1 Samuele 18:8 - Bibilia Buk na Ŋun nagon koti luŋu a

⁸ A Saula wore woran parik, a kilo kulyaesi todelyaji lepeŋ. A nye kulyani adi, Se aje kenakiŋdya Dawidi aliŋan puök puök, ama a se keŋdi kwe a alipan alipan ka ’de; a nye de wuji nyo lwölwöŋ tumatyan nio?

1 Samuele 18:8 ပူးပေါင်းရင်းမြစ်များ

Suluet 37:11

A luŋasirik kanyit yinöri yinöri lepeŋ, ama a monye ’delakiŋdye kine kulya kanyit i töili.

Suluet 37:8

A luŋasirik kulo ŋeddi lepeŋ adi, Do ’diri tutumatyan koyi le? Do ’diri molu lo saŋu yi gwak? A se ’yaladdi ŋerot i maŋdu na lepeŋ i kulya ti rudweesi kanyit ko i kulyaesi kanyit.

1 Moran 2:22

A mor Solomona nyobbi ŋote adi, Kwe a nyo nagon do a piyuŋdya Abisaga ŋuto na Sunem na anyen tiki Adoniya? Bia do pikin lepeŋ tumatyan na köti; kogwon nye a duma lio, a koane Abyatar, ko Yöaba ŋuro lo Seruya gwe kanyit i swöt.

Esetere 3:5

A Aman ko yiŋge adi Mordekai a ko dulaki kak i twoju na lepeŋ, a Aman iŋge woran parik.

Tolupesi 13:10

Ŋuto lu ’böŋ logon ’bak yeyeet jondya rerenyesi, ama koŋon gwon i ŋutu lo yiŋga kukuesi.

Tolupesi 27:4

Tukaŋan gwon ko töili lurwö, woran na pape muluja ŋuto; ama ŋa logon bubulö gwo ’dan ko kayinönit i komor?

Katokuönit 4:4

A kirut nan meddi daraesi liŋ ko tomirian liŋ na kita adi se pukun i tobe na ŋuto ko marate lonyit. Kine ŋo koti a köpuröt kana ko a köbuŋöt logon ti bulö moka.

Kenet 11:1

A ŋutu wiwinyani wiwinya ko wiwinyesi narok a MATAT yi-yiŋga; a MATAT ko yiŋge kine kulya a woran nanyit rö ’yi rö ’yu, a kimaŋ na MATAT tuleki kase kiden, a iŋge totum kunie ’dutesi ti mera.

Kenet 22:34

A Balam waddi malaikatat lo MATAT lo adi, Nan a toroŋdya, kogwon nan a ko den adi do gwon i gwo ’dan i kiko i ŋoja na nan. Nyenagoŋ ko ŋina ŋo meta a naron konut, a nan mo yitöni bot.

Yakobo 4:5

Ta gona yeyeju adi kulya ti Ŋun na wuro kune tuggo go kana le, na jambu adi, Ŋun yiyino parik adi ti kodudwolon nagon nye a tiŋdu kayaŋ i mugunya kune nyare nyar lepeŋ ka ’de?

1 Samuele 13:14

Ama soŋinana tumatyan inot tine yeŋon; MATAT aje galuŋdya kaŋo ŋuto logon töili lonyit a ’deggi lo, MATAT aje wulökiŋdyö lepeŋ a kasaranit lo ŋutu kanyit, kogwon do a ko ’debba ŋo nagon MATAT a sarakin do kine.

1 Samuele 15:28

a Samuele kulya ni ko Saula adi, I lo lor MATAT aje kerenyaddu tumatyan na Yisaraele kaŋo konut, ko aje tiŋdu ko lele lo diŋö ko do, logon a lo ’but lwölwöŋ do.

1 Samuele 16:13

A kirut Samuele ’dumuŋdye uŋguri lo welet, a welakiŋdye lepeŋ a mor i kiden na luŋasirik; a Mulökötyo lo MATAT poki to Dawidi i mugun ko riŋit a duma suluja i ŋilu lor tojo ko ŋerot. A Samuele ŋine ŋien, a iti Rama.

1 Samuele 18:9

A Saula meddi Dawidi ko konyen lorok suluja i ŋilu lor tojo ko ŋerot.

1 Samuele 19:1

A Saula kulyani ko ŋuro lonyit Yonatana se ko köliŋönök kanyit liŋ adi ti se tatune tatu Dawidi. Ama a Yonatana ŋuro lo Saula nyaŋi Dawidi parik.

1 Samuele 20:31

Kogwon temba i gwon na ŋuro lo Yisai jörun i na kak nu, do kode tumatyan inot mo ti gwo ’dan go kwöŋ. Nyenagon sonyoddi lele ŋuto i joŋdya na lepeŋ köyö ni, kogwon nye ’diri agu ködyö tatatua.