1 Samuele 19:1 - Bibilia Buk na Ŋun nagon koti luŋu a

¹ A Saula kulyani ko ŋuro lonyit Yonatana se ko köliŋönök kanyit liŋ adi ti se tatune tatu Dawidi. Ama a Yonatana ŋuro lo Saula nyaŋi Dawidi parik.

1 Samuele 19:1 ပူးပေါင်းရင်းမြစ်များ

Suluet 37:18

A se ko metuŋdye lepeŋ nyuŋ pajo nagon nye a ko nyuŋ morakiŋdya kase kata nu, a se teteŋdi kiko mwönyit anyen tatuja lepeŋ.

2 Samuele 4:8

a se joŋgi kwe na Isa-boset ko Dawidi yu Keberon. A se kulyani ko mor adi, Mana kwe na Isa-boset, ŋuro lo Saula logon a miriku ilot, logon ga ’yu tolikiŋdyö ru inot lo. I lo lor MATAT aje ropakiŋdya Saula ko ŋwajik kanyit kulya kunök pon mor duma liŋ.

1 Samuele 18:1

A ko gwe sona nagon nye aje tutuŋ gö jambu ko Saula nu, a töili lo Yonatana iŋge mora ko töili lo Dawidi, a Yonatana nyaŋi lepeŋ gwoso mugun nanyit.

1 Samuele 18:25

A Saula kulyani adi, Nyönyö-köki ta Dawidi sona adi, Mor ti ’deggi toro ’bo yemesi asut, ka ’de nye ’de ’de-kan ka ’bi ’binyalan mia geleŋ ti ŋutu ti Pelesete, anyen mor böŋö ropuŋdya mugun ko merok kanyit. Ama Saula a yeyeju i tatuja na Dawidi ko könisi ti ŋutu ti Pelesete.

1 Samuele 18:3

A Yonatana ko Dawidi tunyeki milye, kogwon lepeŋ nyanyar nye gwoso mugun nanyit.

1 Samuele 18:8

A Saula wore woran parik, a kilo kulyaesi todelyaji lepeŋ. A nye kulyani adi, Se aje kenakiŋdya Dawidi aliŋan puök puök, ama a se keŋdi kwe a alipan alipan ka ’de; a nye de wuji nyo lwölwöŋ tumatyan nio?

1 Samuele 18:9

A Saula meddi Dawidi ko konyen lorok suluja i ŋilu lor tojo ko ŋerot.

1 Samuele 19:2

A Yonatana a takiŋdye Dawidi adi, Baba Saula lo ga ’yu tatuja do; nyenagon de ko ’bure kunyar mugun, möŋdi i nene pirit nagon a lwön ko ’danani ’dana nyu;

1 Samuele 20:1

A Dawidi wöki kaŋo Nayot na Rama a ’duröki ko Yonatana i komor, a pije adi, Nan a koŋdya nyo? Lyaŋan nio a nyo? Ko toron nio ’beron a nyo ko munyi i komor, nagon nye ga ’yu tatuja nan na?

1 Samuele 20:19

A i lor tomusala lonyit a do mo ’diri metani gwe ’bayin; a kirut ti do iti tojo i nu pirit na ’de ’yi do mugun i lor lo kenari kine kulya nu, ko möŋdi i ŋilu ’dome lo ŋurupö nyona.