1 Samuele 2:30 - Bibilia Buk na Ŋun nagon koti luŋu a

³⁰ Nyenagon MATAT ŋun lo Yisaraele a kulya adi, Nan ’diri a jambu adi, mede inot ko kötumit na merenyu mo wöwörö köyö i komor ŋupi. Ama soŋinana MATAT a kulya adi, Ti nan gwe pajo i kine kulya; kogwon ŋutu logon bubu ’ya nan kilo a nan de bubu se, a se logon lalaun nan kilo mo tine yeyeŋ.

1 Samuele 2:30 ပူးပေါင်းရင်းမြစ်များ

1 Moran 11:11

Nyenagon a MATAT kulyani ko Solomona adi, Kogwon do aje koŋdya sona, a tine ’debba tomoret nio ko saresi kwe lo wurö logon nan aje sarakin do kulo, nan mo ’diri kekeren tumatyan inot, a mo tiki köliŋönit ilot.

1 Moran 2:27

Nyena a Solomona turöddi Abyatar kaŋo i gwon a koane lo MATAT; anyen tema-kiŋdya i kulyaet lo MATAT logon nye aje jamakin i kulya ti kötumit na Eli Silo yu nu.

1 Dekat 17:18

A kunie kulya nyuŋ a ti nyo nagon nan Dawidi jamakin do i kulya ti bulet nagon do aje tikin nan köliŋönit ilot? Kogwon do deden nan köliŋönit ilot.

2 Dekat 15:2

a nye iti i rum ko Asa, a kulyani ko lepeŋ adi, Yiŋge ta nan Asa ko kotumit na Yuda se ko na Benyamina liŋ. MATAT gwon ko ta na gwoŋdi ta ko lepeŋ na; ko ta ga ’yu lepeŋ, lepeŋ de kwe kweyun mugun kaŋo; ama ko ta a ko ’yu lepeŋ a lepeŋ köti de kolokiŋdye ta.

2 Dekat 26:18

a se goji mor Ujiya, a kulyani ko lepeŋ adi, ’Bayin a kita inot, Ujiya, i ’yurakiŋdya na MATAT bökur, ama ŋina a kita na koanejin logon a nyakwariat ti Arona logon a ’boroki i ’yuŋa na bökur. Iŋgo, iti kaŋo i na pirit nake na rurwan; kogwon do aje koŋdya toron, a MATAT Ŋun mo tine tiŋdu do i bula köti.

Saumajin 18:20

MATAT a ropakindya nan gwoso i kulya kwe na rigwo; a nye ropakindye nan gwoso i kelan na könisi kwe.

Saumajin 18:26

I ŋuto loke do kwekindya mugun a loke; i ŋuto luŋalien a do kwekindye mugun a luŋalien.

Saumajin 50:23

Ŋuto logon wukindya nan pupuresi a rubaŋga lo, nye bu ’ya nan; a nan Ŋun de kwekindye lwökit nio i ŋuto lo wöwörö rigwo lo.

Saumajin 73:20

MATAT, lepeŋat gwon gwoso rudweesi nagon böböŋörikin i ko ’bure, iŋkoi, gwoso ŋuto logon purwe i doto a iŋge böŋö rudwe nanyit.

Saumajin 91:14

Nan Ŋun mo lwöggu lepeŋ kogwon nye a tiriku nyaŋu nan; a nan mo jekundye lepeŋ ki kogwon nye deden karin kwe.

Saumajin 91:15

Nye mo luluŋgu nan, nyena a nan mo ruŋge lepeŋ; nan mo gwon ko lepeŋ i ŋirit na geleŋ i diŋit nagusu, nan mo lwökundyö lepeŋ, a nan mo tindi lepeŋ i bula.

Yuörö 28:43

A Arona ko ŋwajik kanyit ködyö jupukiŋdye se na lupöri se i kemia torumet nu, kode na mijuŋdye se nyona ko pirit ’yuret na rubaŋgajin i kita i pirit nake na rurwan; an se ’doggu lyaŋesi anyen se gwon ti twatwa. A ŋilo gwe a saret lo wuröki lepeŋ se ko nyakwariat kanyit lo kikipuŋdyö kulu ŋupi.

Yuörö 29:9

a do dukukiŋdye lepeŋat kambajin, a do torakiŋdye lepeŋat töröbusijin, a to-koanan ködyö gwe a na lepeŋat kogwon saret lo wurö anyen yeyeŋon ŋupi. Do ködyö ’börökiŋdya Arona ko ŋwajik kanyit sona.

Tolupesi 12:8

Ŋuto ŋura kogwon denesi kanyit nakoŋ, ama a ŋuto logon ko yeyeesi nakwolorok lawene lawe.

Tolupesi 4:8

Adi: ti nan ’depe lepeŋ go, a nye molu na ’dulukindye nan ki, a nye mo tindi nan i bula ko nan a kalabbu lepeŋ.

