1 Samuele 13:14 - Bibilia Buk na Ŋun nagon koti luŋu a

¹⁴ Ama soŋinana tumatyan inot tine yeŋon; MATAT aje galuŋdya kaŋo ŋuto logon töili lonyit a ’deggi lo, MATAT aje wulökiŋdyö lepeŋ a kasaranit lo ŋutu kanyit, kogwon do a ko ’debba ŋo nagon MATAT a sarakin do kine.

1 Samuele 13:14 ပူးပေါင်းရင်းမြစ်များ

2 Samuele 5:2

I diŋitan na lwoŋgu nagon Saula lo gwon a mor likaŋ nu, do köju lo nyömbu ŋutu ti Yisaraele i gor ko i nyököddu bot; a MATAT iŋge kulya ko do adi, Do mo lo gwon a kayukunit lo ŋutu kwe Yisaraele, a do mo gwe a kanyömönit lose.

2 Samuele 6:21

A Dawidi nyobbi Mikala adi, Kine kulya a kona ko MATAT i komor, logon a wuluŋdyö nan lwö-lwöŋ munyi se ko kötumit nanyit i gwon a kasaranit lo Yisaraele logon a ŋutu ti MATAT; nyenagon nan lyö-lyöŋön ko MATAT i komor.

2 Moran 20:5

Yitöni bot, ko taki Kijikia kasaranit lo ŋutu kwe adi, Nan MATAT Ŋun lo Dawidi merenye ilot lo kulya sena adi, Nan aje yiŋ momolesi kunök, ko nan aje met politan kunök; mete, nan de totoke do; a i perok musala a do mo iti i kadi na MATAT.

1 Dekat 10:13

Nyena Saula a twan kogwon lyaŋesi kanyit na lyaogi nye ko MATAT i komor, kogwon nye a ko ’debba saresi kanyit, a nye köti iti i pija na ŋuto na do ’ya ko kwen ti mulökö anyen galakiŋdya nye kikolin ti kulya kanyit,

Saumajin 78:70

Nye a wulundyö köliŋönit lonyit Dawidi, a nye joŋgi lepeŋ kaŋo i gorwat lukata,

Tolupesi 27:24

kogwon tukwörienjin ti yegon ŋupi; loruya gona yeyegon i nyakwariat liŋ le?

Yisaya 39:5

A Yisaya kulyani ko Kijikia adi, Yiŋge kulyaet lo MATAT lo kurumi adi,

Konesi 13:22

a i mukök nagon Ŋun aje ’dumaddu lepeŋ kaŋo nu, a nye tiŋdi Dawidi a mor lose. A kune gwe a kulya nagon Ŋun a jambu i kulya kanyit adi, Nan aje ryö adi Dawidi ŋuro lo Yisai a ŋuto logon toili liŋ ’de ’deggi, a lepeŋ mo koŋdi ŋo liŋ nagon nan ’de ’dekan kune.

Konesi 7:46

A Dawidi iŋge ryeju ’busan ko Ŋun i komor, a pije lepeŋ anyen nye tetenakiŋdya nye ŋun lo Yakobo pirit si ’daet.

Ebere 2:10

Ŋun a kagweyanit lo ŋo luŋ, ŋo liŋ gwon jörun kogwon lepeŋ. Lepeŋ ’de ’dekan joŋdya ŋwajik kanyit jore i minyo lonyit, nyena a gwe a na ’but ko lepeŋ i tiŋdu na ka ’dolanit lo lwökö nase i gwon jojo gwak kogwon ŋoŋesi na ŋoŋgi nye kune.

1 Samuele 15:23

Kogwon rerenya gwon gwoso toron na to ’bunun, a töili iŋgo gwe gwoso twöju na nyömue. Nyena MATAT aje renya do i gwon a mor kogwon do a renya kulyaet lonyit.

1 Samuele 15:26

A Samuele kulyani ko Saula adi, Nan ti bulö moraddu ko do, kogwon do aje renya kulyaet lo MATAT, a MATAT iŋge renya do i gwon a mor lo Yisaraele.

1 Samuele 15:28

a Samuele kulya ni ko Saula adi, I lo lor MATAT aje kerenyaddu tumatyan na Yisaraele kaŋo konut, ko aje tiŋdu ko lele lo diŋö ko do, logon a lo ’but lwölwöŋ do.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 16:12

A nye soŋdi ŋuto a joŋdi lepeŋ lukata. A ŋuro gwe a loliyuk, ko konyen a loke, ko mugun nanyit a nake parik. A MATAT kulyani adi, ŋine ki, ko welakiŋdye lepeŋ a mor, kogwon nye ŋilo.

1 Samuele 2:30

Nyenagon MATAT ŋun lo Yisaraele a kulya adi, Nan ’diri a jambu adi, mede inot ko kötumit na merenyu mo wöwörö köyö i komor ŋupi. Ama soŋinana MATAT a kulya adi, Ti nan gwe pajo i kine kulya; kogwon ŋutu logon bubu ’ya nan kilo a nan de bubu se, a se logon lalaun nan kilo mo tine yeyeŋ.

1 Samuele 24:20

Nyena soŋinana nan a den adi do ’diri mo gwon a mor, köti adi tumatyan na Yisaraele mo gwigwi ’dikin konut i könin.

1 Samuele 25:30

A ko MATAT mo a konakiŋdya do pon duma liŋ, gwoso i ŋo liŋ na ’but nagon nye a jam i kulya kunök, ko a tiŋdu do i gwon a mor lo Yisaraele,

1 Samuele 9:16

Ko ’bure gwoso i na saa nan de susunyukin do ŋuto i jur lo Benyamina, a do de welakiŋdye lepeŋ a kanyömönit lo ŋutu kwe Yisaraele. A lepeŋ de lwökuŋdye ŋutu kwe i könisi ti ŋutu ti Pelesete; kogwon nan aje met yöyöŋesi ti ŋutu kwe kogwon gwien nase aje ’durökin köyö.