1 Samuele 12:3 - Bibilia Buk na Ŋun nagon koti luŋu a

³ Nan malo; tokuruki-ŋdye ta kulya kwe ko MATAT i komor, ko i komor na lo ŋuto logon nye a wela-kin a mor lo. Nan ŋona a riŋuŋdya dwot liŋ a? Kode nan ŋona a pisuŋdya kaine niŋa? Kode nan ŋona a mumulugga ŋa? Nan ŋona a ru ’ya ŋa? Kode nan ŋona a ’dumuŋdya ropet ko ŋa i könin anyen ’daŋ konyen kwe ko se? Nan de nyönyokökin ta.

1 Samuele 12:3 ပူးပေါင်းရင်းမြစ်များ

2 Samuele 22:22

Kogwon nan a kebbu kikolin ti MATAT, köti nan a ko wusaddu kaŋo ko toron ko ŋun liŋ i komor.

Nemaya 5:11

I lo lor gwak nyokoki ta lepeŋat meleseno kase, ko lukobiot kase ti binyo, ko meleseno kase ti kaden ti jeitun, ko kadijik kase, ko tupet togeleŋ i mia i gurut kase, ko i ’bolot, ko i binyo, ko i welet nagon ta a ’yalakin i luŋgu ko lepeŋat kune.

Saumajin 15:5

Nye logon ti kurorikin gurut kanyit ko wöli, logon ti wuju roŋet i köŋu na ŋutu logon ’bak kulya. Nye logon kondya sona lo mo ti ’yako ’yu kwöŋ.

Yuörö 20:17

Do ködyö ti be ’ya kadi na marate ilot; do ködyö ti be ’ya narakwan na marate ilot, kode köliŋönit lonyit, kode köliŋönit nanyit, kode dwöt lonyit, kode kaine nanyit, kode nene ŋo na gwon ko marate ilot.

Yuörö 22:4

A ko turu ’buti lo kokolaji lo a rye jörun kanyit i könin, kode nye a dwöt, kode a kaine, kode a köbilityo, a ti lepeŋ robbi daŋin murek.

Yuörö 23:8

Do ködyö ti wuju ’doket na ropaki do a lwön, kogwon ’doket na ropaki a lwön na tomo ’dokeju konyen ti Ŋutu i po nagon se memet kune, a togiŋe putet lo ŋuto lo rigwo.

Tolupesi 15:27

Ŋuto logon ŋoma i ŋa ’yu na ’bulit i kikolin lorok jondya yöyöŋesi kanyit mede, ama ŋuto logon maman wuju na ’dokesi nagoŋ tiki a lwön lo mo gwogwolor a lo ’but.

Lewi 6:4

a ko lele ŋuto aje toroŋdya a gwe ko toron, a nye ködyö nyökökiŋdye ŋo nagon nye a kokolara na kode ŋo na ryö nye ko ru ’ya na, kode ŋo na tiki lepeŋ anyen ’de ’de kune, kode ŋo na likin na ryö lepeŋ nu,

Lewi 6:5

kode nene ŋo nagon nye aje milyeju a ’burönö i kulya kanyit na. Nye ködyö roröŋ ŋina ŋo ’bukuluŋ, a ’yalakiŋdye swöt geleŋ na mukanat nyin, a tiŋdi monye kine ŋo, i lor lo wukiŋdye nye rubaŋga lonyit i kulya ti lyaŋan lu.

Kenet 16:15

A Mose iŋge woran a tömönik, a nye kulyani ko MATAT adi, An do ko ruk ’dokesi kase. Nan a ko ’dumuŋdya ma ’di kaine geleŋ kase, nan a ko konakiŋdya lele lose arabat kwöŋ.

Matayo 22:21

A se waddi adi, A ti Kaisar. A nye kulyani ko se adi, Nyena ropaki ta Kaisar po nagon a ti Kaisar, köti ropaki ta ŋun po nagon a ti Ŋun.

Luka 19:8

Ama a Takayo gwo ’de gwo ’dan nyu a kulyani Ko MATAT adi, Mete, pon MATAT, nan titiŋdu lomerika swöt na tito kwe, a ko nan a mumulukuŋdya nene ŋo ko lele ŋuto, a nan de ropaki ropakin lepeŋ daŋin iŋwan.

Konesi 20:33

Nan a ko be ’ya pödö kode dakaŋ ti lele ŋuto kode boŋgwat kanyit.

