1 Samuele 20:41 - Bibilia Buk na Ŋun nagon koti luŋu a

⁴¹ A ’de ’de nagon ŋuro lo aje tu nu, a Dawidi ŋine ki nyona ko ’dome lo ŋurupö, a ’dorone kak rupu, a dulakine kak daŋin musala; a se ’biyuŋdye ’börik, a gwine gwien ko ’börik tojo ko Dawidi a gwien parik parik.

1 Samuele 20:41 ပူးပေါင်းရင်းမြစ်များ

Suluet 29:11

A Yakobo ’biuŋdye Raele, a poki i gwien.

Suluet 29:13

A Labana ko yiŋge lore lo Yakobo ŋuro lo kiaser nanyit, a nye wöki i törumbo ko lepeŋ, a kalabbi lepeŋ a ’biuŋdye lepeŋ, a nye joŋdi lepeŋ kanyit kadi. A Yakobo nyönyö kökiŋdye Labana kine kulya liŋ,

Suluet 33:4

A Esau wöki i rum ko lepeŋ, a kalapakiŋdye lepeŋ kanyit i kido a kuddye swö kanyit, a se gwine gwien.

Suluet 42:6

A Yosepa gwe a mödir lo lu jur; a nye lo tugwörökiŋdye Ŋutu liŋ ti lu jur. A luŋasirik ti Yosepa poŋdi po a rosokakine kak rupu kanyit i komor.

Suluet 43:28

a se waddi adi, Kölipönit ilot baba likaŋ lu a lo ’but, nye nyuŋ gwon jörun. A se dulakiŋdye komorsikan kase kak a twöji lepeŋ.

Suluet 45:15

A nye Köti kuddye swö ti luŋasirik kanyit liŋ, a gwine gwien kase loki, a i mukök na kine kulya, a luŋasirik kanyit kulo jambi ko lepeŋ.

2 Samuele 1:2

a gwe sona i lor tomusala lonyit, mete, a lele ŋuto lo poŋdi i mera na Saula ko boŋgwat kanyit a kekerenya, a kujoŋ gwe kanyit i kwe. A nye ko ’dure ko Dawidi ni, a ’dorone kak a twoji twoju.

2 Samuele 1:26

Luŋaser lio Yonatana, nan a delya do parik; do a lo ’but parik köyö; nyaŋu inot na nan ’diri a ŋo sörit, a lwöŋ ma ’di nyaŋu na ŋuto nakwan.

2 Samuele 14:4

A ŋina ŋuto na Tekowa ko ’duröki ko mor yu, a lepeŋ ’dorone kak rupu, a twöji twöju kulya adi, Ŋaraki nan pon mor.

2 Samuele 19:39

A kirut ŋutu liŋ laŋaddi i nu pele na Yardene, a mor laŋaddi laŋaddu köti; a mor ’biyuŋdye Barujilai, a ’boroji lepeŋ, a Barujilai yitöni kanyit mede.

2 Samuele 9:6

A Mepiboset ŋuro lo Yonatana, ŋuro lo Saula poŋdi ko Dawidi ni, a ’dorone kak rupu, a twöji twöju. A Dawidi kulyani adi, Mepiboset! A nye nyobbi adi, Nan malo, köliŋönit ilot.

1 Moran 1:16

Bateseba dulakine kak a twoji mor. A mor pipije adi, Gwon ada, do ko kulya?

1 Moran 1:23

A se takiŋdye mor adi, Nebi Natana malo. A nagon nye aje lupe lukata ko mor i komor nu, a nye dulakine kak ko komor nanyit ko mor i komor.

1 Moran 1:31

A kirut Bateseba dulakine kak ko komor nanyit, a twoji mor kulya adi, Ti mor Dawidi duma lio si ’dani ŋupi!

Konesi 20:37

A se liŋ gwine gwien parik, a kalabbi lepeŋ ko ’bi ’biyet,

1 Samuele 10:1

A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

1 Samuele 18:3

A Yonatana ko Dawidi tunyeki milye, kogwon lepeŋ nyanyar nye gwoso mugun nanyit.

1 Samuele 20:40

A Yonatana tiŋdi ŋilu ŋuro tito kanyit möriesi, a takiŋdye lepeŋ adi, Iti, joŋe se köji.

1 Samuele 24:9

A Dawidi pije Saula adi, Nyo nagon do yiŋga kulyaesi ti ŋutu lo kulya adi, Mete, Dawidi lo ga ’yu koŋdya do arabat?

1 Samuele 25:23

A nagon Abigaila ko meddi Dawidi, a lepeŋ rume rum, a labu kak i kaine loki, a ’dorone kak ko Dawidi i komor rupu.