1 Samuele 13:7 - Bibilia Buk na Ŋun nagon koti luŋu a

⁷ kode a lodaddi i nu pele na kare Yardene tojo i jur lo Gada ko lo Gilada. A Saula nyuŋ gwe Giligala, a ŋutu liŋ kepoddi lepeŋ böbönöddu.

1 Samuele 13:7 ပူးပေါင်းရင်းမြစ်များ

Lewi 26:17

a nan mo tiŋdi komor nio a naron ko ta, a ta mo telani tela ko merok kasu i komor; a se lo maŋdu ta kulo mo tumatyane ko ta, a ta mo wöki wökön ’bak ŋutu lo riköddu ta.

Nyökit 20:8

A kulu yumiat ködyö pije kulu ŋutu adi, Lon ŋuto logon a kujönit, ko gwon ko rusukö na töili? Ti nye yitöni bot kanyit mede, an töilyet ti luŋasirik kanyit ko po a lomunyak gwoso lonyit.

Nyökit 28:25

A MATAT mo tiŋdi ta i tela ko merok kasu i komor; a ta mo lupuŋdye kaŋo ko se ko kiko geleŋ, a mo toreajine kaŋo kase i komor i kikolin buryo; a tumatyanjin ti kak liŋ mo rigwokoni rigwökö ko kulya kasu.

Nyökit 3:12

A na ’debbi yi lu jur i nu diŋit nu, a nan tiŋdi ŋutu ti Rubena ko ti Gada koret nagoŋ suluja Aroer na gwon nyona ko kare Arenon, ko swöt lo jur lo Gilada logon a merya se ko köjinö kanyit;

Yosua 13:11

ko Gilada, se ko koresi ti ŋutu ti Gesur, se ko ti Maka, ko mere Eremon liŋ, ko Basan liŋ tojo ko Saleka,

Yosua 13:8

A Rubena se ko Gada wuji kak nase lomore ko lele swöt lo kötumit na Manase i pirit na geleŋ, nagon Mose a tin se i nu pele na Yardene i swöt lo ’yure nu, gwoso nagon Mose köliŋönit lo MATAT aje tikiŋdye se nu.

Ka’duŋök 7:3

Nyenagon laine lai kine kulya anyen ŋutu yiyiŋ adi, Ko ŋuto logon kukujonö ko böböŋdu ti nye yitöni mede i swöt lo mere Gilada. A ŋutu alipan merya murek yitöni mede, a ŋutu alipan puök lo pituŋdye.

1 Samuele 13:8

A nye möŋdi möŋdu perok buryo, gwoso diŋit nagon Samuele a teteŋdi na; ama a Samuele tine ’dur Giligala, a ŋutu reara reara kaŋo ko Saula.

1 Samuele 17:11

A nagon Saula ko Yisaraele liŋ ko yiŋge kilo kulyaesi ti Pelesetetyo lo, a se wiwi-nyani wiwinya, a kujönöni kujönö parik.

1 Samuele 31:7

A ŋutu ti Yisaraele logon gwon i nu pele na pirit na ’dir, ko se logon gwon i nu pele na Yardene kulo ko meddi adi ŋutu kase aje wokon, ko Saula ko ŋwajik kanyit aje tatua nu, a se kö ’yi köjino kase a wöki wökön; a ŋutu ti Pelesete ruddye piriton kase.