1 Samuele 13:13 - Bibilia Buk na Ŋun nagon koti luŋu a

¹³ A Samuele kulyani ko Saula adi, Do a koŋdya gwoso mök; do a ko ’debba saret lo MATAT Ŋun ilot logon nye a sarakin do ŋilo; kogwon soŋinana MATAT ködyö aje togwi ’dikiŋdya tuma-tyan inot i Yisaraele ŋupi.

1 Samuele 13:13 ပူးပေါင်းရင်းမြစ်များ

Suluet 31:28

Nyö do a ko mönökin nan i roman ko ŋwajik kwe lulyan ko nawate? Do aje koŋdya ŋo na ’boŋ.

2 Samuele 24:10

Ama a töili lo Dawidi iŋge lwö ’yu i mukök nagon nye aje keŋdya ŋutu nu. A Dawidi kulyani ko MATAT adi, Nan aje toroŋdya parik i na ŋo nagon nan a kon na. Ama nan momo ’yu do soŋinana pon MATAT, ’dumaddi na toron kaŋo köyö nan köliŋönit ilot, kogwon nan aje koŋdya ko tumökön duma parik.

1 Moran 18:18

A nye waddi adi, Nan a ko yöyöŋgu Yisaraele; ama do ko kötumit na munyi lo yöyöŋgu, kogwon ta a paju saresi ti MATAT a kepoddi ŋunyen logon a Balajin.

1 Moran 21:20

A Aba kulyani ko Eliya adi, Miriku liŋ, do a ryö nan? A nye waddi adi, Nan aje ryö do, kogwon do aje tugwörökiŋdyö mugun a ’duŋiet lo toron ko MATAT i komor.

1 Dekat 10:13

Nyena Saula a twan kogwon lyaŋesi kanyit na lyaogi nye ko MATAT i komor, kogwon nye a ko ’debba saresi kanyit, a nye köti iti i pija na ŋuto na do ’ya ko kwen ti mulökö anyen galakiŋdya nye kikolin ti kulya kanyit,

2 Dekat 16:9

Kogwon konyen kanyit woŋu swötön liŋ ti kak anyen kwekiŋdya riŋit nanyit i parakiŋdya na ŋutu logon toilyet kase twoju lepeŋ kulo. Do aje koŋdya na ŋo ko tu ’böŋön; nyena suluja soŋinana tojo ko ŋerot do mo gwon ko moro.

2 Dekat 19:2

Ama a Yeu ŋuro lo Kanani kametanit lo kulya na popo iti kaŋo i rum ko lepeŋ, a nye yuyuŋge mor Yosapata adi, Do ŋona bubulö parakiŋdya ŋutu lorok a do nyaŋi ŋutu logon maman MATAT? Nyena kogwon kune ŋo woran na MATAT aje yukokin konut.

Eyobo 34:18

Ŋun bubulö kulya ko moran adi se ’bak ’bulit, a kulyani ko ŋutu lokukwön adi se a katoronyak.

Tolupesi 12:8

Ŋuto ŋura kogwon denesi kanyit nakoŋ, ama a ŋuto logon ko yeyeesi nakwolorok lawene lawe.

Tolupesi 19:3

Ŋuto öŋu kiko lonyit ko tu ’bögön, a töili lonyit mandi MATAT.

Yisaya 39:5

A Yisaya kulyani ko Kijikia adi, Yiŋge kulyaet lo MATAT lo kurumi adi,

Yeremia 18:10

A ko lepeŋat a koŋdya ŋo narok köyö i komor a tine yiŋga gworo lio, a nan mo kirut löpuŋge Iopuggo i ŋo na ’but naŋon nan a yeyeju konakiŋdya se na.

1 Samuele 1:22

Ama a Ana gwe a ko tu, kogwon lepeŋ a kulya ko lalet adi, I diŋit nagon ko ŋuro lo a kö ’yu nöggu, a nan mo joŋgi lepeŋ i meta ko MATAT i komor anyen gwolor nyu asut.

1 Samuele 13:12

a nan kulyani adi, Soŋinana ŋutu ti Pelesete de lulurun kak köyö ni Giligala, a nan a ko nyuŋ muluŋdyö ’busan ko MATAT; nyena a nan ri ’dikiŋdye mugun i wukiŋdya na rubaŋga lo ’yu ’yura ’buluŋ.

1 Samuele 15:11

Nan a delya i tiŋdu na Saula a mor; kogwon nye aje kukut bot I kebbu na nan, a tine koŋdya saresi kwe. A Samuele wore woran; a nye gwiki ko MATAT tukwaje liŋ.

1 Samuele 15:22

A Samuele pije adi, MATAT ŋona bubulö lyöŋön ko rubaŋgajin lo ’yu ’yura ’buluŋ ko lo ’du ’duŋö kilo kwölwöŋ lyöŋön nanyit ko ŋutu a twöju gworo lonyit le? Mete, twöju a na ’but lwölwöŋ rubaŋgajin, yiŋga a na ’but lwölwöŋ welet na lopoŋoki.

1 Samuele 15:28

a Samuele kulya ni ko Saula adi, I lo lor MATAT aje kerenyaddu tumatyan na Yisaraele kaŋo konut, ko aje tiŋdu ko lele lo diŋö ko do, logon a lo ’but lwölwöŋ do.

1 Samuele 16:1

A MATAT kulyani ko Samuele adi, Diŋit ŋoman nagon do delyari Saula, kogwon nan a renya lepeŋ i gwon a mor lo Yisaraele na le? Tojorone uŋguri ilot ko welet ko ba-raddi lepeŋ; a nan de sonyoddi do ko Yisai yu ŋuto lo Beteleme, kogwon nan aje wulökiŋdyö mugun mor i kiden na ŋwajik kanyit.

1 Samuele 26:21

A kirut Saula waddi adi, Dawidi ŋuro liŋ, nan a koŋdya arabat; yitwene bot, kogwon nan mo ti konakiŋdya do arabat koti, kogwon i lo lor do a met ru nio a ŋo nagon ko ’bulit konut; mete, nan a koŋdya a lu ’böŋ, nan aje giran parik.