1 Samuele 16:1 - Bibilia Buk na Ŋun nagon koti luŋu a

¹ A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 16:1 ပူးပေါင်းရင်းမြစ်များ

1 Moran 8:16

Suluja i lor logon nan a joŋdi ŋutu kwe Yisaraele kaŋo i Ejipeto lu, a nan gwe a ko wuluŋdyö köji i kötumitön liŋ ti Yisaraele nagon ’dukörikin kadi, anyen karin kwe mo gwon nyu; ama nagon nan a wuluŋdyö Dawidi a duma lo ŋutu kwe Yisaraele.

2 Moran 9:1

A nebi Elisa luŋgi lele lo teŋ ŋa nebijin a kulyani ko lepeŋ adi, Ruŋge boŋgo inot a do toŋi toŋa, ko ’dumuŋdye ŋilo lulur lo welet, ko iti Ramot-gilada.

2 Moran 9:3

A do ’dumuŋdye lulur lo welet lo, a do ’buŋge welet kanyit i kwe, a do kulyani adi, MATAT lo kulya sona adi, Nan welakiŋdya do a mor lo Yisaraele. A do kirut ŋaji kötumit, a do wöki wö-kön; an do ko möŋdu.

2 Moran 9:6

A Yeu ŋine ŋien, a luŋöni kadi; a lu titinti ’buŋge welet na ko lepeŋ i kwe, a kulyani ko lepeŋ adi, MATAT ŋun lo Yisaraele lo kulya sona adi, Nan MATAT welakiŋdya do a mor lo Yisaraele logon a ŋutu kwe.

1 Dekat 11:3

Nyena a temejik liŋ ti Yisaraele poŋdi Keberon ko mor ni; a Dawidi teteŋdi tomoret nase ko lepeŋat Keberon yu ko MATAT i komor, a se welakiŋdye Dawidi a mor lo Yisaraele, gwoso kulyaet lo MATAT logon nye a kulyari ko Samuele i kutuk lu.

1 Dekat 28:4

Ma ’di sona MATAT ŋun lo Yisaraele aje nyumuŋdyö nan i kötumit na baba liŋ anyen gwon a mor lo Yisaraele ŋupi. Kogwon nye a wuluŋdyö Yuda a kasaranit a nye köti nyumuŋdye kötumit na baba i kötumit na Yuda, a nye iŋge lyöŋön ko nan i kiden na ŋwajik ti baba, a tiŋdi nan a mor lo Yisaraele ’bukuluŋ.

Yisaya 11:1

A kene mo wilu i kumut na Yisai, a kene mo ŋunu kaŋo i kokori kanyit.

Yisaya 11:10

A i ŋilu lor wilan na kokorite na Yisai mo gwo ’de gwo ’dan gwoso beret i gweyajin ti ŋutu; a jurön mo ga ’yi lepeŋ, a pirit si ’daet nanyit mo bulani bula.

Yisaya 55:4

Mete, nan köju a tiridu lepeŋ i gwon a katokuönit i gweyajin ti ŋutu, ko a kanyömönit ko a kasaranit lo gweyajin ti ŋutu.

Yeremia 11:14

Nyenagon do Yeremia, an do ko kwakwaddu kogwon kilo ŋutu, an do ko ’doggu gworo ilot ki i gwien ko nan kode i momo ’yu i kulya kase, kogwon nan mo ti yiŋ na luŋgi se nan i diŋit nase nagusu nu.

Yeremia 15:1

A kirut MATAT kulyani ko i nan adi, Ma ’di kodyo Mose ko Samuele a gwo ’dan koyo i komor i pija na nan, a töili lio mo tine Lopukuŋdyö i ŋutu ti Yuda. Sonye lepeŋat kaŋo köyö i komor, ko ti se iti!

Yeremia 6:30

Kilo ŋutu luŋu a pödö nagon ’bak ’bulit, nagon gubaji mu ’diŋ, kogwon nan MATAT aje renya lepeŋat.