Tolupesi 8:17

Nan nyanyar ŋutu logon nyanyar nan, a se logon ga ’yu nan ko pusök kilo ryeji nan.

Yisaya 29:13

A MATAT kulyani adi, Kilo ŋutu a mijun köyö nyona ko kutusen kase kana, a bu ’ye nan ko ŋedep kwe kana, ama töilyet kase gwon pajo köyö, a kujönö nase na nan gwe a saret lo ŋutu lo todiniki se kana;

Yeremia 29:32

nyenagon nan MATAT lo kulya adi, Mete ta, nan mo ririŋ Semaya lo Nekelam se ko nyakwariat kanyit, a lepeŋ mo gwe ’bak lele ŋuto lo gwon jörun i kiden na kulo ŋutu i meddya na gwiliŋit lo ’but logon nan mo koko­nakin ŋutu kwe lo, kogwon lepeŋ a jambu kulya togiresi i kulya kwe ti MATAT. Ŋilo a nan MATAT lo jambu.

Yeremia 49:15

Loŋe lo yiŋ nan lo adi, Mete, nan MATAT mo toto ’dit do Edom i kiden na gweyajin ti ŋutu, a do molawene lawe ko ŋutu kiden.

Ejikele 34:10

Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Daniele 4:34

A ko diŋit aje temakiŋdya, a nan Nebukadanesar ’bi ’ye konyen kwe ki, a yeyeesi kwe iŋge yitwe a na ’but, a nan bu ’ye Katoŋanit lo ki lio, a pupurje a twoji lepeŋ lo yeyeŋon ŋupi ŋupi lo adi, Tomoran nanyit a tomoran na gwogwolor ŋupi. tumatyan nanyit yeŋon i nyakwa-riat liŋ;

Malaki 1:6

ŋuro bubu ’ya monye, a kölipönit bu ’ye matat lonyit. A ko nan a monye, a bulet nio niya? A ko nan a matat, a kujönörikin nio niya? Nan MATAT lo kurumi lo pija ta koanejin lo lauŋdya karin kwe kilo. A ta pipije adi, Yi lauŋdya karin kunök ada?

Malaki 2:3

Meddi ta, nan mo ririŋ riŋit na gwon kasu i konisi, a nan mo ratakiŋdye moyok kasu i komorsikan, moyok ti kijakwa ti roriot kasu, a nan mo rikoddi ta kaŋo koyo i komor.

Kenet 11:20

ama ta mo nyesu lokore ko yapa ’bukuluŋ, tojo ko nye aje mökin kasu i kusik a ta mane man, kogwon ta aje renya MATAT lo gwon kasu kiden lo, a ta aje gwikin kanyit i komor adi, Ko nyo nagoŋ yi a yuörö kaŋo i jur lo Ejipeto?

Kenet 35:34

Ta ködyö ti toluddya jur logon ta si ’da kata lu. logon nan si ’da i kiden nanyit lu; kogwon nan MATAT si ’da i kiden na ŋutu ti Yisaraele.

Yoane 12:26

Ko lele ŋuto ’de ’dekan kitakiŋdya nan ti lepeŋ agu ködyo kebbi nan, a i pirit na gwoŋdi nan kata nu a kölipönit liŋ koti mo gwe nyu. Ko lele ŋuto kitakiŋdya nan, a Baba mo bu ’ye lepeŋ.

Yoane 5:23

anyen ŋutu liŋ boŋo bubu nan Ŋuro, gwoso na bu ’ye se Baba na. Ko ŋa logon ti bu ’ya nan Ŋuro ti bu ’ya Baba lo sunyuŋdyo nan lo.

Yoane 5:44

Ta bubulo yubbo ada ta logon totobu ko ’borik kilo, ama a tine ga ’yu bulet nagon po ko Ŋun lo geleŋ?

Yoane 8:49

A Yesu waddi adi, Nan ’bak mulökötyo loron, ama nan bubu Baba, a ta lauŋdye nan.

1 Korinto 4:5

Nyenagon ko lilija ta kulya ti lele Ŋuto i ŋerot na nu diŋit, tojo ko Matat a po. Lepeŋ mo kwe kweyun Iwono na gwon i mudwe kune i parara, iŋkoi, lepeŋ mo kwekwe yeyeesi nagon ŋutu a ’de kase i töilyet kune. A kirut Ŋun mo pupurje ŋutu liŋ geleŋ geleŋ.

1 Petero 1:7

anyen yupesi kasu tetema kode a gwak. Dakap kakaŋu ma ’di nagon se a tema ko kimaŋ. Yubbo nasu ko a tema gwon ko ’bulit Iwolwöŋ dakap, a mojakiŋdye ta pupuresi, ko kwelen, se ko bula i lor lo kweyari Yesu Kristo lu.

Ka’duŋök 9:10

A kirut kaden kulyani ko ki ’bi adi, Po, ti do lo gwe a mor likaŋ.