1 Samuele 13:6 - Bibilia Buk na Ŋun nagon koti luŋu a

⁶ A ŋutu ti Yisaraele ko meddi adi se gwon i nagusu, (kogwon se gwe nyona ko tela), a se ’de ’yi ’börik i kuggiet ko i rudwö ko i merya ko i dilyö ko i kidya,

1 Samuele 13:6 ပူးပေါင်းရင်းမြစ်များ

2 Samuele 24:14

A Dawidi waddi Gada adi, Nan gwon i nagusu; bia ti yi ’dorone ko MATAT i könin kogwon lepeŋ wowon konyen parik ko ŋutu; ama ti nan gwe ti ’doro ko ŋutu i könisi.

Yisaya 42:22

Ama kilo a ŋutu lo ririŋwe ko a ryakaji, se liŋ a ’do ’do i meyitan ko a ’dela i kadijik rerekesi; se a ŋo lo ririŋwe a ŋuto gwe ’bayin lo lwökuŋdyö, se a ŋo lo ryaryakwe a ŋuto gwe ’bayin lo kulya adi, Nyöku ta bot.

Yeremia 41:9

A dili nagon Yisamaele a gumbe öpuö ti ŋutu logon nye aje tatuja kulu nu, gwe a dili nagulu nagon mor Asa köju a ’bogga tepori Basa mor lo Yisaraele an ko po i mörö na; a Yisa­maele ŋuro lo Netania iŋge tojoreju ŋinu dili ko öpuö.

Ejikele 33:27

Taki lepeŋat kine kulya adi, MATAT ŊUN lo kulya adi, ’Diri ’diri gwoso na gwoŋdi nan na, ’diri ŋutu logon gwon i piritön nagon a murwöki kulo mo totoko ko baŋdujin. a nan mo tiŋdi ŋutu logon si ’da i yöbu nagon a ’dar kana kulo i koa ko gwurupin; a ŋutu lo ’dana i dilyö ko i kuggiet kulo mo twatwane ko twanti iŋgo.

Pilipoi 1:23

Nan gwon i nagusu i kiden na kine ŋo murek. Nan ’de ’dekan wuddya i na kak anyen tu gwon ko Kristo i pirit na geleŋ, kogwon ŋina a na ’but bia parik,

Ebere 11:38

Na kak ’bayin a na ’but anyen ŋutu gwoso kilo si ’da kata. A se wöröni abur i yöbuöt ti sese, ko i merya, a sisi ’dati i kuggiöt se ko i dilyö ti kak.

Yosua 8:20

A ŋutu ti Ai ko boŋaddi kase i mukök, a se meddi köpuröt lo nu köji i gwululuöddu ki, a mugunya kase iŋge po adi jua, a se tine bulö wökön kode i lo swöt kode i lu swöt, kogwon ŋutu logon wökön i swöt lo yöbu kulu kölumbö löpukökiŋdyö bot i kakepok kase.

Ka’duŋök 10:9

A ŋutu ti Amon laŋgi i nu pele na Yardene i mörö köti ko ŋutu ti Yuda ko ti Benyamina ko ti kötumit na Epuraima; nyena a ŋutu ti Yisaraele iŋge ri ’diki i nagusu.

Ka’duŋök 20:41

A ŋutu ti Yisaraele lopuköni bot, a ŋutu ti Benyamina iŋge moka kujonö, kogwon se a met adi ŋo naron a ’bo ’yu se.

Ka’duŋök 6:2

A riŋit na ŋutu ti Midiyan te ’yi ŋutu ti Yisaraele: a ŋutu ti Yisaraele ’tetena kiŋdye ’borik piriton ’danaesi na gwon i merya lukata, ko i kuggiet ko i piriton nago, kogwon kulya ti ŋutu ti Midiyan.

1 Samuele 13:15

A Samuele ŋidrö kaŋo Giligala yu a iti tojo Gibea na Benyamina.

1 Samuele 14:11

A se murek liŋ kwekiŋdye ’börik i meta ko ŋutu ti mera na Pelesete; a ŋutu ti Pelesete kulyani adi, Meddi ta kulo Ebere a po kaŋo i diliö nagon se ’da ’danari kune.

1 Samuele 14:22

Köti a ŋutu liŋ ti Yisaraele logon a ’de ’ya ’börik i jur lo merya ti Epuraima ko yiŋge adi ŋutu ti Pelesete aje wökön nu, a se köti rurumaddi i gor i riköddu na se.

1 Samuele 23:19

A kirut Ŋutu ti Jipi iti Gibea ko Saula yu, a kulyani adi, Dawidi lu ’de ’ya mugun kayaŋ Koresa yu i ’danaesi nago, i mere Kakila lo gwon i swöt lo loki lo Yesimon.

1 Samuele 24:3

A nye ’duröki i gorwat ti yidin nyona ko kiko, nene kuggi gwon nyu; a Saula girara kaŋo tu i lukata nanyit. Kudyakan Dawidi ko ŋutu kulo gwon i si ’da i gulume lo ŋinu kuggi.

1 Samuele 31:7

A ŋutu ti Yisaraele logon gwon i nu pele na pirit na ’dir, ko se logon gwon i nu pele na Yardene kulo ko meddi adi ŋutu kase aje wokon, ko Saula ko ŋwajik kanyit aje tatua nu, a se kö ’yi köjino kase a wöki wökön; a ŋutu ti Pelesete ruddye piriton kase.

1 Samuele 7:7

A nagon ŋutu ti Pelesete aje yiŋ adi ŋutu ti Yisaraele aje momora Misepa yu nu, a kimak ti Pelesete iti i mörö ko ŋutu ti Yisaraele. A na yiŋge ŋutu ti Yisaraele kine kulya nu, a se iŋge kujönö ŋutu ti Pelesete.