1 Samuele 15:13 - Bibilia Buk na Ŋun nagon koti luŋu a

¹³ A na ’durökiŋdye Samuele ko Saula yu nu, a Saula kulyani ko lepeŋ adi, Ti MATAT ’boroji do; nan aje koŋdya saret lo MATAT.

1 Samuele 15:13 ပူးပေါင်းရင်းမြစ်များ

Suluet 14:19

A nye ’boroji lepeŋ adi, Ti Ŋun Katoŋanit lo ki liŋ monye lo ki ko kak, ’boroji do Abarama,

Suluet 3:12

A lu ŋuto waddi adi, Na Ŋuto nagon do aje tin i gwon ko nan na aje tiŋdu nan ludweki ti lo ködini a nan nyesi nyesu.

2 Samuele 2:5

A Dawidi sonyoddi luyökie i ŋutu ti Yabesa-gilada, a kulyani adi, Ti MATAT ’boroji ta, kogwon ta aje kwekiŋdya Saula duma losu ŋina ’busan, a ta aje nugga lepeŋ.

Tolupesi 27:2

Ti lele ŋuto pupure do, an do ko pupurja mugun ko kutuk inot, ti ŋutu lepelok pupure do, an do ko pupurja mugun ko ŋedep ilot.

Tolupesi 28:13

Ŋuto lo muggö toronjin kanyit mo ti puputuru ŋerot, ama nye lo tutuggö toronjin a kö ’yi se lo mo pipitöki.

Tolupesi 30:13

Kulye ŋutu kata logon meddya ko ’du ’dugga, ko boboŋoja a lwo ’duŋak.

Tolupesi 31:31

Tiki lepeŋ ’bulit na kita na konisi kanyit, ko ti lepeŋ purani i pirit momoret i kotumit na köji kogwon kitajin kanyit.

Luka 17:10

Nyena ta köti, ko ta aje koŋdya ŋo liŋ na saraki ta kune, kulyani ta adi, Yi a köliŋönök logon ’bak ’bulit; yi a koŋdya kita nikaŋ ka ’de.

Luka 18:11

A Parusityo lo gwo ’de gwo ’dan a momo ’yi pupurja mugun adi, A pon Ŋun, tinate ilot kogwon nan ’bayin gwoso kulye ŋutu logon goma ŋo liŋ, kode ŋutu logon ti yiniki, kode kalupok, kode ma ’di gwoso lo kapepenanit lo usur.

Ka’duŋök 17:2

A nye takiŋdye ŋote adi, Pödöjin miajin puök wot geleŋ nagon a ’dumaji konut kune, nagon do a lömbu i kulya kase kune a nan yi yiŋga, meddi pödöjin se kune köyö; nan lo ’dumaddu. A ŋote kulyani adi, Ti MATAT ’boroji do ŋuro liŋ.

Ruta 3:10

A Boaja kulyani ko lepeŋ adi, Ti MATAT ’boroji do pon ŋuro nio, kogwon ’busan inot na na diŋit a na ’but lwolwoŋ na kokwe nu, kogwon do a ko kebbu teton kode lomerika kode kwörinikö.

1 Samuele 13:10

A gwe sona ’de ’de nagon nye aje tutuŋgö wukiŋdya rubaŋga lo ’yu ’yura ’buluŋ nu, mete, a Samuele lo ’duröki; a Saula iti i rum ko lepeŋ anyen roman ko lepeŋ.

1 Samuele 15:11

Nan a delya i tiŋdu na Saula a mor; kogwon nye aje kukut bot I kebbu na nan, a tine koŋdya saresi kwe. A Samuele wore woran; a nye gwiki ko MATAT tukwaje liŋ.

1 Samuele 15:20

A Saula kulyani ko Samuele adi, Nan aje yiŋ gworo lo MATAT, a nan iŋge tu i jölö nagon MATAT a yökije nan na, a nan iŋge joŋdya Agaga mor lo Amalek, nan aje tukar ŋutu ti Amalek asut.

1 Samuele 15:9

Ama a Saula ko kilu ŋutu pituŋdye Agaga, se ko ŋo na ’but i kiden na köbilu ko na dwönin ko na kolojik ko na yisi ko ŋo liŋ nagon a na ’but, a tine tutuŋgö se asut; a se tukaŋi asut po liŋ nagon a narok ko nagon ’bak ’bulit.

1 Samuele 23:21

A Saula kulyani adi, Ti MATAT ’boroji ta kogwon ta aje won konyen ko nan.

1 Samuele 25:14

Ama a lele ŋuto titinti nyönyökökiŋdye Abigaila narakwan na Nabala adi, Mete, Dawidi a sunyuŋdyö ŋutu i yöbu yu i roman ko monye likaŋ; a lepeŋ kölum gwe a kaŋa ko se.