1 Samuele 16:7 - Bibilia Buk na Ŋun nagon koti luŋu a

⁷ Ama a MATAT kulyani ko Samuele adi, An do ko meddya komor nanyit kode tojolan na mugun, kogwon nan a renya lepeŋ. Kogwon nan MATAT ti meddya gwoso ŋuto i meddya nanyit; ŋuto meddya gweya na kaŋo, ama MATAT meddya töili.

1 Samuele 16:7 ပူးပေါင်းရင်းမြစ်များ

Suluet 4:5

ama a nye gwe a ko lyörigi Kaina i ’dokesi kanyit. Nyena a Kaina wore woran a tömönik, a komor nanyit gwe a nagusu.

2 Samuele 14:25

A lele ŋuto gwe ’bayin i Yisaraele liŋ logon kwelen nanyit kukwön lwö-lwöŋ na Abisaloma; a nene yuyuket gwe ’bayin kanyit suluja i ’dapan ti mokosi kanyit tojo ko juruku ’diet nanyit.

2 Samuele 7:20

A kunie kulya nyuŋ a ti nyo nagon nan Dawidi jamakin do? Kogwon do deden nan koliŋonit ilot pon MATAT Ŋun!

1 Moran 8:39

nyena a ti do böŋö yiŋge yiŋga ki yu nagon a pirit inot gwiliŋit, a do böŋö pitökiŋdye se, a kitani kita inot, a do ropakiŋdye ŋutu liŋ gwoso i konesi kase ka ’de ka ’de, gwoso na deŋdi do töilyet kase na, kogwon do geleŋ tuŋ lo deŋdya töilyet ti ŋutu liŋ;

1 Dekat 17:18

A kunie kulya nyuŋ a ti nyo nagon nan Dawidi jamakin do i kulya ti bulet nagon do aje tikin nan köliŋönit ilot? Kogwon do deden nan köliŋönit ilot.

1 Dekat 28:9

Nyenagon do Solomona ŋuro lio, dene den Ŋun lo munyi, ko kitakiŋdye lepeŋ ko ’dekesi ti töili ilot liŋ; kogwon MATAT ŋga ’yu töilyet ti ŋutu liŋ ko deden kikolin yeyeesi kase liŋ. Ko do ga ’yu lepeŋ, lepeŋ de kwekwekin mugun konut; ama ko do a kölökin lepeŋ nye mo papa do asut.

2 Dekat 16:9

Kogwon konyen kanyit woŋu swötön liŋ ti kak anyen kwekiŋdya riŋit nanyit i parakiŋdya na ŋutu logon toilyet kase twoju lepeŋ kulo. Do aje koŋdya na ŋo ko tu ’böŋön; nyena suluja soŋinana tojo ko ŋerot do mo gwon ko moro.

2 Dekat 6:30

nyena a ti do böŋö yiŋge yiŋga ki yu nagon a pirit inot gwiliŋit na, a do böŋö pito­kiŋdye se, a do ropakiŋdye ŋutu liŋ gwoso i konesi kase ka ’de ka ’de, gwoso na deŋdi do toilyet kase na, kogwon do geleŋ tuŋ lo deŋdya toilyet ti ŋutu;

Eyobo 10:4

Konyen kulök gwoso ti ŋuto le, do meddya gwoso na meddi ŋuto na?

Eyobo 35:5

Metaddi ki yu, ko diŋe, meddi ’dikolo na gwon ki pajo parik konut.

Saumajin 139:2

Do aje denun si ’da nio kak ko ŋiun nio ki, do aje kurundyö yeyeesi kwe ma ’di ko nan gwon ŋajo!

Saumajin 7:9

A ti tukwölöŋ na ŋutu lorok ’bakani ’baka, ama togwo ’yi ŋutu lo rigwo, kogwon do Ŋun lo rigwo tetemba yeyeesi na gwon ko ŋutu i töilyet kune.

Tolupesi 15:11

Pirit na mulökö se ko pirit tukaret gwoŋ ŋa ko MATAT i komor, bia parik a nye meddi töilyet ti ŋutu!

Tolupesi 16:2

Ŋuto yeyeju adi ŋo liŋ nagoŋ nye kökon kune meta a nake kanyit i metet, ama kudyakan MATAT tetem ködu-dwölön ti ŋutu.

