1 Samuele 20:2 - Bibilia Buk na Ŋun nagon koti luŋu a

² A Yonatana nyobbi lepeŋ adi, Ti kine kulya gwe pajo konut! Do de ti tatua. Mete, baba ti koŋdya nene ŋo, kode duma kode na ’dit ko lepeŋ a ko kwekiŋdya nan; a nyo lolor nagon baba ’de ’ya kine kulya ko nan? Ti gwon sona asut.

1 Samuele 20:2 ပူးပေါင်းရင်းမြစ်များ

Suluet 44:7

A se pipije lepeŋ adi, Ko nyo duma likaŋ jambu kulya gwoso kine? Ti yi köliponok kulök gwe pajo i koŋdya na ŋo gwoso ŋina.

Saumajin 40:6

Do ti lyoŋon ko rubaŋgajin se ko ’dokesi; do ti lyöŋön ko rubaŋgajin lo ’yu ’yura ’bukuluŋ se ko rubaŋgajin ti toronjin, kölumbö do aje tindu nan swö logon nan yiŋge do.

Tolupesi 29:24

Ŋuto logon mora ko kolanit maman mugun, lepeŋ yiyiŋ milye lömit ama ti tuggö nene ŋo.

Yisaya 50:5

MATAT Ŋun aje ŋaju swö kwe, a nan tine renya, nan tine wöriŋöddu bot.

Luka 20:16

Lepeŋ mo popo i tukaŋu na kulu kakuruk, a mo sarakiŋdye ŋinu lukobi ko kulye ŋutu i könisi. A na yiŋge ŋutu kine kulya nu a se kulyani adi, Ti gwe ti gwon sona!

Yoane 15:15

Nan köti tine luŋ ta a ’dupi, kogwon ’dupiet ti den ŋo nagon duma lonyit kökon; kölumbö nan luŋgu ta a julin kogwon nan aje kwekin ta ŋo liŋ nagon nan a yiŋun ko Baba kune.

Yoane 17:8

kogwon nan aje jamakin lepeŋat kulyaesi logon do aje jamakin nan kilo, a lepeŋat iŋge wu se, a lepeŋat iŋge kurun ’diri adi nan po konut yu, a lepeŋat iŋge yuŋ adi do lo sunyuŋdyö nan.

Yosua 22:29

Ti gwe ti gwon sona adi yi ködyö renya MATAT, anyen löpuköddu kaŋo i lo lor i keŋoddu na MATAT, anyen dibba pirit na rubaŋgajin lo ’yu ’yura ’buluŋ, kode na ’dokesi ti ’bolot, kode na ruba ŋgajin, mora ko nu pirit ’yuret na ruba ŋgajin ti MATAT Ŋun likaŋ na gwon i komor na kemia nanyit nu.

Yosua 24:16

A ŋutu kulo waddi adi, Ti kine kulya gwe pajo kayaŋ adi yi kö ’yu MATAT a kitakiŋdye kulye punyen;

1 Samuele 14:45

a ŋutu kulo pije Saula adi, Yonatana ’diri de tatatua logon a katelanit duma i Yisaraele lo le? ’Bayin kwoŋ. ’Diri gwak gwoso na gwoŋdi MATAT na, ti nene ŋo gwe ti ’bo ’yu lepeŋ asut, ma ’di a na ’dit; kogwon nye a kita ko Ŋun i lo lor. A se lwökuŋdye Yonatana a gwe a ko tatua.

1 Samuele 20:1

A Dawidi wöki kaŋo Nayot na Rama a ’duröki ko Yonatana i komor, a pije adi, Nan a koŋdya nyo? Lyaŋan nio a nyo? Ko toron nio ’beron a nyo ko munyi i komor, nagon nye ga ’yu tatuja nan na?

1 Samuele 20:12

A Yonatana kulyani ko Dawidi adi, Ti MATAT ŋun lo Yisaraele lo gwe a katokoronit likaŋ, de ko ’bure kode luŋa i lor tomusala lonyit, gwoso i na diŋit na, ko nan aje galun kaŋo yeyeesi ti baba, meddi, ko se a na ’but konut, a nan mo sunyukiŋdye do lore i tukö-kiŋdyö na do, ’bayin sona le?

1 Samuele 20:3

Ama a Dawidi renyani renya adi, Munyi a den ’bura adi, nan a ryeju ’busan konut i komor; a lepeŋ yeyeji adi, Ti Yonatana gwe ti den kune kulya, an ko delya. Ama ’diri gwak gwoso na gwoŋdi MATAT, ko gwoso na gwoŋdi do na, tuŋ nan pituŋdye a na ’dit i kutuk na dili.

1 Samuele 9:15

A MATAT aje kwekiŋdya Samuele i ŋerot na lor lo ’durökiŋdye Saula lu adi,