1 Samuele 17:32 - Bibilia Buk na Ŋun nagon koti luŋu a

³² A Dawidi kulyani ko Saula adi, Ti töili lo lele ŋuto gwe ti lwö ’yu i kulya ti lu ŋuto. Nan köliŋönit ilot de tutu i mörö ko ŋilu Pelesetetyo.

1 Samuele 17:32 ပူးပေါင်းရင်းမြစ်များ

Saumajin 3:6

Nan ti kujono ŋutu aliŋan ti aliŋan ŋuök, logon a gomokindyo nan kiden.

Yisaya 35:4

Kulyani ko se logon ko töilyet kujönöesi adi, Gwe ta a iŋgo, ko kujönö ta! Meddi ta, Ŋun losu mo popo ko ropet na toron, ŋina ropet nanyit kukujönörikin. A nye mo poni i lwöŋgu na ta.

Yisaya 7:4

a do kulyani ko lepeŋ adi, Kunyare kunyar mugun, gwe taliŋ, an do kujono, an do kolokin toili ilot i doddya kogwon kine pilyalan murek nanyut ti kalya, iŋkoi, kogwon Resin ko Suria se ko ŋuro lo Remalia a woran a tömönik.

Kenet 13:30

A Kaleba toyiŋaji kulu ŋutu ko Mose i komor, a kulyani adi, Ti yi iti ta ’de ’de wulek i morga na jur; kogwon yi jojo te ’ya lepeŋat.

Kenet 14:9

Ama tuŋ an ta ko renya MATAT; köti ko kujönö ta ŋutu ti lu jur, kogwon se a kinyo likaŋ; a tölimöt nase iŋge ’dumaji kaŋo kase, a MATAT lo gwe koyi; ko kujönö ta se.

Ebere 12:12

Nyenagon ’biliki ta könisi kasu lokolokak kilo i kita ko togole ta togo kuŋwat kasu lukadapak,

Yosua 14:12

Nyenagon soŋinana tiŋdi nan lo jur logon a merya, logon MATAT aje jambu kulya kanyit i ŋilu lor lu; kogwon do aje yiŋ i ŋilu lor adi ŋutu ti Anak lo gwon nyu kulu, se ko köjinö nago na titiyu nagon ko mariŋan. Kode ŋona MATAT mo gwon ko nan, a nan mo riköddi se kaŋo gwoso na kulyari MATAT nu.

1 Samuele 14:6

A Yonatana kulyani ko titinti ka ’dokonit lo tito möriesi kanyit lo adi, Po, ti yi laŋaddi i mera na kilu ŋutu logon a ko tawero kulu, kode ŋona MATAT bubulö parakiŋdya yi; kogwon nene teŋet gwe ’bayin ko MATAT i lwökuŋdyö ma ’di ko könisi ti ŋutu jore kode ku ’dik.

1 Samuele 16:18

A lele titinti lonyit waddi adi, Mete, nan a meddya lele ŋuro lo Yisai ŋuto lo Beteleme, lepeŋ a bodo i ju ’yö, lepeŋ a ŋuto wa ko jujukin i mörö, ko a lokoŋ i jambu, ko a ŋuto lokwekwe-len, köti MATAT gwon ko lepeŋ.

1 Samuele 17:31

A nagon kulyaesi lo jam Dawidi kulo ko yiŋani, a se nyönyökökiŋdye Saula kilo kulyaesi, a nye luŋgi lepeŋ.