1 Samuele 12:10 - Bibilia Buk na Ŋun nagon koti luŋu a

¹⁰ A se gwiki ko MATAT, a kulyani adi, Pon MATAT, yi aje toroŋdya, kogwon yi aje böŋöri do, a kitakiŋdye ŋunyen logon a Balajin ko Asatarot; ama soŋinana lwökuŋdye yi i könisi ti merok kaŋ a yi kitakiŋdye do.

1 Samuele 12:10 ပူးပေါင်းရင်းမြစ်များ

Saumajin 106:44

Ma ’di sona, a nye ko mete delya nase, a nye yiŋge gwiesi kase.

Yisaya 26:16

Pon MATAT, i delya nase se ga ’yu do, a se yakuŋdye kaŋo kokoyokta nase na pokiŋdye riŋet inot kase loki nu.

Yisaya 33:22

Kogwon MATAT a ka ’duŋönit likaŋ, MATAT a kasaranit likaŋ, MATAT a mor likaŋ; nye mo lwöŋgu yi.

Yosua 13:31

ko swöt lo Gilada, ko Asatarot, ko Ederei, nagon a köjinö ti tumatyan na Oga na gwon Basan yu kunu; kine köjinö a koraki ŋutu ti Makir ŋuro lo Manase, köti a ti swöt lo ŋutu ti Makir gwoso i midijik kase.

Ka’duŋök 10:10

A ŋutu ti Yisaraele gwiki ko MATAT adi, Yi aje toroŋdya konut i komor, kogwon yi aje kö ’yu do ŋun likaŋ, a kitakiŋdye ŋunyen logon a Balajin.

Ka’duŋök 2:11

A ŋutu ti Yisaraele koŋdi ŋo naron ko ŋun i komor, a kitakiŋdye ŋunyen logon a Balajin;

Ka’duŋök 2:13

A se kö ’yi MATAT, a kitakiŋdye Bala se ko ŋun nagon luŋu a Asatarot.

Ka’duŋök 3:15

Ama a nagon ŋutu ti Yisaraele aje gwikin ko MATAT nu, a MATAT topu-kökiŋdye se lele kalwökönit logon a Euda ŋuro lo Gera, Benyaminatyo, lepeŋ a ŋuto logon a kadoŋe. A ŋutu ti Yisaraele sunyukiŋdye Egelon mor lo Moaba ’doket kanyit i könin.

Ka’duŋök 3:7

A ŋutu ti Yisaraele koŋdi a naron ko MATAT komor, aböŋöni MATAT ŋun lose, a kitakiŋdye ŋunyen logon a Balajin se ko kaden ti mian logon a Asera.

Ka’duŋök 3:9

Ama a nagon ŋutu ti Yisaraele aje gwikin ko MATAT nu, a MATAT topu-kökiŋdye ŋutu ti Yisaraele kalwökönit logon lwökuŋdyö se, logon a oteniele ŋuro lo Kenaja, loponi lo Kaleba.

Ka’duŋök 4:3

A ŋutu ti Yisaraele gwiki ko MATAT kogwon Yabin gwon ko arabiajin lo jijikö logon a witiöt miajin buŋwan; a nye ru ’ye ŋutu ti Yisaraele parik kiŋajin merya murek.

Ka’duŋök 6:7

A gwe sona nagon ŋutu ti Yisaraele gwiki ko MATAT i kulya ti ŋutu ti Midiyan nu,

1 Samuele 7:2

A gwe sona suluja i ŋilu lor, a saŋduk na iŋge gwolor Kiryat-yarim diŋit a najo, gwoso kiŋajin merya murek, a kötumit na Yisaraele liŋ ga ’yi MATAT ko politan.

1 Samuele 7:6

a kirut se momori Misepa yu, a se ’yi ’ye pioŋ a ’bukökiŋdye ko MATAT i komor, a miŋdye miŋdya i ŋilu lor, a jambi nyu adi, Yi ’diri aje toroŋdya ko MATAT i komor. A Samuele lilije putesi ti ŋutu ti Yisaraele Misepa yu.