1 Samuele 22:16 - Bibilia Buk na Ŋun nagon koti luŋu a

¹⁶ A mor kulyani adi, Akimelek, do de ’diri tatatua, mora ko ŋutu liŋ ti mede na munyi.

1 Samuele 22:16 ပူးပေါင်းရင်းမြစ်များ

1 Moran 18:4

a gwe sona nagon ŋebele totoggi nebijin ti MATAT kak nu, a Obadia joŋgi nebijin mia geleŋ a ’de ’yi se merya mukanat merya mukanat i kuggiöt, a jakiŋdye se ambatajin ko pioŋ.)

1 Moran 19:2

A ŋebele yokiöddi ŋuto i takiŋdya na Eliya adi, ’Diri ’diri, ti punyen konakiŋdye nan arabat ko lwölwöŋ kine köti, ko ködyö nan ti tolikin ru inot de ko ’bure i na saa gwoso na tolikiŋdye do ru nase.

Esetere 3:6

Ama a lepeŋ yeyeji adi ’bulit ’bayin i tatuja na Mordekai geleŋ. Nyena kogwon se aje tukökin lepeŋ gweyari lo Mordekai, a Aman ga ’yi tukaŋu Yudayaki liŋ logon a gweyari lo Mordekai i swötön liŋ ti tumatyan na Akasuwero.

Tolupesi 28:15

Kasaranit loron lo saŋu ŋutu lomerika gwon gwoso kömiru lo rurumön kode gwoso gworoŋ lo totŋgoŋa.

Daniele 2:12

Nyena kogwon kune ŋo a mor wore woran a tömönik, a yökije adi ti ŋuto lokoŋ lio ti Babela tukarani tukara.

Daniele 2:5

a mor iŋge ruggo ŋuto ti Kaledea adi, Kulyaet lio lo a gwak ko ti bulo löpukö. Ko ta a ko nyönyökökin nan ŋina rudweet nio ko tokoret nanyit a ta mo tutupöni tutupö, a kadijik kasu mo kölökine a murwöki.

Matayo 2:16

A na meddi Erode adi ŋutu lokoŋ kulo aje dumba nye nu, a nye wore woran a tömönik, a nye soŋdi ŋutu i tatuja na ŋwajik lyan lio lo gwon Beteleme ko i mara kanyit lo gwon ko kiŋajin murek, kode logon a ko nyuŋ ’dur kilo, kenuŋdya kiŋajin kase suluja i diŋit na denuŋdye nye ko ŋutu lokoŋ adi se a met kaserököti i ŋiun nu.

Konesi 12:19

A Erode tiŋdi saret anyen lepeŋ gagala, ama a se gwe a ko ryö lepeŋ, a nye pipije katiyuk kulo a tiŋdi saret anyen lepeŋat tatatua. A i mukök na kine kulya a Erode kö ’yi Yudaya a iti Kaisaria, a si ’dani nyu.

Nyökit 24:16

A komonye ködyö tine tatua i kulya ti ŋwajik, kode a ŋwajik ködyö tine tatua i kulya ti komonye; ŋutu liŋ geleŋ geleŋ ködyö tatuani kogwon toronjin kase.

1 Samuele 14:44

a Saula milyeji adi, Ti Ŋun konakiŋdye nan sona ko lwölwöŋ kine; do Yonatana ’diri de tatatua.

1 Samuele 20:31

Kogwon temba i gwon na ŋuro lo Yisai jörun i na kak nu, do kode tumatyan inot mo ti gwo ’dan go kwöŋ. Nyenagon sonyoddi lele ŋuto i joŋdya na lepeŋ köyö ni, kogwon nye ’diri agu ködyö tatatua.

1 Samuele 22:15

Na a daŋ togeleŋ le nagon nan a mo ’yu ŋun i kulya kanyit? ’Bayin asut! Ti mor gwe ti kena-kiŋdya nan köliŋönit lonyit nene ŋo naron kode i ŋutu liŋ ti mede na baba; kogwon köliŋönit ilot a ko den nene ŋo asut i kine kulya liŋ na jore kode na ku ’dik.

1 Samuele 22:17

A mor kulyani ko katiyuk kanyit logon gwo ’dan ko lepeŋ nyona kulo adi, Iŋgo, tatune ta kilo koanejin ti MATAT; kogwon könisi kase gwon ko Dawidi köti; se aje den wökön nanyit, a tine tukökiŋdyö nan. Ama a köliŋönök ti mor tine ’bön ’bulukiŋdyö könisi kase i tatuja na koanejin ti MATAT.