1 Samuele 2:5 - Bibilia Buk na Ŋun nagon koti luŋu a

⁵ Ŋutu logon a yimönö kulo a pakiŋdya ’börik i kita anyen se gworo kinyo, ama se logon mamagora kulo aje kö ’yu magora. Ŋuto nagon a ’baŋ na aje yuŋ-dyö ŋwajik buryo, ama nye nagon ko ŋwajik jore na aje tomunyana.

1 Samuele 2:5 ပူးပေါင်းရင်းမြစ်များ

Saumajin 113:9

Nye a tindu ŋuto nakwan nagon a ko yupundyö na i gwon a ŋote mede, ko a ŋote ŋwajik nagon a kalyöŋi. Pupurje ta MATAT!

Saumajin 34:10

Torela ti kömiru yayaŋi ko kinyo, a magorani magora, ama se lo ga ’yu MATAT kilo ti wanya nene ŋo.

Yisaya 33:9

A tomoresi aje ’be ’beleŋo, a katokorok aje lawe, a ŋutu tine yeyeo kwöŋ. A kak delyani delya a nogara nogara; a Libanon aje yitwe kak a lilikara lilikara; a Saron gwe gwoso yöbu na sese; a koropo ti Basan ko ti Karmela ’do ’done kak.

Yisaya 54:1

Do ŋuto nagon a ’baŋ na, do nagon a ko ta ’du na, yoloni yolo; do nagon a ko ŋoŋga i ta ’du na, woŋoro ki ko lyöŋön! Kogwon nakwan nagon a kölöki ka ’de na gwon ko ŋwajik jore lwölwöŋ ti nakwan nagon a yema na. Ŋilo a kulyaet lo MATAT.

Yeremia 15:9

ŋuto nagon a yupuŋdyö ŋwajik buryo na aje doddya, a duwundye duwuŋdya. A kolor nanyit iŋge ’doro a kak nyuŋ gwon a tuparan; lepeŋ aje tiki yu na kwe ko a lawe. A nan mo tiŋdi merok i tatuja na pitönö kase. Kilo a kulyaesi kwe ti MATAT.

Luka 1:53

Nye aje toyimonoju ŋutu logon ko magor ko ŋo na ’but, a nye iŋge rikörö ŋutu kwörinikö ko konisi kana.

Luka 16:25

Ama a Abarayama waddi adi, Ŋuro liŋ, yiyiuŋdye adi, Koju i gwiliŋit inot do wuju ŋo na ’but kunok, a Lajaro wuji ŋo narok; ama soŋinana nye lo kolumbö sukani suka ni, a do ŋilo tomieni tomie.

Galatia 4:27

Kogwon a wurö adi, Do ŋuto nagon a ’baŋ nagon a ko ta ’du na, lyöŋi lyöŋön, do nagon a ko goŋga i ta ’du na, gwililiŋe gwililiŋa, woŋoro ki ko nyola; kogwon nakwan nagon a kölöki ka ’de na gwon ko ŋwajik jore lwölwöŋ ti nakwan na gwon ko lalet na.

Ruta 4:15

Ko ti nye gwe a katoludu-könit lo gwiliŋit inot, ko a kawowoanit ilot ko do mo gwe a modoŋ, kogwon narakwan na ŋuro ilot nagon nyanyar do ko a na ’but ko do lwolwoŋ ŋwajik lulyan buryo, lepeŋ na yupuŋdyö nye.

1 Samuele 1:20

A ko gwe sona nagon diŋit aje temakiŋdya nu, a Ana piŋge pigga, a yuŋuŋdye ŋuro lulalet, a gwije lepeŋ a Samuele, kulya adi, Kogwon nan a mulun lepeŋ ko MATAT.

1 Samuele 1:6

A koyini nanyit ŋupi sasaŋdi lepeŋ parik, a todelyaji nye kogwon MATAT a ’dija yoŋwe nanyit.