1 Samuele 17:11 - Bibilia Buk na Ŋun nagon koti luŋu a

¹¹ A nagon Saula ko Yisaraele liŋ ko yiŋge kilo kulyaesi ti Pelesetetyo lo, a se wiwi-nyani wiwinya, a kujönöni kujönö parik.

1 Samuele 17:11 ပူးပေါင်းရင်းမြစ်များ

Saumajin 118:6

MATAT a kajunyönit lio, a nan tine kujönö. Ŋo a nyo nagon ŋuto bubulö konakindya nan?

Saumajin 27:1

MATAT gwon a parara nio ko a kalwökönit lio; nan ŋona kukujönö lon ŋuto? MATAT a mera nago na ru nio; ŋa ŋona logon bubulö tokujöndu nan?

Tolupesi 28:1

Katoronyanit wöwökön ŋuto ’bayin lo riköddu lepeŋ, ama ŋutu lo rigwo a riör gwoso kömiruöt teton.

Yisaya 57:11

Ta a delya kode a kujönö ŋa, anyen ta jambu ’burönö, a tine yeyeju nan, a tine petakiŋdya töilyet kasu i kine kulya? Nan a ko yiŋa taliŋ, ma ’di diŋit a najo le, a ta gwe a ko kujönö nan?

Nyökit 31:8

A MATAT lepeŋ mo iti konut ŋerot; a nye mo gwe ko do, a nye tine koruŋdya mugun kaŋo konut, kode kö ’yu do; an do ko kujönö, ko an do ko delya.

Yosua 1:9

Ti gwon a nan lo saŋu do le? Gwe do a iŋgo ko a purutat; an do kujönö ko an do ko delya; kogwon nan MATAT Ŋun ilot gwon ko do i piriton liŋ na tiri do kunu.

1 Samuele 13:7

kode a lodaddi i nu pele na kare Yardene tojo i jur lo Gada ko lo Gilada. A Saula nyuŋ gwe Giligala, a ŋutu liŋ kepoddi lepeŋ böbönöddu.

1 Samuele 17:10

A Pelesetetyo lo kulyani adi, Nan aje lu teŋon ti kamörök ti Yisaraele i lo lor; jaki ta nan ŋuto, anyen yi tutumör i pirit na geleŋ.

1 Samuele 17:12

A Dawidi gwe a ŋuro lo Yisai Eparatatyo lo Beteleme na Yuda. Yisai gwon ko ŋwajik lyan budök. A i kilo perok ti Saula a Yisai ’beron gwe a modoŋ ko kiŋajin jore.

1 Samuele 21:13

Nyena a nye löpu-ŋge gwiliŋit lonyit kase i komor, a koŋdi mugun a mamala kase i könisi, a wuwuŋe kunie kweyesi i kötumitön ti pirit lupet, a kölökiŋdye kamulak i lelerun kanyit i kupir ti nyekem.

1 Samuele 7:7

A nagon ŋutu ti Pelesete aje yiŋ adi ŋutu ti Yisaraele aje momora Misepa yu nu, a kimak ti Pelesete iti i mörö ko ŋutu ti Yisaraele. A na yiŋge ŋutu ti Yisaraele kine kulya nu, a se iŋge kujönö ŋutu ti Pelesete.