2 Korinto 12:14

Soŋinana na gwe a daŋ tomusala nagon nan gwon ajo i tu kasu ŋini. Nan mo ti tudaraju ta i luŋgu na pariesi, kogwon nan ti ga ’yu ŋo kasu, ama nan ga ’yu ta ko ’börik kasu; kogwon ŋwajik ködyö ti ’delakiŋdya komonye kase tito, ama komonye ködyö lo ’delakiŋdya ŋwajik kase tito.

Nyökit 16:19

Ta ködyö ti tukwölöŋgu i ’duŋgo na putet; a ta tine gwon a kanyunyumok ti ŋutu; a ta ködyö tine wuju ’dokesi na ropaki a lwon; kogwon kine ŋo tomo ’dokeju konyen ti ŋutu logon a lokoŋ, a togiŋe putet lo ŋuto lo rigwo.

1 Tesalonike 2:10

Ta a met, Ŋun köti a met adi gwiliŋit likaŋ logon yi a konakiŋdye ta kayupök lo a loke, ko a lo rigwo, ko ’bak yuyuket.

1 Tesalonike 2:5

Ta deden ’bura adi yi kwöŋ a ko Tambu kulya ’bu ’busesi; koti Ŋun a met yi adi yi kwöŋ a ko Tambu kulyaesi mumulukesi anyen muggo goma nikaŋ na ŋo kasu.

1 Petero 5:2

Yuŋge ta yidin ti Ŋun na gwon kasu kiden kine. Tiji ta se, ti gwon ko riŋaki, ama kogwon ta a wakun gwoso nagon Ŋun ’de ’dekan na. Tiji ta se ko pusök ti gwon kogwon gurut.

1 Samuele 10:1

A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

1 Samuele 12:4

A se kulyani adi, Do a ko mumulugga yi kode ru ’ya yi, kode luŋa wuju nene ŋo ko lele ŋuto i könin na ropaki a lwon.

1 Samuele 12:5

A nye kulyani ko se adi, MATAT lo gwe a katokoronit losu, a koti mor lo welaki lo gwe a katokoronit i lo lor adi, ta a ko ryö nene ŋo köyö i könin. A se ruŋge adi, ’Diri nye a katokoronit.

1 Samuele 2:35

A nan mo topukokiŋdye mugun koane lo yiyiniki i kita logon mo koŋdya ŋo nagon nan ’de ’dekan köyö i töili ko i yeyeesi kune. A nan mo tetenakiŋdye lepeŋ kötumit nagon a gwak, a nye mo kitani ŋupi i komor na ŋuto liŋ lo welaki a mor lo.

1 Samuele 24:11

Meddi pon baba, do a met kume lo boŋgo inot mana köyö i könin. Kogwon ŋina ’diri a gwak adi nan a ’dupuŋdyö kume lo boŋgo inot kaŋo, a nan gwe a ko tatuja do, böŋö dene den ko mete met adi toron kode mwönyit ’bayin köyö i könisi. Nan a ko konakiŋdya do arabat ma ’di nagon do a togoŋa nan anyen ködyö tatuja nan.

1 Samuele 24:6

A nye kulyani ko ŋutu kanyit kulo adi, Agu ti MATAT teŋgi nan i konakiŋdya na duma liŋ logon MATAT a welakin a mor lo nene ŋo gwoso ŋina, an nan ’bo ’yu lepeŋ, kogwon ŋilo a ŋuto logon MATAT a welakin a mor.

1 Samuele 24:7

Nyenagon a Dawidi iŋge teŋgu ŋutu kanyit kulo sona ko kilo kulyaesi, a tine rukökin se i ŋikin ko Saula loki. A Saula ŋine ki a lupöni kaŋo i kuggi, a iti tu.

1 Samuele 26:11

Ti MATAT teŋgi nan an nan ’bulukiŋdyö könin liŋ ko ŋuto logon MATAT a welakin a mor lo; ama böŋö joŋgi gor nagon a rimiki kak nyona ko kwe nanyit ŋina, ko kere lo pioŋ, ko ti yi iti tu.

1 Samuele 26:9

Ama a Dawidi kulyani ko Abisai adi, An do ko tukaŋu lepeŋ; kogwon ŋa logon bubulö ’bulukiŋdyo könin ko ŋuto logon MATAT a welakin a mor lo a gwe ’bak toron?