1 Samuele 22:17 - Bibilia Buk na Ŋun nagon koti luŋu a

¹⁷ A mor kulyani ko katiyuk kanyit logon gwo ’dan ko lepeŋ nyona kulo adi, Iŋgo, tatune ta kilo koanejin ti MATAT; kogwon könisi kase gwon ko Dawidi köti; se aje den wökön nanyit, a tine tukökiŋdyö nan. Ama a köliŋönök ti mor tine ’bön ’bulukiŋdyö könisi kase i tatuja na koanejin ti MATAT.

1 Samuele 22:17 ပူးပေါင်းရင်းမြစ်များ

2 Samuele 15:1

A ko gwe sona i mukök na ’kine kulya, a Abisaloma gala-kiŋdye mugun arabia, ko kusanjin na jiggö arabia, ko ŋutu merya mukanat logon wöwöki kanyit ŋerot.

1 Moran 1:5

A Adoniya ŋuro lo Kagita bu ’ye mugun, a kulyani adi, Nan de lo poki a mor; a nye tetenakiŋdye mugun arabia-jin lo jijiko ko ŋutu kajoŋak ti kusanjin, ko ŋutu merya mukanat logon wokon kanyit ŋerot.

1 Moran 14:27

a mor Rabama ruddye se ko kunie ’bukwö nagalaŋak nagon a mölwö, a nye tiŋdi se i könisi ti kametak ti katiyuk ti kötumit na kadi na mor i meddya na se ’bura.

1 Moran 18:4

a gwe sona nagon ŋebele totoggi nebijin ti MATAT kak nu, a Obadia joŋgi nebijin mia geleŋ a ’de ’yi se merya mukanat merya mukanat i kuggiöt, a jakiŋdye se ambatajin ko pioŋ.)

2 Moran 10:25

A ko gwe sona a Yeu ko tutuŋge wukiŋdya rubaŋga lo ’yu ’yura ’buluŋ, a nye kulyani ko katiyuk se ko dumalak kase kulo adi, Luŋöni ta lukata, ko tatuje ta lepeŋat; ti lele gwe ti pesaddu kwöŋ. A kirut se ŋoki i tatuja na lepeŋat ko baŋdujin, a katiyuk ko dumalak kase gumbe öpuö kase kaŋo, a se luŋöni i kadi na lukata na gwon i kadi na Bala,

Yuörö 1:17

Ama a kine kata ’duak kujönöni Ŋun, a tine kon gwoso nagon mor lo Ejipeto a sarakiŋdye se nu, ama a se kölökiŋdye ŋwajik lyan i gwon jörun.

Konesi 4:19

A Petero se ko Yoane kölumbö waddi lepeŋat adi, Ta ko mugunya kasu lilije ta ko po a nyo nagon a na ’but ko Ŋun i metet: adi i yiŋga na ta kode i yiŋga na Ŋun?

1 Samuele 14:45

a ŋutu kulo pije Saula adi, Yonatana ’diri de tatatua logon a katelanit duma i Yisaraele lo le? ’Bayin kwoŋ. ’Diri gwak gwoso na gwoŋdi MATAT na, ti nene ŋo gwe ti ’bo ’yu lepeŋ asut, ma ’di a na ’dit; kogwon nye a kita ko Ŋun i lo lor. A se lwökuŋdye Yonatana a gwe a ko tatua.

1 Samuele 2:31

Mete, perok kilo popo logon nan mo ’duŋöddi kaŋo riŋit inot ko riŋit na kötumit na merenyu, anyen ŋuto modoŋ molu gwon ti rye konut midi.

1 Samuele 20:33

Ama a Saula rembi lepeŋ ko gor nanyit anyen ködyö tatuja lepeŋ; a Yonatana kirut kuruŋdye adi monye titiriku tatuja Dawidi.

1 Samuele 22:13

A Saula pije lepeŋ adi, Nyo nagon do se ko ŋuro lo Yisai a momora a lwön i mwön ko nan, nagon do a tiŋdu lepeŋ ambata ko baŋdu, a do iŋge mo ’yu ŋun kogwon kulya kanyit, anyen lepeŋ ŋien i mörö ko nan, i domba gwoso na lo lor na?

1 Samuele 22:16

A mor kulyani adi, Akimelek, do de ’diri tatatua, mora ko ŋutu liŋ ti mede na munyi.

1 Samuele 25:17

Nyenagon soŋinana ti do dene den kine kulya, ko ti do yeyeji yeyeju ko do de koŋdya nyo; kogwon kulu ŋutu de kökonakin monye likaŋ nene ŋo naron ko mede nanyit liŋ, ama lepeŋ a lele ŋuto logon; lele ŋuto ti jukin jambu ko nye.

1 Samuele 8:11

A nye kulyani adi, Malo gwiliŋit lo mor logon mo tumatyan ko ta lo; kweja adi nye mo jojoŋ ŋwajik kasu lulyan a wuluŋdye se a ti arabiajin kanyit lo jijikö, ko i gwon a kajoŋak ti kusanjin kanyit, ko anyen wökön i ŋerot na arabiajin kanyit lo jijikö.