1 Samuele 15:12 - Bibilia Buk na Ŋun nagon koti luŋu a

¹² A Samuele ŋine ’beron i rum ko Saula i ko ’bure; a lore iŋge taki Samuele adi, Saula a tu köji na Karmela, mete, a nye iŋge togwi ’dikiŋdya lele ŋurupit a toye-yeet lo mugun nanyit, a löpuköni löpukö, a lwöŋöddi kak tojo ko Giligala.

1 Samuele 15:12 ပူးပေါင်းရင်းမြစ်များ

Suluet 21:14

A Abarayama ŋine ŋien ko ’bure kobubut, a ’dumuŋdye ambata ko kere lo pioŋ, a tiŋdi Agara, a ’dukukiŋdye ŋuro ko Agara i ki ’diŋ, a nye soŋdi lepeŋ. A Agara iti tu, a wirte i yöbu na Ber-seba.

2 Samuele 18:18

I diŋit na gwoŋdi Abisaloma jorun nu, lepeŋ köju a togwi ’dikiŋdya mugun ŋurupit i pirit na ’dir na mor, kogwon lepeŋ a jambu adi, Nan ’bak ŋuro logon ’diŋdya karin kwe anyen yeyeŋ; a lepeŋ luŋgi ŋilu ŋurupit ko karin kanyit, a ŋilu luŋuni a ŋurupit logon yeyeörikin Abisaloma tojo ko lo lor.

2 Samuele 23:35

ko Kesero lo Karmela, ko Parai lo Arba,

1 Moran 18:42

A Aba iti ki i nyesu ko i möju. A Eliya kije tojo i kwe na Karmela; a nye duladdi mugun kak, a tiŋdi komor nanyit i kwake na kuŋwat kanyit.

2 Dekat 26:10

A nye ’duŋge bililyat i yöbu, a ’boggi kidiya jore, kogwon lepeŋ kata ko teŋon jore ti toro ’bo na gwon i ’dir na merya se ko i piriton nagon a ’dara, a lepeŋ gwe ko kakuruk se ko katetenak ti kaden ti binyo i jur logon a merya ko i piriton nagon kinyo raradan ’bura, kogwon lepeŋ nyanyar kuŋu.

Yosua 15:55

Ko Maon, ko Karmela, ko Jipi, ko Yuta,

1 Samuele 13:12

a nan kulyani adi, Soŋinana ŋutu ti Pelesete de lulurun kak köyö ni Giligala, a nan a ko nyuŋ muluŋdyö ’busan ko MATAT; nyena a nan ri ’dikiŋdye mugun i wukiŋdya na rubaŋga lo ’yu ’yura ’buluŋ.

1 Samuele 13:15

A Samuele ŋidrö kaŋo Giligala yu a iti tojo Gibea na Benyamina.

1 Samuele 17:20

A Dawidi ŋine ŋien ko ’bure kobubut, a kölökiŋdye yidin kune ko lele kayuku-nit, a ’dumuŋdye kinyo lo a iti tu gwoso na saŋi Yisai lepeŋ nu, a nye ’dure i mera i diŋit nagon kamörök tiri kaŋo i pirit na gor nu, a se gwe i siraji i möro.

1 Samuele 25:2

A lele ŋuto gwe kata Maon, logon ko toro ’bo kanyit Karmela yu, ŋilo ŋuto a kwörinit parik; lepeŋ gwon ko köbilu aliŋan musala ko melon aliŋ geleŋ. A lepeŋ gwe i ’ba ’bariŋdu nakupir ti köbilu kanyit Karmela yu.

1 Samuele 7:12

A kirut Samuele ’dumuŋdye ŋurupit a togwi ’dikiŋdye lepeŋ ki i kiden na Misepa ko na Sen, a gwije lepeŋ a Ebenejer, kulya adi, MATAT aje para-kiŋdya yi tojo ko na pirit.