1 Samuele 18:16 - Bibilia Buk na Ŋun nagon koti luŋu a

¹⁶ Ama a ŋutu liŋ ti Yisaraele ko ti Yuda nyaŋi Dawidi; kogwon nye a kanyömönit lose i tu nase kaŋo i mörö.

1 Samuele 18:16 ပူးပေါင်းရင်းမြစ်များ

2 Samuele 5:2

I diŋitan na lwoŋgu nagon Saula lo gwon a mor likaŋ nu, do köju lo nyömbu ŋutu ti Yisaraele i gor ko i nyököddu bot; a MATAT iŋge kulya ko do adi, Do mo lo gwon a kayukunit lo ŋutu kwe Yisaraele, a do mo gwe a kanyömönit lose.

1 Moran 3:7

Nyenagon pon MATAT ŋun lio, do aje tiŋdu nan kölipönit ilot i gwon a mor i ruddya na pirit na monye lio Dawidi; nan nyuŋ gwon a ŋuro lo ’dit, a nan tine den kulya ’bura.

Esetere 10:3

Kogwon Mordekai Yudayakityo gwe a yumi lo mor Akasuwero, a nye gwe a duma i kiden na Yudayaki, a lepeŋ nyarani nyara ko lojore ti luŋasirik kanyit, kogwon lepeŋ a galakiŋdya ŋutu kanyit si ’da na ’but, a jambi ’bura ko ŋutu kanyit liŋ.

Kenet 27:17

logon mo tu kaŋo kase ŋerot a mo lubbe lukata kase ŋerot, logon mo nyömöddu se kaŋo a mo tolupödöi se lukata; an momoret na MATAT ko gwon gwoso köbilu nagoŋ ’bak kayukunit.

Luka 19:48

ama a se gwe a ko ryö kiko, kogwon ŋutu liŋ ’depakiŋdya i yiŋga na kulyaesi ti lepeŋ.

Luka 20:19

a katodinök ti Saresi ti Mose se ko koanejin temejik ga ’yi morga lepeŋ i ŋinu diŋit gwak, ama a se kujono ni ŋutu kulo, kogwon se a kurun adi nye jambu ŋilo lilim i kulya kase.

1 Samuele 18:13

A Saula joŋgi Dawidi kaŋo kanyit i komor, a tiŋdi lepeŋ a duma lo kamörök kanyit aliŋ geleŋ; a nye gwe a kanyömönit lo ŋutu i tu nase kaŋo ko i yitwe nase.

1 Samuele 18:15

A Saula ko meddi adi lepeŋ a lokoŋ parik, a nye kujönöni kujönö lepeŋ.

1 Samuele 18:5

A Dawidi iti kaŋo a te ’yi te ’ya i piritön liŋ nagon Saula a soŋdi nye kunu; nyena a Saula tiŋdi lepeŋ a duma lo kamörök. A ŋina metani a na ’but ko ŋutu liŋ se ko köliŋönök ti Saula köti.