Yeremia 7:16

Do Yeremia, an do ko kwakwaddu i kulya ti kilo ŋutu, ko ’doggu gworo ki i gwien kode i momo ’yu kogwon lepeŋat, an do ko piyuŋdya nan i kulya kase, kogwon nan de ti yiŋ do.

Jakaria 4:14

A nye kulyani adi, Kilo a ŋutu murek lo welaki a kölipönök logon gwo ’dan nyona ko MATAT lo kak ’bukuluŋ.

Roma 15:12

A köti Yisaya iŋge kulya adi, Kene mo wiwilun i kokorite na Yisai, ŋilo a nye logon mo ŋikin i tumatyan ko ŋutu ti jurön;a se mo yeŋdi lepeŋ.

Ebere 11:32

A nan jambi kulya jore a ti nyo? Diŋit nio ’bayin nagon nan jambi kulya ti Gidiona, ko ti Barak, ko ti Simasona, ko ti Yepeta, ko ti Dawidi, ko ti Samuele se ko ti nebijin.

1 Yoane 5:16

Ko ŋuto logon a meddya luŋaser i koŋdya na toron nagon ’bayin a twayet, lepeŋ ködyö kwakwaddu Ŋun kogwon kulya ti ŋilo luŋaser, a Ŋun mo tiŋdi ŋilo ŋuto ru. Kwakwasesi gwoso kine a ti ŋutu logon ti koŋdya toron nagon a twayet. Toron kata nagon a twayet, ama nan a ko kulya adi lepeŋ ködyö kwakwaddu kogwon kulya ti ŋina toron.

1 Samuele 10:1

A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

1 Samuele 15:11

Nan a delya i tiŋdu na Saula a mor; kogwon nye aje kukut bot I kebbu na nan, a tine koŋdya saresi kwe. A Samuele wore woran; a nye gwiki ko MATAT tukwaje liŋ.

1 Samuele 15:23

Kogwon rerenya gwon gwoso toron na to ’bunun, a töili iŋgo gwe gwoso twöju na nyömue. Nyena MATAT aje renya do i gwon a mor kogwon do a renya kulyaet lonyit.

1 Samuele 15:26

A Samuele kulyani ko Saula adi, Nan ti bulö moraddu ko do, kogwon do aje renya kulyaet lo MATAT, a MATAT iŋge renya do i gwon a mor lo Yisaraele.

1 Samuele 15:35

A Samuele köti gwe a ko met Saula tojo ko lor lonyit twaet, ama a Samuele iŋge delya Saula. A MATAT delyani delya kogwon nye a tiŋdu Saula a mor lo Yisaraele.

1 Samuele 16:15

A köliŋönök ti Saula kulyani ko lepeŋ adi, Mete, soŋinana Mulökötyo loron logon Ŋun lo sunyuŋdyö gwe i tom ŋö na do.

1 Samuele 16:23

A ko gwe sona nagon Mulökötyo loron lo sunyun ŋun lo ko poki ko Saula i mugun, a Dawidi ’dumuŋdye tom, a ju ’ye ju ’yö, a yeyeesi ti Saula nyökuŋdye a na ’but, a Mulökötyo loron kölökiŋdye lepeŋ.

1 Samuele 17:12

A Dawidi gwe a ŋuro lo Yisai Eparatatyo lo Beteleme na Yuda. Yisai gwon ko ŋwajik lyan budök. A i kilo perok ti Saula a Yisai ’beron gwe a modoŋ ko kiŋajin jore.

1 Samuele 9:16

Ko ’bure gwoso i na saa nan de susunyukin do ŋuto i jur lo Benyamina, a do de welakiŋdye lepeŋ a kanyömönit lo ŋutu kwe Yisaraele. A lepeŋ de lwökuŋdye ŋutu kwe i könisi ti ŋutu ti Pelesete; kogwon nan aje met yöyöŋesi ti ŋutu kwe kogwon gwien nase aje ’durökin köyö.