1 Samuele 17:20 - Bibilia Buk na Ŋun nagon koti luŋu a

²⁰ A Dawidi ŋine ŋien ko ’bure kobubut, a kölökiŋdye yidin kune ko lele kayuku-nit, a ’dumuŋdye kinyo lo a iti tu gwoso na saŋi Yisai lepeŋ nu, a nye ’dure i mera i diŋit nagon kamörök tiri kaŋo i pirit na gor nu, a se gwe i siraji i möro.

1 Samuele 17:20 ပူးပေါင်းရင်းမြစ်များ

Luka 19:43

Kogwon perok molu popokin konut logon merok kulök mo gömökiŋdyo do kiden ko liŋo logon a ’du ’dulu, a se mo lorgi do a goŋi do i swötön liŋ;

Yosua 3:1

A Yosua Ŋine ki ko ’bure kobubut, aŋiörö kaŋo Sitim yu se ko ŋutu ti Yisaraele liŋ, a se ’duröki Yardene, a mönuŋdye nyu a kokwe na laŋgu nase.

1 Samuele 15:12

A Samuele ŋine ’beron i rum ko Saula i ko ’bure; a lore iŋge taki Samuele adi, Saula a tu köji na Karmela, mete, a nye iŋge togwi ’dikiŋdya lele ŋurupit a toye-yeet lo mugun nanyit, a löpuköni löpukö, a lwöŋöddi kak tojo ko Giligala.

1 Samuele 17:19

A Saula se ko luŋasirik ti Dawidi ko ŋutu liŋ ti Yisaraele gwe i loro lo Ela mömörö ko ŋutu ti Pelesete.

1 Samuele 17:21

A teŋon ti kamörök ti Yisaraele ko ti kamörök ti Pelesete teteŋdi ’börik a ’dokiŋ i mörö.

1 Samuele 17:28

A Eliaba, luŋaser lonyit lo kokwe lo, ko yiŋge lepeŋ nagon nye nyuŋ gwon i jambu ko kilu ŋutu nu, a nye wore woran ko Dawidi, a kulyani adi, Ko nyo nagon do a po ni? Do a kölökin pitönö ti yidin kunu ko ŋa i könin i yöbu yu? Nan a den bu ’ya inot na kwe, ko toron na töili ilot; kogwon do a poŋdya kak ni anyen ko meddya lo gor.

1 Samuele 26:5

A Dawidi ŋine ŋien a poŋdi i pirit nagon Saula a ’beggi mera na; a Dawidi meddi pirit nagon Saula dodotori kase Abiner ŋuro lo Ner, logon a duma lo kamörök kanyit. Saula a piriki i kiden na mera, a kurumi na kamörök iŋge lopakin lepeŋ kiden.

1 Samuele 26:7

A Dawidi ko Abisai iti i kurumi na kamörök i diŋit na tukwaje; a Saula gwe i doto nyu i mera lukata, ko gor nanyit na a rimiki kak nyona ko kwe nanyit; a Abiner ko kamörök iŋge peron kak lopakiŋdya lepeŋ kiden.