1 Samuele 20:30 - Bibilia Buk na Ŋun nagon koti luŋu a

³⁰ A kirut woran na Saula tuleki ko Yonatana. A nye kulyani ko Yonatana adi, Do ŋuro lo karenyanit ’burönit! Nan a den adi töjulin inot ko ŋuro lo Yisai mo na tiŋdu do yu na kwe ko tubaman na ŋuti na yupuŋdyö do na.

1 Samuele 20:30 ပူးပေါင်းရင်းမြစ်များ

Eyobo 5:2

’Diri ŋoma tatatu ŋuto lu ’böŋ, iŋkoi, yulön rembu ŋuto logon ’bak kuruŋdyö na kulya.

Tolupesi 14:29

Ŋuto logon ’di ’diko i woran kukurun kulya parik, ama ŋuto logon woran ’de ’de tuŋoijo tu ’bögön.

Tolupesi 15:2

Ŋuto lokoŋ kitari koŋon nanyit ’bura i jambu, ama ŋutu lu ’böŋ rurutundya ’böŋön kaŋo.

Tolupesi 19:12

Woran na mor gwon gwoso komiru lo rurumön, ama a ’busan nanyit gwe gwoso ’don na puŋutut i döru.

Tolupesi 19:19

Ŋuto logon woran parik jakindya mugun riŋet, ko do a lwöggu lepeŋ a do kölumbö ’ya ’yi köŋu kulya.

Tolupesi 21:24

Ŋuto kabulanit lo mugun ko a ka ’du ’duŋanit karin kanyit a Ka ’dö ’döyönit, lepeŋ kita ko bu ’ya na mugun nagon a lwöggu.

Tolupesi 25:28

Ŋuto logon ti teŋgu mugun gwon gwoso köji nagon aje turö a mariŋ nanyit iŋge körö.

Tolupesi 27:3

ŋurupit pömöni, sese köti pömöni, ama yöyöggu na ŋuto lu ’böŋ pömöni lwölwöŋ tupömöni nase liŋ murek.

Matayo 5:22

kölumbö nan takiŋdya ta adi, ko ŋa lo woran ko luŋaser lonyit ködyö jwe i ’duŋöki na putet; a kö ŋa lo momoröju luŋaser lonyit, lepeŋ ködyö jwe i ’duŋöki na putet i teŋ na kaliliyak; a ko ŋa lo kulya adi, Do lu ’böŋ! lepeŋ ködyö joŋa i kimaŋ na Geena.

Epeso 4:31

Paji ta töilyet lo pötwör liŋ, ko woran liŋ nagon po ’de ’de, ko ŋoma liŋ, ko woŋon liŋ, ko momoröju liŋ, se ko maŋdu liŋ.

Epeso 6:4

Ta komorye, ko tomijö ta ŋwajik kasu ko kulya an se woran, ama wowoji ta se ko tojumisi se ko jujuwesi na po ko Matat likaŋ.

1 Samuele 20:29

lepeŋ a kulya adi, Kölörö nan i tu kogwon mede nikaŋ koŋdya rubaŋga i nu köji, luŋaser liŋ a saŋu nan adi ti nan gwe nyu. Nyena soŋinana, ko ködyö do wowon konyen ko nan, kölöddi nan i meddya na luŋasirik kwe. Nyena kogwon ŋina kwe nye a ko po i nyesu i misa inot pon mor.

1 Samuele 20:31

Kogwon temba i gwon na ŋuro lo Yisai jörun i na kak nu, do kode tumatyan inot mo ti gwo ’dan go kwöŋ. Nyenagon sonyoddi lele ŋuto i joŋdya na lepeŋ köyö ni, kogwon nye ’diri agu ködyö tatatua.