1 Samuele 17:25 - Bibilia Buk na Ŋun nagon koti luŋu a

²⁵ A ŋutu ti Yisaraele kulyani adi, Ta a met ŋilo ŋuto logon a pukun lo le? ’Diri nye a poŋdyai lauŋdya na Yisaraele; ama ko lele ŋuto a tatuja lepeŋ, a mor mo tukwörieŋdi lepeŋ ko tukwörien duma, a mo tiŋdi lepeŋ ŋuro nanyit a narakwan, a tiŋdi kötumit na monye lonyit i gwon a luitöt i Yisaraele.

1 Samuele 17:25 ပူးပေါင်းရင်းမြစ်များ

Yosua 15:16

A Kaleba kulyani adi, Nan mo tiŋdu ŋuro nio Akasa i yema koŋuto logon a morö ko Kiryat-seper a riŋuŋdye nye lo.

Kweyatti 3:12

Ŋuto logon a te ’ya lo, nan mo tetenakin lepeŋ a togwi ’diet lo kadi na Ŋun lio, a nye mo kbti line tu kaŋo kata asut. A nan mo wurokiŋdye karin ti Ŋun lio kanyit i mugun, se ko karin ti köji na Ŋun lio, nagon a Yerusalema ludukotyo nagon a po kak ki yu ko Ŋun lio. A nan köti mo wurökiŋdye karin kwe ludukö kanyit i mugun.

Kweyatti 2:7

Ŋuto lo gwon ko swö lo ti nye yiŋge ŋo nagon Mulökötyo Loke a takin kanisajin kune. Ko Ŋuto logon a te ’ya lo, nan mo ’bu ’burukin i nyesu na ludweki ti ködini toruet lo gwon i Melesen nakwekwelen na Ŋun lo.

Kweyatti 3:21

Ŋuto logon a te ’ya lo, nan mo ’bu ’burukin lepeŋ i si ’daki kak ko nan i si ’daet nio na tumatyan i pirit na geleŋ, gwoso nagon nan köti a te ’ya na, a si ’dakine kak ko Baba i si ’daet nanyit na tumatyan i pirit na geleŋ.

Kweyatti 3:5

A ŋuto logon a te ’ya lo mo jupuni boŋgwat nakwe, a nan mo tine seyara karin kanyit kaŋo i buk na ŋutu lo gwon jörun na; a nan mo ruŋge karin kanyit ko Baba i komor ko i komor na malaikajin kanyit.

Kweyatti 2:17

Ŋuto lo gwon ko swo lo ti nye yiŋge ŋo nagon Mulökötyo Loke a takin kanisajin kune. Ŋuto logon a te ’ya lo nan mo titikin lepeŋ kunie mana nagon a ’dela; a nan köti mo tiŋdi lepeŋ ŋurupit na ’dit nakwe, a karin ludukö iŋge wuroki nyin nagon lele nuto ti den, ake monye wuju lo deŋdya.

Matayo 17:26

A Petero waddi adi, Lepeŋat pepeŋdya i Lwaka. A Yesu kulyani ko lepeŋ adi, Nyenagon ŋutu kase ti robba.

Ejira 7:24

Yi köti a kwekiŋdya ta adi ta ködyö ti Jukin luŋgu usur, ko ’buggö na murut, ko dakesi ti kak i lele lo koanejin, kode i Lewijin, ko i kayolok, ko i katiyuk ti kötumitön, se ko i kakitak ti kadi na Ŋun.

1 Samuele 17:24

A ŋutu liŋ ti Yisaraele ko meddi ŋilo ŋuto, a wöki wökön ko lepeŋ, a iŋge kujönö parik.

1 Samuele 17:27

A ŋutu ruŋge lepeŋ sona köti adi, ŋuto lo tatuja lepeŋ lo mo kokonaki sona.