1 Samuele 22:7 - Bibilia Buk na Ŋun nagon koti luŋu a

⁷ A Saula kulyani ko köliŋönök kanyit lo gwo ’dan kanyit nyona kulo adi, Ta ŋutu ti Benyamina, yiŋge ta nan; ta yeyeju adi ŋuro lo Yisai bubulö kokorakiŋdya ta liŋ meleseno geleŋ geleŋ mora ko luköbiöt ti kaden ti binyo le? Nye bubulö tiŋdu ta liŋ a temejik ti aliŋan, ko a temejik ti miajin le?

1 Samuele 22:7 ပူးပေါင်းရင်းမြစ်များ

2 Samuele 18:1

A kirut Dawidi keŋdi ŋutu logon gwon ko lepeŋ kulu, a wulökiŋdye lepeŋat temejik ti aliŋan ko temejik ti miajin.

2 Samuele 20:1

A lele ŋuto mök gwe nyu karin kanyit a Seba, ŋuro lo Bikiri Benyaminatyo; a lepeŋ kuddye tore adi, Kulya kaŋ ’bayin ko Dawidi, yi ’bak lomore i ŋuro lo Yisai;ta ŋutu liŋ ti Yisaraele, yitöni ta kasu i midijik!

1 Moran 12:16

A ŋutu liŋ ti Yisaraele ko meddi adi mor ti yiŋ se, a se nyökökiŋdye mor ruket adi, Kulya kaŋ a nyo ko Dawidi ŋuro lo Yisai? Yi ’bak nene lomore ko lepeŋ. Ta ŋutu ti Yisaraele, yitöni ta kasu i midijik! Ta ŋutu ti Dawidi, sopinana meddi ta kötumit nasu. A ŋutu liŋ ti Yisaraele reara kase i midijik.

1 Dekat 12:16

A kulye ŋutu ti Benyamina ko ti Yuda poŋdi ko Dawidi ni i pirit ’danaet nago.

Yisaya 11:1

A kene mo wilu i kumut na Yisai, a kene mo ŋunu kaŋo i kokori kanyit.

Yisaya 11:10

A i ŋilu lor wilan na kokorite na Yisai mo gwo ’de gwo ’dan gwoso beret i gweyajin ti ŋutu; a jurön mo ga ’yi lepeŋ, a pirit si ’daet nanyit mo bulani bula.

1 Samuele 18:14

A Dawidi gwe a lokoŋ i ŋo liŋ nagon nye kökon kune, kogwon MATAT gwon ko lepeŋ.

1 Samuele 20:27

Ama i lor tomurek lo rorwe kweja adi i mukök na wilun na yapa i kotumalu nanyit, puja pirit na Dawidi gwon kana. A Saula pije ŋuro lonyit Yonatana adi, Nyo nagon ŋuro lo Yisai a ko poŋdya i nyesu kaje ko i lo lor?

1 Samuele 20:30

A kirut woran na Saula tuleki ko Yonatana. A nye kulyani ko Yonatana adi, Do ŋuro lo karenyanit ’burönit! Nan a den adi töjulin inot ko ŋuro lo Yisai mo na tiŋdu do yu na kwe ko tubaman na ŋuti na yupuŋdyö do na.

1 Samuele 22:13

A Saula pije lepeŋ adi, Nyo nagon do se ko ŋuro lo Yisai a momora a lwön i mwön ko nan, nagon do a tiŋdu lepeŋ ambata ko baŋdu, a do iŋge mo ’yu ŋun kogwon kulya kanyit, anyen lepeŋ ŋien i mörö ko nan, i domba gwoso na lo lor na?

1 Samuele 22:9

A kirut Doega ŋuto lo Edom logon gwo ’dan ko köliŋönök ti Saula nyona lo waddi adi, Nan a meddya ŋuro lo Yisai a ’durökin Noba Akimelek ŋuro lo Akituba yu,

1 Samuele 25:10

A Nabala nyobbi köliŋönök ti Dawidi kulo adi, Dawidi a ŋa? ŋa logon a ŋuro lo Yisai? Köliŋönök jore kata i na diŋit logon wöwöki kaŋo ko komonye kase.