1 Samuele 14:6 - Bibilia Buk na Ŋun nagon koti luŋu a

⁶ A Yonatana kulyani ko titinti ka ’dokonit lo tito möriesi kanyit lo adi, Po, ti yi laŋaddi i mera na kilu ŋutu logon a ko tawero kulu, kode ŋona MATAT bubulö parakiŋdya yi; kogwon nene teŋet gwe ’bayin ko MATAT i lwökuŋdyö ma ’di ko könisi ti ŋutu jore kode ku ’dik.

1 Samuele 14:6 ပူးပေါင်းရင်းမြစ်များ

2 Samuele 1:20

An ta ko jam ta kine kulya Gata yu, köti ko tokuörö ta kine kulya i kikolin ti Asekelon; an ŋwajik wate ti Pelesete ko lyöpön, an ŋwajik wate ti ŋutu logon a ko tawero kulo ko nyola.

2 Samuele 16:12

Kode ŋona MATAT de memet toron nagon a konaki nan na, kode nye de roropakin nan ’busan kogwon ŋina tomororikin nio i lo lor na.

2 Moran 19:4

Kode ŋona MATAT Ŋun ilot a yiŋ kulyaesi liŋ ti Rabasake, logon duma lonyit mor lo Asura a sunyukin lepeŋ i ’dö ’döju na Ŋun lo gwon jörun lo, a nye MATAT Ŋun ilot mo riŋge kulyaesi logon nye a yiŋ; nyenagon momo ’yi parik kogwon pitönö lo pituŋdyö.

2 Dekat 14:10

A Asa iti kaŋo i moro ko Jerak, a se ’dakaki i moro i pirit na ’dir na Sepata na gwon Maresa yu.

2 Dekat 14:11

A Asa gwiki ko MATAT Ŋun lonyit adi. A, MATAT, lele ’bayin gwoso do logon paparakiŋdya ŋutu kode se a iŋgo kode a lomunyak; paraki yi pon MATAT Ŋun likaŋ, kogwon yi yeŋdu do a yi iŋge po i moro ko ŋilo lodir i karin kunok. A, MATAT, do a Ŋun likaŋ, ŋutu bubulö te ’ya do ada?

Saumajin 135:6

MATAT aje kondya ŋo liŋ nagon nye ’de ’dekan kune i ki yu ko i kak ni, ko i törön ti ’balaŋ ko i piritön kanyit nagululök liŋ.

Yeremia 9:23

Nan MATAT lo kulya adi, Ti ŋuto lokoŋ gwe ti bu ’ya mugun ko koŋon nanyit, ko ti ŋuto wa gwe ti wa ’yu mugun ko riŋit nanyit, ko ti ŋuto kwörinit gwe ti bu ’ya mugun ko tukwörien nanyit,

Yeremia 9:25

Nan MATAT lo kulya adi, Mete, perok kilo popo logon nan mo riŋge ŋutu liŋ logon a tawero ama meta gwoso a ko tawero kilo,

Yeremia 9:26

kweja adi, ŋutu ti Ejipeto, ko ti Yuda, ko ti Edom, ko ŋutu ti Amon, ko ti Moaba, se ko ŋutu liŋ logon si ’da i yöbu na sese logon ’duŋgö kupir ti komorsikan kase kilo; kogwon kilo jurön liŋ a ko tawero, a kötumit na Yisaraele liŋ gwe a ko tawero kase i töilyet.

Amosa 5:15

Maŋdi ta kulya narok, nyaŋi ta kulya na ’but, ’duŋge ta putesi gwogwo i piriton ti putesi; kode ŋona MATAT ŊUN lo kurumi mo wowon konyen ko ŋutu lo pituŋdyö ti kötumit na Yosepa.

Jepania 2:3

Ta ŋutu liŋ lokoyokak ti jur, ta lo twoju saresi kanyit kulo, ga ’yi ta MATAT; ga ’yi ta loti lo rigwo, ga ’yi ta gwon ko toilyet lokoyokak, kode ŋona ta mo ryoryo pirit rupit i lor lo pokiŋdye ŋoma na MATAT nu.

Jakaria 4:6

A nye kulyani ko nan adi, ŋilo a kulyaet lo MATAT lo jamaki Jerubabela adi, ŋutu ti te ’ya kogwon tuwalan, kode riŋit, ama te ’ya kogwon Mulökötyo lio, nan MATAT lo kurumi lo kulya.

Kenet 10:32

A mo gwe sona adi ko do a moraddu koyi i pirit na geleŋ, nyena a ŋo liŋ na ’but nagoŋ MATAT mo kökonakin yi kune a yi mo konakiŋdye do köti.

