1 Samuele 17:51 - Bibilia Buk na Ŋun nagon koti luŋu a

⁵¹ a Dawidi wöki wökön, a gwi ’diki ko Pelesetetyo lo loki, a morgi baŋdu lonyit möriet lo, a ’dutuŋdye kaŋo kanyit i soko ’bo, a tatuje lepeŋ, a ’duŋuŋdye kwe nanyit kaŋo ko ŋilu baŋdu. A nagon ŋutu ti Pelesete ko meddi adi wa lose aje tatua nu, a lepeŋat wöki wökön.

1 Samuele 17:51 ပူးပေါင်းရင်းမြစ်များ

2 Samuele 23:21

A nye iŋge rembu ŋuto lo Ejipeto, ŋuto lobot. Ŋilo ŋuto lo Ejipeto gwon ko gor kanyit i könin, ama a Benaya iti ko lepeŋ yu ko ture ka ’de, a nye riŋuŋdye gor nu kaŋo ko ŋuto lo Ejipeto lo i könin, a rembi lepeŋ ko gor nanyit nu.

2 Samuele 4:7

a nagon se a lupö kadi kata, na piriki ’e Isa-boset kanyit i dotoet i kadi dotoet nanyit nu, a se rembi lepeŋ, a tatuje lepeŋ, a ’duŋöddi kwe nanyit kaŋo. A se joŋgi kwe nanyit, a tiri kiko lo Araba tukwaje liŋ,

Esetere 7:10

a kirut mor kulyani adi, Tole ta lepeŋ nyu. A se to ’yi Aman i kilu kaden logon nye a tetenakin Mordekai kulu. A kirut woran na mor iŋge yukörö.

Ebere 11:34

a iŋge peŋ kimaŋ na tule ko riŋit, a iŋge rwöddu i tatua ko baŋdujin. Ma ’di nagon se a lomunyak ama se a wora a iŋgo. A se iŋge kon ’börik a kamörök walan, a se iŋge rikökin teŋon ti kamorök logon a Lwaka.

Ebere 2:14

Nyena gwoso nagon Ŋwajik ti mede geleŋ mugunya kase ko rima a ŋo na geleŋ na, nyena koti Yesu naruŋdya gweya nase sona. Lepeŋ a Ŋaruŋdya gweya nase anyen i twan nanyit nye böŋö tu ’baka ’yu riŋit na ŋilo kaŋöönit, logon riŋit na twan gwon kanyit i könin lo,

1 Samuele 17:50

Nyena a Dawidi te ’yi Pelesetetyo lo ko lowiset se ko ŋurupit, a iŋge gumba Pelesetetyo lo a tatuje lepeŋ; ama a baŋdu möriet gwe ’bayin ko Dawidi i könin.

1 Samuele 21:10

Goloyota Pelesetetyo logon do lo tatuja i loro lo Ela lo, meddi, lepeŋ lo ni i ki ’diŋ na epoda a mu ’duta ko boŋgo. Ko do ’de ’deggi joŋga nye, a do joŋgi joŋga, kogwon lele ’bayin ni ama lepeŋ geleŋ. A Dawidi kulyani adi, Lele ’bayin gwoso lepeŋ, kölum tiŋdi nan nye.

1 Samuele 21:9

A koane kulyani adi, Ka ’de baŋdu

1 Samuele 31:9

A se ’duŋoddi kwe nanyit kaŋo, a rokoddi tito kanyit moriesi, a sonyoddi luyökie i jur lo Pelesete liŋ, i torekiŋdya na liŋio lo ’but i kadijik ti nyomuejin kase ko i ŋutu kase.