1 Samuele 2:9 - Bibilia Buk na Ŋun nagon koti luŋu a

⁹ Nye titiju wörö na katwöyök kanyit; ama katoronyak gegelaji i mudwe; kogwon ŋuto ko riŋit nanyit ti bulö te ’ya.

1 Samuele 2:9 ပူးပေါင်းရင်းမြစ်များ

Eyobo 18:18

A nye riköjine kaŋo i parara tojo i mudwe; nye a turöji kaŋo i kak.

Eyobo 40:13

’Delaki se liŋ i pirit na geleŋ i ŋutu; rereggi se i pirit na mumuk.

Eyobo 5:16

nyena a lomerika gwe ko yenesi, a ŋutu lo koŋdya arabat iŋge toyiŋa.

Eyobo 5:24

A do mo deŋdi adi mede inot gwon ’bura, a do mo wöŋi goro ilot a nene ŋo gwe ’bayin nagon a likin.

Saumajin 1:6

Kogwon MATAT deden kiko lo ŋuto lo rigwo, ama kiko lo ŋuto loron joŋga nye i twan.

Saumajin 105:37

A nye nyömöddi ŋutu ti Yisaraele baraddu pödö ko dakaŋ, a lele ŋuto gwe ’bayin i kiden na kötumitön kase logon a doddya i kiko.

Saumajin 121:3

Nye ti kölökin do i ’doro, nye logon tiju do lo ti doto.

Saumajin 121:5

MATAT a katiyunit ilot; MATAT a tölimöt ilot i swöt lo lutaten.

Saumajin 121:8

MATAT gaŋju do i tu inot kaŋo ko i luŋe inot lukata, suluja i na diŋit teŋ ko ŋupi ŋupi.

Saumajin 145:20

MATAT titiju se liŋ logon nyanyar lepeŋ kilo; ama nye tutukar ŋutu lorok liŋ.

Saumajin 31:17

Pon MATAT, nan gwikin konut, ko tin nan i wuju na yu na kwe; ti ŋutu lorok kilo gwe ko yu na kwe, ti se gwe taliŋ adi mit kak yu i ŋirit na mulökö.

Saumajin 37:28

Kogwon MATAT nyaŋu ŋutet lo rigwo, ko ti kölökin ŋutu lo twöju nye kilo; ŋutu lo rigwo mo titiyu ŋupi. Ama nyakwariat ti ŋutu lorok mo tutukara.

Saumajin 94:18

I diŋit nagon nan jambu adi, Moköt lio jejeleta nu, a nyaŋu inot nagon ti ’duddyö na tökökindye nan ki ŋon MATAT.

Saumajin 97:10

MATAT nyanyar ŋutu logon maman kulya narok kilo; nye titiju ru na katwöyök kanyit; nye lo lwökundyö se kaŋo i könisi ti ŋutu lorok.

Tolupesi 16:9

Ŋuto yeyeju kiko lonyit ko toili lonyit, ama MATAT lo tuworoju lepeŋ.

Tolupesi 2:8

Lepeŋ titi kikolin ti ’duŋgo na kulya gwogwo, a toi ’bura kikolin ti katwoyok kanyit.

Tolupesi 3:26

Kogwon MATAT mo totŋgo do, a mo tiji do an moköt ilot moka ko loket.

Katokuönit 5:17

Iŋkoi a perok kanyit liŋ gwe a mudwe, ko a durweesi. a nye gwe ko delyaesi Jore, a gwe ko gigilötu se ko ŋoma.

Katokuönit 9:11

A nan köti meddi adi i kita na kolor ti gwon a ŋutu lo wökön ’de ’de ka ’de logon tete ’ya i wökön, kode ti gwon a ŋutu ti riŋit ka ’de logon tete ’ya gor. Ti gwon a ŋutu lokoŋ ka ’de lo ryeju kinyo, kode ti gwon a ŋutu lotolokok ka ’de lo ryeju tukwörienjin, kode ti gwon a ŋutu logon a bodwat ka ’de lo ryeju ’busan; ama a diŋitan na ’but ko narok ’bunyökindye se liŋ jojo.

Yisaya 27:3

Nan MATAT logon a katiyunit lonyit; diŋitan liŋ nan popoŋga lepeŋ ko pioŋ. Nan tiju lepeŋ ko tukwaje ko tuparan an lele ŋuto kör lepeŋ.

