1 Samuele 2:34 - Bibilia Buk na Ŋun nagon koti luŋu a

³⁴ A ŋina mo gwe a kweyet konut i kulya nagon mo ’dukin i ŋwajik kulök murek kulo logon a ko Openi ko Pinasa, kweja adi se liŋ murek mo twatwa i lor gepeŋ.

1 Samuele 2:34 ပူးပေါင်းရင်းမြစ်များ

1 Moran 13:3

A ŋuto lo Ŋuro tiŋdi kweyet i ŋilu lor, a kulyani adi, Na a kweyet nagon kwe-kiŋdya adi MATAT ’diri aje jambu. Mete, ŋina pirit ’yuret de kikiladdu tojo ko kak, a kurök na gwon kanyit loki kune de ’buköjine kaŋo.

1 Moran 14:12

Nyenagon pine ki, ko iti konut i ’baŋ. A ko ’daŋan kunök a ’bo kurön ti köji a ŋilu ŋuro de twane twan.

Luka 2:12

A ŋina gwe kasu a kweyet: ta de ryöryö lupudi a doko ko boŋgo, ko a topiriki i saŋduk nagon toro ’bo nyesu kata i goro.

1 Samuele 10:7

A gwe sona nagon kine kweyesi aje rumökin ko do nu, a ti do koŋdi ŋo nagon do a ryö, kogwon ŋun gwon ko do.

1 Samuele 2:33

A ŋuto ilot logon nan mo ti ’duŋörö kaŋo koyo i pirit na rubaŋgajin lo mo pitwene pitwe, anyen konyen kanyit kökörö ko politan anyen tomijö töili lonyit, a nyakwariat liŋ ti kötumit inot mo ’bunyökine ko twan nagon se nyuŋ a ŋutu iŋgo nu.

1 Samuele 3:12

I ŋilu lor nan mo kökonakin Eli ŋo liŋ nagon nan a kulyari i kulya ti kotumit nanyit kune suluja i suluet tojo ko ’dutet.

1 Samuele 4:11

A saŋduk na ŋun iŋge moka; a ŋwajik murek ti Eli logon a ko Openi ko Pinasa iŋge tatua.

1 Samuele 4:17

a ŋuto lo joŋdya lore lo waddi adi, ŋutu ti Yisaraele aje wökön kaŋo ko ŋutu ti Pelesete i komor, köti torem duma kata ko ŋutu kiden; koti ŋwajik kulök murek logon a ko Openi ko Pinasa aje tatua, a saŋduk na ŋun iŋge moka.

1 Samuele 4:21

A nye gwije ŋuro lo a Ikaboda, kulya adi, Bulet aje wusaddu kaŋo i Yisaraele! Kogwon saŋduk na ŋun aje moka. ko koti kogwon ŋogwo lonyit ko lalet lonyit aje twatwa.

1 Samuele 4:22

A nye kulyani adi, Bulet aje wusaddu kaŋo i Yisaraele kogwon saŋduk na ŋun aje moka.