1 Samuele 22:14 - Bibilia Buk na Ŋun nagon koti luŋu a

¹⁴ A Akimelek waddi pija mor adi, Lele ŋuto a ŋa logon yiyiniki i kita gwoso Dawidi i kiden na köliŋönök kulök liŋ? Kogwon nye a komonit lo mor ko a duma lo katiyuk kulök, lepeŋ bubula konut i ’baŋ.

1 Samuele 22:14 ပူးပေါင်းရင်းမြစ်များ

1 Samuele 17:25

A ŋutu ti Yisaraele kulyani adi, Ta a met ŋilo ŋuto logon a pukun lo le? ’Diri nye a poŋdyai lauŋdya na Yisaraele; ama ko lele ŋuto a tatuja lepeŋ, a mor mo tukwörieŋdi lepeŋ ko tukwörien duma, a mo tiŋdi lepeŋ ŋuro nanyit a narakwan, a tiŋdi kötumit na monye lonyit i gwon a luitöt i Yisaraele.

1 Samuele 18:13

A Saula joŋgi Dawidi kaŋo kanyit i komor, a tiŋdi lepeŋ a duma lo kamörök kanyit aliŋ geleŋ; a nye gwe a kanyömönit lo ŋutu i tu nase kaŋo ko i yitwe nase.

1 Samuele 18:27

A Dawidi ko ŋutu kanyit ŋine ŋien a iti tu, a tatuje ŋutu ti Pelesete gwoso miajin murek; a Dawidi joŋdi ka ’bi ’binyalan kase, a tiŋdi mor jore parik, anyen nye bubulö gwon a komonit lo mor. A Saula tiŋdi nye ŋuro nanyit Mikala a narakwan.

1 Samuele 20:32

A kirut Yonatana pije monye lonyit Saula adi, Nyo nagon lepeŋ tatatua? Lepeŋ a koŋdya nyo?

1 Samuele 21:2

A Dawidi waddi koane Akimelek adi, Mor aje yökijönan ko kune kulya, lepeŋ a kunyaŋu nan adi, ti lele ŋuto gwe ti den kune kulya na sunyuŋdye nye nan kata kune, kweja adi ŋo nagon nye a yökije nan kune. Nan aje tetenakin teton kulu nene pirit anyen möŋdu nan kata.

1 Samuele 22:13

A Saula pije lepeŋ adi, Nyo nagon do se ko ŋuro lo Yisai a momora a lwön i mwön ko nan, nagon do a tiŋdu lepeŋ ambata ko baŋdu, a do iŋge mo ’yu ŋun kogwon kulya kanyit, anyen lepeŋ ŋien i mörö ko nan, i domba gwoso na lo lor na?

1 Samuele 24:11

Meddi pon baba, do a met kume lo boŋgo inot mana köyö i könin. Kogwon ŋina ’diri a gwak adi nan a ’dupuŋdyö kume lo boŋgo inot kaŋo, a nan gwe a ko tatuja do, böŋö dene den ko mete met adi toron kode mwönyit ’bayin köyö i könisi. Nan a ko konakiŋdya do arabat ma ’di nagon do a togoŋa nan anyen ködyö tatuja nan.

1 Samuele 25:28

Böŋö pitökiŋdye lyaŋet nio nan köliŋönit inot; kogwon MATAT ’diri mo teteŋdya do duma liŋ a kötumit nagon a gwak, kogwon do duma liŋ gwon i mörö na goro ti MATAT; a ŋo naron mo tine rye konut ko do nyuŋ gwon jörun.

1 Samuele 26:23

MATAT ŋupi roropakiŋdya ŋutu liŋ kogwon kitaesi kase na rigwo ko to ’diri nase; kogwon MATAT a wukiŋdya do köyö i könin i lo lor, a nan tine ’bon ’bulukiŋdyo könin liŋ i tatuja na do logon MATAT a welakin a mor lo.