1 Samuele 13:3 - Bibilia Buk na Ŋun nagon koti luŋu a

³ a Yonatana te ’yi mera na ŋutu ti Pelesete na gwon Geba nu, a ŋutu ti Pelesete iŋge yiŋ kine ŋo. A Saula kuddye tore i swötön liŋ ti lu jur, a kulyani adi ti ŋutu ti Ebere yiŋge yiŋga.

1 Samuele 13:3 ပူးပေါင်းရင်းမြစ်များ

2 Samuele 2:28

Nyena a Yöaba kuddye tore; a ŋutu lio gwo ’de gwo ’dan a tine kepöddu ŋutu ti Yisaraele köti, a kö ’yi mörö.

2 Samuele 20:1

A lele ŋuto mök gwe nyu karin kanyit a Seba, ŋuro lo Bikiri Benyaminatyo; a lepeŋ kuddye tore adi, Kulya kaŋ ’bayin ko Dawidi, yi ’bak lomore i ŋuro lo Yisai;ta ŋutu liŋ ti Yisaraele, yitöni ta kasu i midijik!

2 Samuele 23:14

A i nu diŋit a Dawidi gwe i pirit ’danaet nago, a teŋ na ŋutu ti Pelesete logon a katiyuk kulo gwe Beteleme.

Yisaya 10:29

a ŋutu kanyit aje laŋaddu kwake na merya, a se dotoni Geba; a Rama boboŋdi boboŋdu, a Gibea na Saula aje wokon.

Jakaria 14:10

A kak liŋ mo worani a ’dar suluja Geba tojo ko Rimon na gwon i swöt lo loki lo Yerusalema. Ama a Yerusalema mo yeŋe a ko ’du kanyit i pirit, suluja i kötumit lupet na luŋu ko karin ti Benyamina tojo i pirit na kötumit lupet na köju nu, tojo ko kötumit lupet na gwon i goŋet, ko i bilili lo kadi lo luŋu a Kananele tojo ko piritön ryokesi ti binyo ti mor.

Yosua 18:24

ko Kepar-amonai, ko Openi, se ko Geba; kweja adi kine a köjinö puök wot murek se ko turön kase.

Yosua 21:17

A i kiden na kötumit na Benyamina a se tiŋdi Gibeon ko piritön kanyit yukisi, ko Geba ko piritön kanyit yukisi;

Ka’duŋök 3:27

A gwe sona, a nye ko ’dure yu, a kuddye tore i jur lo Epuraima logon a merya, a ŋutu ti Yisaraele luluru kak i jur logon a merya ko lepeŋ kase ŋerot.

Ka’duŋök 6:34

A Mulökötyo lo MATAT poki ko Gideona; a nye kuddye tore, a kötumit an Abiejer momoruŋdye kanyit i mukök.

1 Samuele 10:5

I mukök na Ŋina, a do de ’dure Gibeat-eloyim nagon nene mera na ŋutu ti Pelesete gwon kata nu; a na tiri do köji kata nu, a do de rume ko teŋ na nebijin lulurun kak i pirit kwakwaset na gwon i ko ’du na mere na, logon nyömöji ko kajulök ti rababajin ko ti tiŋgiliet ko kakutak ti kili ’bajin se ko kajulök ti tomon, lepeŋat kilu gwon i kekejutu.

1 Samuele 13:16

A Saula keŋdi ŋutu lo gwon ko nye kulo gwoso ŋutu aliŋan buker. a Saula ko ŋuro lonyit Yonatana si ’dani Geba i jur lo Benyamina, ko ŋutu lo gwon ko se kulo; ama a ŋutu ti Pelesete gwe kase i mera Mikemasa yu.