Dawidi kulo pije lepeŋ adi, Meddi, yigwon ko kujönö ni Yuda; a kirut mo gwe ada koyi a tu Keila i möro ko teŋon ti kamörök ti Pelesete?

1 Samuele 23:4

A kirut Dawidi köti muluŋdye ko MATAT. A MATAT ruŋge lepeŋ adi, ŋine ŋien, ko lulurara kak Keila yu; kogwon nan mo puŋutukin ŋutu ti Pelesete konut i könisi.

1 Samuele 23:6

A ko gwe sona nagon Abyatar ŋuro lo Akimelek aje wökun ko Dawidi ni Keila nu, lepeŋ a po ko epoda kanyit i könin.

1 Samuele 30:8

A Dawidi muluŋdye ko MATAT adi, Nan ŋona bubulö kepöddu nu teŋ na kamörök le? Nan ŋona de wowokun lepeŋat le? A MATAT nyobbi adi, Kepoddi se; kogwon do ’diri de wowokun se, do ’diri de lwölwökun se.