1 Samuele 15:3 - Bibilia Buk na Ŋun nagon koti luŋu a

³ Nyenagon iti i rembu na ŋutu ti Amalek, ko tutuŋge asut po liŋ na gwon kase kunu; an do ko pitökin se kwöŋ, ama tatuje ko lyan ko wate, ko ŋwajik ko lupudiet lo nönöggu, ko dwönin ko yidin ko kamilojin ko kaineki.

1 Samuele 15:3 ပူးပေါင်းရင်းမြစ်များ

Suluet 36:12

(Timina a kölipönit na Elipaja ŋuro lo Esau; a nye yuŋwekindye Elipaja Amalek.) Kilo a ŋwajik ti Ada nakwan na Esau.

2 Samuele 1:8

A nye pipije adi, Do a ŋa? A nan waddi adi, Nan a ŋuto lo Amalek.

Yuörö 17:14

A MATAT kulyani ko Mose adi, Wuröki kine kulya i buk a toyeyeet, nyönyököki Yosua adi nan mo seseyara yeyeŋ na Ŋutu ti Amalek kaŋo i na kak.

Yuörö 20:5

do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;

Kenet 24:20

A Balam diŋe Amalek, a tokoŋ tökoŋu adi, Amalek a kwe na juron. ama a ’dutet nanyit mo gwe a tukara.

Kenet 31:17

Nyenagoŋ tatuje ta ŋwajik lulyan liŋ i kiden na lupudiet, ko tatuje ta ŋutu wate liŋ geleŋ geleŋ nagoŋ a den doto ko ŋutu lyan kine.

Yosua 10:39

a nye morgi nu köji se ko mor lonyit, ko turön kanyit liŋ; a se tatujeŋutu kanyit ko baŋdujin, a tukaŋi ŋutu liŋ lo gwon lukata kulu asut; a nye gwe a ko kölökin lele jörun; a nye konakiŋdye Debir se ko mor lonyit gwoso na konakiŋdye nye Keberon nu; ko gwoso na konakiŋdye nye Libina se ko mor lonyit köti nu.

1 Samuele 14:48

A nye gwe a wa, a rembi ŋutu ti Amalek, a lwokuŋdye ŋutu ti Yisaraele i könisi ti karyakak kase.

1 Samuele 15:18

A MATAT aje yököŋ do i jölö, a kulyani adi, Iti ko tukare asut ŋutu ti Amalek logon a katoronyak kulu, ko möröni ko se, tojo se a tutuŋö.

1 Samuele 15:9

Ama a Saula ko kilu ŋutu pituŋdye Agaga, se ko ŋo na ’but i kiden na köbilu ko na dwönin ko na kolojik ko na yisi ko ŋo liŋ nagon a na ’but, a tine tutuŋgö se asut; a se tukaŋi asut po liŋ nagon a narok ko nagon ’bak ’bulit.

1 Samuele 22:19

Kweja adi lepeŋ a tatuja ko baŋdu koanejin ti köji nagon a Noba, mora ko ŋutu lyan ko nawate, ko ŋwajik ko lupudiet lo nönöggu, ko dwönin, ko kaineki, ko yidin.

1 Samuele 27:9

Temba i diŋitan liŋ a Dawidi ŋupi gwe i mörö ko ŋutu ti ŋilu jur, a tine pituŋdyö ŋuto lalet kode ŋuto nanakwan i gwon jörun, ama a joŋgi yidin, ko dwönin, ko kaineki, ko kamilojin, ko boŋgwat, a yitöni ko Akisa yu.

1 Samuele 30:17

Dawidi rembi se suluja i kwökö tojo ko koriri i ’doro na kolor na lor tomurek lonyit; a lele ŋuto lose gwe ’bayin logon a lwöggu mugun, ka ’de teton miajin iŋwan logon a kija kamilojin a wöki wökön kulo.