1 Samuele 2:28 - Bibilia Buk na Ŋun nagon koti luŋu a

²⁸ A nan geluŋdye merenye ilot kaŋo i kotumiton liŋ ti Yisaraele anyen gwon a koane liŋ, anyen tu köyö i pirit ’yuret na rubaŋgajin, i ’yuŋa na bökur ko i jupu na epoda köyö i komor; nan aje tikin kötumit na mere-nyu rubaŋgajin kwe liŋ lo ’yu ’yura ’buluŋ logon ŋutu ti Yisaraele a wukin kulo.

1 Samuele 2:28 ပူးပေါင်းရင်းမြစ်များ

2 Samuele 12:7

A Natana kulyani ko Dawidi adi, Ŋuto lo a do. MATAT Ŋun lo Yisaraele lo kulya sona adi, Nan a welakin do a mor lo Yisaraele, a nan aje lwökuŋdyö do kaŋo i könin lo Saula;

2 Samuele 6:14

A Dawidi gwoji gwoja ko MATAT i komor ko riŋit nanyit liŋ; a Dawidi iŋge pita-kiŋdya boŋgo na waratat na parere na luŋu a epoda kanyit i mukök.

Yuörö 28:1

A kirut do ködyö koruŋdye kaŋo i kiden na Ŋutu ti Yisaraele Arona logon a luŋösur, se ko ŋwajik kanyit i pirit na geleŋ, a joŋdi se konut nyona anyen kitakiŋdya nan a koanejin. Kilo a ko Arona, se ko ŋwajik kanyit logon a ko Nadaba, ko Abiu, ko Elejara, ko Itamar.

Yuörö 28:4

boŋgwat nagon se ködyö gwegwe makine, kweja adi, muket na kido, ko eŋoda, ko boŋgo muit najo, ko jölöbiya a gweya a kiliŋgwa, ko ema, ko kamba. Kweja adi kine a boŋgwat nake na rurwan nagon se tetenakin Arona luŋösur, se ko ŋwajik kanyit, anyen se böŋö kitakiŋdya nan a koanejin.

Yuörö 30:7

A Arona ködyö ’yuŋe bökur lo mon paleleŋ i ŋinu pirit ’yuret; a nye ’yuŋe bökur temba i ko ’bure na teteŋdi lepeŋ lombojin na.

Yuörö 30:8

A na togwi ’dikiŋdye Arona lombojin ki i sömukö nu, a nye ködyö ’yuŋe bökur; kweja adi bökur ti jaran ’yura ko MATAT i komor temba i nyakwariat kasu.

Lewi 2:10

A ŋo na pituŋdyö i ŋina ’doket na ’bolot kune ködyö gwe a ti Arona ko ŋwajik kanyit, ŋina a swöt na ŋo nake parik na rurwan na ’yuraki MATAT.

Lewi 2:3

A ŋo na pituŋdyö i ŋina ’doket na ’bolot mo gwe a ti Arona ko ŋwajik kanyit; ŋina a swöt na ŋo nake parik na rurwan na ’yuraki MATAT.

Lewi 6:16

a Arona ko ŋwajik kanyit nyesi pitönö kune; a se nyesi kine ’bolot kana ’bak kape i nene pirit nake na rurwan i mariŋ na kemia torumet lukata.

Lewi 7:32

A ta tiŋdi koane nyuti lo lutaten a ’doket na ’dumaki i ’duŋesi kasu ti rubaŋgajin ti taliŋ;

Lewi 7:36

MATAT a sara-kiŋdya adi ti ŋutu ti Yisaraele tiki lepeŋat kine ŋo i lor lo welaki ’e se a koanejin lu; ŋina a koret na yeŋ nyin temba i nyakwariat kase.

Kenet 16:5

a nye kulyani ko Korak ko teŋ nanyit liŋ adi, Ko ’bure MATAT kwekwe ŋuto logon a lonyit ko logon a loke, a nye mo tomijuŋdye lepeŋ kanyit nyona; iŋkoi ŋuto logon nye a wulun lo a nye mo tomijuŋdye lepeŋ kanyit nyona.

Kenet 18:19

Nan aje tiŋdu do ŋo liŋ nagoŋ ŋutu ti Yisaraele a ’dumun i rubaŋgajin loke, lo wukin se nan MATAT kulo, ko i ŋwajik kulök lulyan ko nawate, gwoso saret lo wurö anyen yeyeŋon ŋupi; na a tomoret na ’balaŋ kweja adi a na töjulin na tetenaki ŋupi ko MATAT i komor i kulya kunök se ko ŋwajik kulök.

1 Samuele 14:3

se ko Akiya, ŋuro lo Akituba, luŋaser Ikaboda, ŋuro lo Pinasa, ŋuro lo Eli koane lo MATAT Silo yu. A Akiya jupuni epoda. A ŋutu gwe a ko den adi Yonatana a tu kaŋo.

1 Samuele 2:18

A Samuele kitani ko MATAT i komor, a ŋilo ŋuro iŋge pitakiŋdya kanyit i mukök boŋgo na waratat naparere na luŋu a epoda.