1 Samuele 13:5 - Bibilia Buk na Ŋun nagon koti luŋu a

⁵ A ŋutu ti Pelesete momori ’borik i mörö ko ŋutu ti Yisaraele gwoso arabiajin lo jirikö aliŋan musala, ko ŋutu kajoŋak ti kusanjin aliŋan buker ko kamörök jore gwoso sese na kijit na tör; a se poŋdi po a ’beggi mera nase Mikemasa i swöt lo ’yure lo Bet-awen.

1 Samuele 13:5 ပူးပေါင်းရင်းမြစ်များ

Suluet 22:17

nan mo ’diri ’bo ’boro do, a nan mo tuŋdije nyakwariat kulök gwoso kaser ti ki, ko gwoso sese na gwon i kijit na tör; a nyakwariat kulök mo ruddye köjinö ti merok kase,

2 Samuele 17:11

Ama yeyeet nio adi ti ŋutu liŋ ti Yisaraele momoruŋdye konut ni suluja Dan tojo Ber-seba, gwoso sese na kijit na tör i tojore nase, a ti do ko mugun inot iti i gor.

1 Moran 20:27

A ŋutu ti Yisaraele aje momora, ko aje koraki kinyo lose, a se iti i mörö ko lepeŋat; a ŋutu ti Yisaraele teteŋdi mera nase ko ŋutu ti Suria i komor gwoso teŋon na ’di ’dik murek ti yidin, ama ŋutu ti Suria a tojoreju ŋilu jur.

2 Dekat 1:9

Nyena pon MATAT Ŋun, ti milye ilot logon do amilyekin baba Dawidi lo böŋö ti konani kona soŋinana, kogwon do aje tiŋdu nan a mor lo ŋutu jore parik gwoso ŋutu ti kak.

Yisaya 10:28

nye a ’dur Ayat, a lwoŋoddi Migron, a nye ’delakiŋdye tito kanyit Mikemasa;

Yisaya 48:19

a nyakwariat kulök ködyö gwe jore gwoso sese, a monyet kulök gwe gwoso konyen ti sese; a karin kase ködyö tine ’duŋöji kaŋo kode tukara köyö i komor.

Yeremia 15:8

Nan aje tin karu ’bejin kase gwon jore lwölwöŋ sese na tör; a i tuparan kiden a nan iŋge joŋdya katukarak i todelyaju na kopote teton; a nan iŋge tiŋdu delya duma ko kujönö duma i morga na lepeŋat ’de ’de adi wulek.

Osea 10:5

A ŋutu lo si ’da Samaria kulo böŋdi böŋdu kogwon nyömue na tagwok na Bet-awen. ŋutu kanyit dedelya lepeŋ, a koanejin kanyit luluje lulujö ko lepeŋ kogwon bula nanyit aje wusaddu kaŋo kanyit.

Osea 4:15

Ta kötumit na Yisaraele, ma ’di nagon ta ködyö totowutön, ama ti kötumit na Yuda gwe ti toroŋdya. An ta ko tu ta Giligala, an ta ko tu ta Bet-awen i milyeju -adi, ’Diri ’diri, gwoso na gwoŋdi MATAT na.

Osea 5:8

Kute ta tore Gibea yu, kute ta buruŋ i Rama yu, sirajine ta ki Bet-awen yu adi, Ta ŋutu ti kotumit na Benyamina, yi moraddu ko ta i mörö!

Roma 9:27

A Yisaya köju iŋge laŋa i kulya ti Yisaraele adi, Ma ’di ködyö ŋutu ti Yisaraele gwon jore gwoso sese na tör duma na ’balaŋ, tuŋ a pitönö ti lepeŋat ka ’de mo lo lwököni;

Yosua 11:4

A se iti kaŋo se ko teŋon kase liŋ ti kamörök, ŋutu jore gwoso sese na gwon i kijit na tor na ’balaŋ i tojore nase, ko kusanjin ko arabiajin lo jijikö jore parik.

Yosua 18:12

A lokökorit lose i swöt lo lobot suluje Yardene; a lokökorit iti ŋerot tojo ko goŋet lo Yeriko i swöt lo lobot, a lwoŋöddi jur logon a merya i swot lo tokotyaŋ; a ’dutökiŋdye i yöbu na Bet-awen.

Yosua 7:2

A Yosua soŋdi ŋutu Yeriko yu tojo ko Ai nagon diŋö ko Bet-awen, i swöt lo ’yure lo Betele, a kulyani ko se adi, Iti ta i wiŋa na lu jur. A kulu ŋutu iti tu, a wiŋe Ai.

Ka’duŋök 7:12

A ŋutu ti Midiyan ko ti Amalek ko ŋutu liŋ ti swot lo ’yure peroro i ŋinu pirit na ’dir gwoso mayat najore; a kamilojin kase ririkoro ti jukin kena gwoso sese na gwon i kijit na tor jore parik.

1 Samuele 13:11

A Samuele pije adi, Do a koŋdya nyo? A Saula waddi adi, I diŋit nagon nan aje met adi ŋutu rereara kaŋo köyö, köti do a ko ’dur i perok logon a wulwe kulo, köti ŋutu ti Pelesete aje momora Mikemasa nu,

1 Samuele 13:2

Saula wulökiŋdye mugun ŋutu ti Yisaraele aliŋan musala; a aliŋan murek gwe ko Saula Mikemasa i jur lo merya ti Betele, a aliŋ geleŋ gwe ko Yonatana Gibea na Benyamina; a nye soŋdi ŋutu lo pituŋdyö kulo mede, se liŋ geleŋ geleŋ kase i midijik.

1 Samuele 14:23

Nyena a MATAT lwökuŋdye ŋutu ti Yisaraele i ŋilu lor; a mörö iŋge lwö-ŋöddu i lu swöt lo Bet-awen.

1 Samuele 14:52

A mörö gwe pape ko ŋutu ti Pelesete i perok liŋ ti Saula; a ko Saula a meddya lele ŋuto iŋgo kode lele logon a wa a nye joŋgi lepeŋ a lonyit.

1 Samuele 17:1

A ŋutu ti Pelesete momori teŋon kase i mörö; a se momo-ruŋdye Soko nagon a na Yuda, a ’beggi mera nase i kiden na Soko ko Ajeka Epese-damim yu.

1 Samuele 7:13

Nyena a ŋutu ti Pelesete iŋge tela a tine lupö köti i kak na Yisaraele. A i perok liŋ ti gwiliŋit na Samuele, a könin lo MATAT möröni ko ŋutu ti Pelesete.