1 Samuele 17:47 - Bibilia Buk na Ŋun nagon koti luŋu a

⁴⁷ köti anyen ŋutu liŋ logon a momoruŋdya kilo böŋö deden adi MATAT ti lwöggu ŋutu kanyit ko baŋdu kode ko gor; kogwon na mörö a na MATAT, a nye de wukiŋdye ta kayaŋ i könisi.

1 Samuele 17:47 ပူးပေါင်းရင်းမြစ်များ

2 Moran 5:15

A Namana yitöni ko ŋuto lo Ŋun yu se ko teŋ nanyit liŋ. A nye poŋdi po a gwo ’de kanyit i komor; a nye kulyani adi, Mete, nan a kurun adi Ŋun ’bayin i kak liŋ nagon i Yisaraele ka ’de; nyena böŋö wuji ’doket köyö nan köliŋönit ilot.

2 Dekat 14:11

A Asa gwiki ko MATAT Ŋun lonyit adi. A, MATAT, lele ’bayin gwoso do logon paparakiŋdya ŋutu kode se a iŋgo kode a lomunyak; paraki yi pon MATAT Ŋun likaŋ, kogwon yi yeŋdu do a yi iŋge po i moro ko ŋilo lodir i karin kunok. A, MATAT, do a Ŋun likaŋ, ŋutu bubulö te ’ya do ada?

Saumajin 46:11

MATAT lo kurumi gwon koyi; Ŋun lo Yakobo gwon a ŋirit ’danaet nikaŋ nago!

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Osea 1:7

Ama a nan mo won konyen ko kotumit na Yuda, a nan mo lwokuŋdye se ko riŋit nio na MATAT Ŋun lose. Nan mo ti lwokuŋdyo se ko daŋ, kode ko baŋdu, kode ko tito moriesi, kode ko kusanjin, kode ko ŋutu lo wörö ko kusanjin.

Jakaria 4:6

A nye kulyani ko nan adi, ŋilo a kulyaet lo MATAT lo jamaki Jerubabela adi, ŋutu ti te ’ya kogwon tuwalan, kode riŋit, ama te ’ya kogwon Mulökötyo lio, nan MATAT lo kurumi lo kulya.

Roma 8:31

Nyena a yi de kulyani ada i kine kulya? Ko Ŋun gwon kayaŋ i swöt, a ŋa lo ŋisani koyi?

Roma 8:37

’Bayin, kine ŋo ti bulö koraddu yi kaŋo ko Kristo, kogwon i kine kulya liŋ yi a katelak parik kogwon nye logon nyanyar yi lo.

Yosua 10:8

A MATAT kulyani ko Yosua adi, Ko kujönö se; kogwon nan aje pakiŋdya se konut i könisi; a lele ŋuto lose gwe ’bayin logon bubulö te ’ya do.

1 Samuele 14:6

A Yonatana kulyani ko titinti ka ’dokonit lo tito möriesi kanyit lo adi, Po, ti yi laŋaddi i mera na kilu ŋutu logon a ko tawero kulu, kode ŋona MATAT bubulö parakiŋdya yi; kogwon nene teŋet gwe ’bayin ko MATAT i lwökuŋdyö ma ’di ko könisi ti ŋutu jore kode ku ’dik.

1 Samuele 18:17

A Saula kulyani ko Dawidi adi, Mana Meraba ŋuro nio kayu. Nan de tiŋdu do nye a narakwan inot; ama tuŋ ti do gwe a purutat i kulya kwe, ko möröni mörö goro ti MATAT. Kogwon Saula a yeyeju adi nye ti ’bulukiŋdyö könin lonyit ko lepeŋ loki, ama ti ŋutu ti Pelesete lo tatuje lepeŋ.