Kenet 31:4

A ta ködyö soŋdi ŋutu alipan geleŋ geleŋ i ŋor i kötumitön liŋ ti Yisaraele.

Matayo 19:26

Ama a Yesu diŋe lepeŋat, a kulyani adi, Ŋutu ti bulö, ama Ŋun bubulö koŋdya ŋo liŋ.

Roma 8:31

Nyena a yi de kulyani ada i kine kulya? Ko Ŋun gwon kayaŋ i swöt, a ŋa lo ŋisani koyi?

Nyökit 32:30

ŋuto geleŋ ŋona bubulö doŋgu ŋutu aliŋ geleŋ, kode ŋutu murek bubulö riköddu ŋutu alipan puök le? Kine kulya ködyö ti bulö gwon sona ko ködyö Lurutat lose a ko tugwöŋu se, iŋkoi ko ködyö MATAT a ko pakin se. ’Bayin sona le?

Pilipoi 3:3

Kogwon yi kulo a ŋutu lo tawero gwak, logon twöju ko Mu lokötyo lo Ŋun, a yi bu ’ye ’börik ko Kristo Yesu i mugun, a tine yinikindyo ’börik i po ti na kak.

Yosua 14:12

Nyenagon soŋinana tiŋdi nan lo jur logon a merya, logon MATAT aje jambu kulya kanyit i ŋilu lor lu; kogwon do aje yiŋ i ŋilu lor adi ŋutu ti Anak lo gwon nyu kulu, se ko köjinö nago na titiyu nagon ko mariŋan. Kode ŋona MATAT mo gwon ko nan, a nan mo riköddi se kaŋo gwoso na kulyari MATAT nu.

Ka’duŋök 15:18

A nye iŋge moka kure a duma, a gwiki ko MATAT adi, Do aje tiŋdu nan kölipönit ilot i te ’ya parik ko könisi kwe, nyena a nan de tuŋ twane ko kure, anyen ’doro i könisi ti se logon a ko tawero kilo le?

1 Samuele 14:5

A lele lurutat iŋge ’dopara mugun ki i swöt lo lobot i komor na Mikemasa, a lele gwe i swöt lo loki i komor na Geba.

1 Samuele 14:7

A ka ’dokonit lo tito möriesi kanyit lo kulyani ko lepeŋ adi, Koŋdi ŋo liŋ gwoso na ’deggi do na; iti, nan lo gwon ko do gwoso na ’deggi do na.

1 Samuele 17:26

A Dawidi pije ŋutu lo gwo ’dan kanyit nyona kulo adi, Nyo mo na konaki i ŋuto logon a tatuja ŋilo Pelesetetyo, anyen joŋga yu na kwe kaŋo i Yisaraele? Kogwon ŋilo Pelesetetyo logon a ko tawero lo, lepeŋ a ŋa logon woro i lauŋdya na teŋon ti ŋun lo gwon jörun lo?

1 Samuele 17:36

Nan köliŋönit ilot aje tatuja kömiruöt ko kulye gwuruŋin; a ŋilo Pelesetetyo logon a ko tawero ŋilo de gwe gwoso lele lose, kogwon nye a lauŋdya teŋon ti ŋun lo gwon jörun.

1 Samuele 17:46

A MATAT de wukiŋdye do köyö i könin i lo lor, a nan de gwutökiŋdye do kak, a ’duŋöddi kwe inot kaŋo; a nan de tiŋdi öpuö ti kurumi na ŋutu ti Pelesete i lo lor i nyei ko kwen se ko gwuruŋin; anyen kak liŋ böŋö deden adi ŋun kata i Yisaraele,

1 Samuele 17:47

köti anyen ŋutu liŋ logon a momoruŋdya kilo böŋö deden adi MATAT ti lwöggu ŋutu kanyit ko baŋdu kode ko gor; kogwon na mörö a na MATAT, a nye de wukiŋdye ta kayaŋ i könisi.

1 Samuele 31:4

A Saula kulyani ko ka ’dokonit lonyit lo tito möriesi lo adi, ’Ŋutuŋdye baŋdu ilot, ko soji nan, an kilo ŋutu logon a ko tawero kilo ko po i söju na nan, an ko biryeri nan. Ama a ka ’dokonit lonyit lo tito lo tine ’bon, kogwon lepeŋ kukujönö parik. Nyenagon a Saula ’dumuŋdye baŋdu lonyit lo, a ’dorone kanyit i baŋdu.