1 Samuele 2:15 - Bibilia Buk na Ŋun nagon koti luŋu a

¹⁵ A kokwe nagon welesi a ko nyuŋ ’yura, a kölipönit lo koane lo poŋdi a kulyani ko ŋuto logon ’du-Ogö rubaŋga lo adi, Tiki nan lokore na koane anyen nan pilikin lepeŋ; kogwon lepeŋ ti ruk lokore inot na dedera, ama ’dek nadon.

1 Samuele 2:15 ပူးပေါင်းရင်းမြစ်များ

Yuörö 12:9

An ta ko nyesu ta nene na ŋina lokore a nadon kode na dera ko pioŋ, ama ti nye peloni pelo ’buluŋ, kwe nanyit ko mokosi kanyit ko ŋo kanyit liŋ ti lukata.

Lewi 3:16

A koane ködyö ’yuŋe se i pirit ’yuret na rubaŋgajin loki a kinyo lo ’yu ’yura logon wuki a ŋo na mon paleleŋ. Welesi liŋ a ti MATAT.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.

Pilipoi 3:19

’Dutet na kilo ŋutu gwon a karan nase, a ŋun lose gwe a pelela kase, a se bu ’ye ’börik i ŋo nagon ködyö tiŋdu kusik kase i yu kune, a tiŋdi yeyeesi kase i ŋo ti na kak.

Yuda 1:12

Kilo ŋutu gwon gwoso lut nagon ’yoddya ta na gwoŋdi ta i nyesu i pirit na geleŋ ko tojulin nasu na gwon ko Yesu i mugun na, lepeŋat nyesu ko möju ko to ’betan rurugga ’borik ka ’de. Lepeŋat gwoso ’dikolo na wuköji ko köbuŋöt a tine joŋdya kudu; lepeŋat gwoso kaden ti ’butun logon ti radan ludweki, lepeŋat a kaden logon a gwunye kaŋo ko kokori a iŋge twatwa asut.

1 Samuele 2:14

a lepeŋ sukiŋdye i mu ’da lukata, kode i sape, kode i tuli, kode i ta ’dök; a ŋo liŋ nagon sowet a laruun kune gwe a ti koane. Se konakin ŋutu liŋ ti Yisaraele sona logon a tu Silo yu.

1 Samuele 2:16

A ko lu ŋuto ködyö a kulya ko lepeŋ adi, Ti se ’yuŋe welesi a kokwe, a kirut do de ’dumaddi gwoso nagon do a ’deggi na; a lepeŋ de kulyani adi, ’Bayin, do agu titikin nan soŋinana; a ko ’bayin sona, a nan de riŋuŋdye riŋuŋdya.