Tolupesi 24:12

Ko do kulya adi do ti den kine kulya, Ŋun logon a katemanit lo töilyet nye ’bayin a kametanit le? Nye logon meddya ködudwö inot, nye ti den le, a mo ropakindye ŋuto gwoso i kita nanyit?

Tolupesi 31:30

Kelan a mumuluket, a kwelen gwe a ŋo kana, ama narakwan na kukujono MATAT na nye na pura.

Yeremia 11:20

Pon MATAT lo kurumi, do logon a ka ’duŋönit lo rigwo, do tetemba töilyet ti ŋutu se ko yeyeesi kase. Nan aje joŋdya putet lio konut i komor, ti nan meddi do i ropakiŋdya na lepeŋat toron nase.

Yeremia 17:10

Nan MATAT gaga ’yu yeyeesi ti ŋuto, iŋkoi, nan tetem töili lonyit, anyen nan ropakiŋdya ŋutu liŋ gwoso i kikolin kase, ko gwoso i konesi naŋon se a kon kune.

Yeremia 20:12

Pon MATAT lo kurumi, do momoru ŋuto lo rigwo, do memet yeyeesi ti toili lonyit, ti nan meddi do i ropakiŋdya na lepeŋat toron, kogwon nan a yinikin kulya kwe konut i konisi.

Luka 16:15

A Yesu kulyani ko lepeŋat adi, Ta kilo a se logon to ’buddya ’börik ko ŋutu i komor, ama Ŋun deden töilyet kasu, kogwon ŋo nagon ŋutu bubu parik na Ŋun maman parik kanyit i metet.

Yoane 7:24

An ta ko ’duŋgo ta gwoso na meddi ta na, ama ’duŋge ta gwogwo.

Yoane 8:15

Ta lilija gwoso na lilije ŋutu ti na kak kulo na; nan ti lilija kulya ti lele ŋuto.

Konesi 1:24

a se kwakwaddi adi, Pon MATAT, do deden toilyet ti ŋutu liŋ, kweki yi lon lo kilo ŋutu murek do a wulun,

2 Korinto 10:10

Ŋuto kulya adi, Letajin kanyit kune pomoni a gwe ko riŋit, ama ko do a met lepeŋ i mugun a gwe a lomunyan, a kulyaesi kanyit gwe a go kana.

2 Korinto 10:7

Mete ta met go nagon kasu i komor kine. Ko lele ŋuto a yinikin mugun adi nye ’diri a lo Kristo, a na ’but, ti lepeŋ yeyene yeye mugun adi gwoso na gwoŋdi nye a lo Kristo na yi koti a ti Kristo.

Ebere 4:13

Nene ŋo ’bayin i ŋo liŋ nagon Ŋun a gwe kune nagon bubulö ’de ’ya mugun kanyit i komor. Kogwon ŋo liŋ a limu kana ko a banyaki köke i meta ko lepeŋ. Nye lepeŋ logon yi ködyö kwekwekin lepeŋ kulya kaŋ lo.

1 Petero 2:4

Lepeŋ a ŋurupit lo gwon jörun logon ŋutu a renya lepeŋ, ama Ŋun a wulun lepeŋ a ’bulit nanyit duma. Po ta ko lepeŋ ni,

1 Petero 3:4

ama ti kwelen nasu gwe i lukata na töilyet, anyen ta jupu minyojin logon ti ’buron logon a töilyet lo lilik ko tokoyok. Kilo minyojin gwon ko ’bulit a duma ko Ŋun i komŋo.

Kweyatti 2:23

Nan mo tutukar ŋwajik kanyit asut. A kanisajin liŋ mo dene den adi nan a nye lo ga ’yu yeyeesi na gwon ko ŋutu i töilyet lo, a nan mo ropakiŋdye ta liŋ geleŋ geleŋ gwoso i konesi kasu.

1 Samuele 2:3

Ko nyuŋ bu ’ya ta kusik köti parik i jambu, ti bu ’ya na mugunya gwe ti lupe kaŋo kasu i kutusen; kogwon MATAT a ŋun logon a kadenanit, a lepeŋ iŋge tem konesi.

1 Samuele 9:2

A nye gwe ko ŋuro karin kanyit a Saula, titinti lokwekwelen. A ŋuto lele gwe ’bayin i kiden na ŋutu ti Yisaraele logon lwöŋgu lepeŋ i kwelen; nye a lojo lilimun kulye ŋutu liŋ.