1 Samuele 12:11 - Bibilia Buk na Ŋun nagon koti luŋu a

¹¹ A MATAT sonyoddi Yerubala, ko Barak, ko Yepeta, se ko nan, a lwökun-dye ta i könisi ti merok kasu i swötön liŋ; a ta si ’dani ko taliŋ.

1 Samuele 12:11 ပူးပေါင်းရင်းမြစ်များ

2 Moran 13:5

(Nyenagon a MATAT tiŋdi ŋutu ti Yisaraele kalwökönit lo lwököddu lepeŋat kaŋo i könisi ti ŋutu ti Suria; a ŋutu ti Yisaraele si ’dani kase i midijik gwoso na ’beron nu.

1 Dekat 7:17

A ŋwajik ti Ulam gwe a ko Bedan. Kilo a ŋwajik ti Gilada ŋuro lo Makir, ŋuro lo Manase.

Ka’duŋök 4:6

A nye sonyoddi ŋuto i luŋgu na Barak ŋuro lo Abinoam suluja Kedese na Napatali, a kulyani ko lepeŋ adi, MATAT ŋun lo Yisaraele a ko sarakin do le adi, Iti ko momori ŋutu kulök i mere Tabor, ko joŋgi ŋutu alipan puök ti ŋutu ti Napatali ko ti Jebulun?

Ka’duŋök 6:14

A MATAT woriŋoni ko lepeŋ yu a kulyani adi, Iti ko ŋina riŋit inot ko lwoggi ŋutu ti Yisaraele i könisi ti ŋutu ti Midiyan ŋilo a nan lo soŋdu do.

Ka’duŋök 6:31

A Yöasa pipije ŋutu liŋ logon a momoruŋdya kanyit ni kulo adi, Ta yöŋö juŋdyö kulya ti Bala le? Kode ta ’dek lwöggu lepeŋ? ŋuto logon yöŋö juŋdyö kulya kanyit lo de tatatua ko ’bure. Ko Bala a ŋun ti nye juŋdye mugun, kogwon pirit nanyit ’yuret na rubaŋgajin aje dukaki kak.

Ka’duŋök 6:32

Nyenagon i lu lor a Gideona luŋuni a Yerubala, kweja adi, Ti Bala lo juŋdye kulya kanyit ko mugun, kogwon nye aje dugga pirit nanyit ’yuret na rubaŋgajin kak.

Ka’duŋök 7:1

Nyena a Yerubala logon a Gideŋ na, ko ŋutu liŋ logon gwon ko lepeŋ kulo ŋine ko ’bure kobubut, a ’bikikiŋdye kemialan kase nyona ko loro lo Karoda. A mera na ŋutu ti Midiyan gwe kase i swöt lo lobot, i pirit na ’dir nyona ko mere More.

Ka’duŋök 8:29

A Yerubala ŋuro lo Yöasa iti tu, a si ’dani kanyit i ’baŋ.

Ka’duŋök 8:35

köti a se tine konakiŋdya ’busan i kötumit na Yerubala (logon a Gideona) kogwon ’busan nanyit liŋ nagon nye köju a konakin ŋutu ti Yisaraele nu.

1 Samuele 3:20

A ŋutu liŋ ti Yisaraele, suluja Dan tojo Ber-seba iŋge den adi Samuele gwe a nebi lo MATAT.

1 Samuele 7:13

Nyena a ŋutu ti Pelesete iŋge tela a tine lupö köti i kak na Yisaraele. A i perok liŋ ti gwiliŋit na Samuele, a könin lo MATAT möröni ko ŋutu ti Pelesete.