Yisaya 47:5

Do Kaledea, si ’dani taliŋ, lupöni i mudwe; kogwon do mo ti luŋu köti a gote tumatya i njiri.

Yeremia 8:14

Yakulo! Nyo yi si ’da kana ni? Ti yi momoruŋdye ta i pirit na geleŋ, ko ti yi iti ta i köjinö nago na titiyu, anyen twakin nyu; kogwon MATAT Ŋun likaŋ aje wulökin yi i twatwa, a lepeŋ iŋge tikin yi i möju na pioŋ nagon a wiri, kogwon yi a toroŋdya nye MATAT.

Yeremia 9:23

Nan MATAT lo kulya adi, Ti ŋuto lokoŋ gwe ti bu ’ya mugun ko koŋon nanyit, ko ti ŋuto wa gwe ti wa ’yu mugun ko riŋit nanyit, ko ti ŋuto kwörinit gwe ti bu ’ya mugun ko tukwörien nanyit,

Naum 1:8

a nye lwöggi se i bar lo mumuluja, a nye tutuŋge kaŋisak kanyit, a mo rikoddi merok kanyit i mudwe.

Jepania 1:15

ŋilu lor a lor lo woran, a lor lo sasanya ko a lo tomie, a lor tukaret ko a korit, a lor lo mudwe ko a lo mu ’duk na kak, a lor lo ’dikolo ko a lo mudwe logon adi ’dii.

Jakaria 4:6

A nye kulyani ko nan adi, ŋilo a kulyaet lo MATAT lo jamaki Jerubabela adi, ŋutu ti te ’ya kogwon tuwalan, kode riŋit, ama te ’ya kogwon Mulökötyo lio, nan MATAT lo kurumi lo kulya.

Kenet 6:24

Ti MATAT ’boroji ta ko ti gaji ta:

Matayo 8:12

ama se logon a ŋutu ti Tumatyan kilo mo gubaji kaŋo i mudwe; a ŋutu mo gwine gwien a mo pije kala nyu.

Roma 3:19

Yi a den adi ŋo liŋ nagon kilo Saresi a tuk kine a ti ŋutu lo ’debba kilo Saresi kulo, anyen ŋuto gwon ’bayin logon ’buruddu mugun kaŋo anyen ŋutu liŋ ti kak ’bukuluŋ gwon i putet lo non.

Nyökit 33:3

Nye nyanyar ŋutu kanyit; a ŋutu lo gelwe kanyit liŋ-gwe konut i könin; a se momoruŋdye kak konut i mokosi, i wuju na saresi kulök.

1 Petero 1:5

Nyena kogwon ta a yubbö Ŋun, a lepeŋ iŋge tiju ta ko riŋit nanyit tojo ko lwoko nasu. Ŋina lwökit mordu kweye kaŋo i diŋit na ’dutet.

2 Petero 2:17

Kilo ŋutu gwon gwoso kidiya logon ’bak pioŋ, lepeŋat gwon gwoso luruöt logon wuköji ko köbuŋot duma. Pirit nagon a mudwe adi ’dii a wuloki lepeŋat.

Yuda 1:1

Nan Yuda koliponit lo Yesu Kristo ko a luŋaser Yakobo, nan roman ko nutu logon a luŋu logon Ŋun Monye nyanyar kilo ko a gaju se ko Yesu Kristo i mugun.

Yuda 1:13

Lepeŋat gwoso yalajin ti tor logon ya ’yu ko riŋit, a kobuŋe konesi kase nagon toyuuŋdyo kwe gwoso na kobuŋe pioŋ a gwe a ko ŋuto na. Lepeŋat gwoso kaser logon woro abur, logon pirit nagon a mudwe adi ’dii a wuloki lepeŋat ŋupi ŋupi.

Yuda 1:3

Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.

1 Samuele 25:26

Nyenagon pon duma liŋ, ’diri gwak gwoso na gwoŋdi MATAT na, ko gwoso na gwoŋdi do na, ti merok kulök ko kilo logon ga ’yu konakiŋdya do duma liŋ arabat kilo, ti se gwe gwoso Nabala, kogwon MATAT aje göja do i ’buköddu na rima, ko i ropakiŋdya na toron ko könin ilot.