1 Samuele 15:22 - Bibilia Buk na Ŋun nagon koti luŋu a

²² A Samuele pije adi, MATAT ŋona bubulö lyöŋön ko rubaŋgajin lo ’yu ’yura ’buluŋ ko lo ’du ’duŋö kilo kwölwöŋ lyöŋön nanyit ko ŋutu a twöju gworo lonyit le? Mete, twöju a na ’but lwölwöŋ rubaŋgajin, yiŋga a na ’but lwölwöŋ welet na lopoŋoki.

1 Samuele 15:22 ပူးပေါင်းရင်းမြစ်များ

Suluet 4:4

a Ebele Köti joŋdi kulye kayujin ti teŋ na yidin kanyit se ko lokoriŋ kase nagon a welesi. A MATAT meddi Ebele ko lyoŋon i ŋo nagon nye a ’doggi kune,

Yuörö 19:5

Ama soŋinana ko ta ’diri a yiŋga gworo liŋ anyen ’debba tomoret nio, a ta mo gwe a tukwörien nio lomore i kiden na gweyajin liŋ ti Ŋutu; kogwon kak liŋ a nio,

Tolupesi 21:3

Kondya na ŋo nagon a na ’but ko ŋo nagon gwon jojo tutulyöŋ MATAT lwölwöŋ nagon do ’duŋökindyö lepeŋ rubaŋga.

Katokuönit 5:1

Yike yik mokosi kulök ko do tuko ŋun kadi. A na ’but bia i mijun nyona i yiŋga lwölwöŋ wukindya rubaŋgajin gwoso na kondi ŋutu lu ’böŋ na; kogwon lepeŋat ti den adi se kondya toron.

Yeremia 11:4

nagon nan a sarakin merenyejin kasu i diŋit na joŋdi nan se kaŋo i jur lo Ejipeto logon a tuka nitet lu. Nan köju a kulya ko se adi, Yiŋge ta gworo lio, ko koŋdi ta ŋo liŋ nagon nan a sarakin ta kune, nyena a ta mo gwe a ŋutu kwe, a nan mo gwe a Ŋun losu.

Yeremia 11:7

Kogwon nan köju a sarakin merenyejin kasu go i diŋit na joŋdi nan lepeŋat kaŋo i jur lo Ejipeto nu; nan a kukukin lepeŋat diŋitan liŋ ma ’di tojo ko lo lor adi, Yiŋge ta gworo lio.

Yeremia 26:13

Nyenagon soŋinana tetene ta teten kikolin kasu se ko konesi kasu, yiŋge ta gworo lo MATAT ŋun losu, a MATAT de löpuŋge löpuggö i ŋo narok nagon nye a ’dugökin ta kune.

Osea 6:6

Kogwon nan ’de ’dekan adi ti ŋutu nyare nyar nan ko nyaŋu nagon ti ’duddyö kwöŋ na, ti gwon i tiŋdu na rubaŋgajin; nan ’de ’dekan adi ti ŋutu dene den nan Ŋun lwölwöŋ ’yuŋa na rubaŋgajin.

Osea 8:13

Ma ’di se a ’duŋgö lokoriŋ a rubaŋgajin kwe, a nyesi se, nan MATAT mo ti wu se kwöŋ Nan mo yeye lyaŋesi kase, a nan mo riŋge se i toronjin kase; a se mo yitöni Ejipeto.

Matayo 12:7

A ko ta kodyö deden ko kilo kulyaesi kweja nyo adi. Ŋun ’de ’dekan won na konyen, ti gwon i tiŋdu na rubaŋgajin, a ta kodyö tine ’duŋökiŋdyö ŋutu lo ’bak kulya arabat.

Matayo 23:23

Wöidiö, ta katodinök ti Saresi ti Mose se ko Parusijin, kamumulukak! Kogwon ta ’dogga ko swöt topuökit lo nana, ko lo nabat, ko lo kumin, ama ta a kölökiŋdyö saresi lo pömöni, kweja adi, ’duŋgö na rigwo, kowon na konyen se ko yupet. Kine ŋo a se nagon ta ködyö kökon, a gwe ti kölökin kunie a ko kona.

Matayo 5:24

kölöki ’doket inot nyu i komor na pirit ’yuret na rubaŋgajin. A kokwe iti i mora ko luŋösur, a do kirut yitwene bot i wukiŋdya na ’doket inot.

Matayo 9:13

Iti ta, ko denuŋdye ta kaŋoko kilo kulyaesi kweja nyo, adi, Ŋun ’de ’dekan won na konyen ti gwon i tiŋdu na rubaŋgajin. Kogwon nan a ko po i luŋgu na ŋutu logon ko Loti lo rigwo, ama i luŋgu na katoronyak.

Marako 12:33

Nyena ko ŋuto nyanyar Ŋun ko töili lonyit liŋ, ko kuruŋdyö nanyit liŋ, ko riŋit nanyit liŋ, a ko lepeŋ nyanyar marate gwoso mugun nanyit, kweja adi kine kulya lwölwöŋ rubaŋgajin liŋ lo ’yu ’yura se ko ’dokesi liŋ.

1 Samuele 13:12

a nan kulyani adi, Soŋinana ŋutu ti Pelesete de lulurun kak köyö ni Giligala, a nan a ko nyuŋ muluŋdyö ’busan ko MATAT; nyena a nan ri ’dikiŋdye mugun i wukiŋdya na rubaŋga lo ’yu ’yura ’buluŋ.

1 Samuele 13:13

A Samuele kulyani ko Saula adi, Do a koŋdya gwoso mök; do a ko ’debba saret lo MATAT Ŋun ilot logon nye a sarakin do ŋilo; kogwon soŋinana MATAT ködyö aje togwi ’dikiŋdya tuma-tyan inot i Yisaraele ŋupi.