1 Samuele 11:1 - Bibilia Buk na Ŋun nagon koti luŋu a

¹ A ko gwe sona, a Nakasa ŋuto A lo Amon iti i tumba na Yabesa-gilada; a ŋutu liŋ ti Yabesa kulyani ko Nakasa adi, Teteŋdi tomoret koyi, a yi de kitakiŋdye do.

1 Samuele 11:1 ပူးပေါင်းရင်းမြစ်များ

Suluet 26:28

a se waddi adi, Yi a meddya ’diri adi MATAT gwon ko do; nyenagon a yi kulyani adi, Ti milye gwe kayaŋ kiden yi ko do, ko ti yi teteŋdi tomoret ko do i pirit na geleŋ,

2 Samuele 10:1

A ko gwe sona i mukök na kine kulya, a mor lo ŋutu ti Amon twane twan, a ŋuro lonyit Kanun lo ruddye pirit nanyit.

2 Samuele 10:2

A Dawidi kulyani adi, Nan de kökonakin Kanun ŋuro lo Nakasa ’bura, gwoso na konakiŋdye monye lonyit nan nu. A Dawidi sonyoddi köliŋönök kanyit i sugga na lepeŋ i kulya ti monye lonyit. A köliŋönök ti Dawidi kulo ’dure i jur lo ŋutu ti Amon.

2 Samuele 17:27

A Dawidi ko ’dure Makanayim, a Sobi ŋuro lo Nakasa lo po Raba na ŋutu ti Amon, ko Makir ŋuro lo Amiele lo po Lodebar, ko Barujilai Giladatyo lo po Rŋgelim kulo lo ’dure.

2 Samuele 2:5

A Dawidi sonyoddi luyökie i ŋutu ti Yabesa-gilada, a kulyani adi, Ti MATAT ’boroji ta, kogwon ta aje kwekiŋdya Saula duma losu ŋina ’busan, a ta aje nugga lepeŋ.

1 Moran 20:34

a Ben-adada kulyani ko lepeŋ adi, Nan de nyönyökökin do köjinö nagon baba köju a ripara ko munyi kunu; a do bulöni bulö tetenakiŋdya mugun piritön tujaresi Damaseke, gwoso na teteŋdi baba Samaria köju nu. A Aba kulyani adi, Nan de kökölörö do ko ŋina tomoret. A nye teteŋdi tomoret ko lepeŋ, a kölöddi lepeŋ.

1 Dekat 10:11

Ama a ŋutu liŋ ti Yabesa-gilada ko yiŋge ŋo liŋ nagon ŋutu ti Pelesete aje konakin Saula na,

1 Dekat 10:12

a ŋutu liŋ logon a walan ŋien, a ’dumaddi öpu na Saula ko öpuö ti ŋwajik kanyit kilo, a joŋgi se tojo ko Yabesa. A se nuŋge kuyu kase i mukök na ködini logon a ri lo gwon Yabesa yu, a miŋdye miŋdya perok buryo.

Eyobo 41:4

Lepeŋ ŋona de totorukökin ko do, anyen do joŋga lepeŋ a köliŋönit ilot ŋupi?

Yuörö 23:32

Ta ti teteŋdya tomoret ko kilo Ŋutu kode ko ŋunyen kase kwoŋ.

Yisaya 36:16

An ta ko yiŋ ta Kijikia; kogwon mor lo Asura lo kulya adi: Moruŋdye ta köyö ni i teteŋdya na taliŋ, ko poŋdi ta kaŋo köyö ni; a ta liŋ geleŋ geleŋ mo nyesi ludweki ti kaden kasu ti binyo, ko ti ki ’biet, a ta liŋ geleŋ geleŋ mo möji kasu i kidia;

Yeremia 40:11

Köti a na yiŋge Yudayaki liŋ logon si ’da Moaba, ko i kiden na ŋutu ti Amon, ko i jur lo Edom, ko i kulye jurön kulo adi, mor lo Babela aje kölökin pitönö ti ŋutu i jur lo Yuda yu, ko aje tiŋdu Gedalia ŋuro lo Akikam ŋuro lo Sapana i gwon a mödir lose nu,

Yeremia 40:14

a se pije lepeŋ adi, Do ŋona a den adi Balisa mor lo ŋutu ti Amon aje sunyun Yisamaele ŋuro lo Netania i tatuja na do! Ama a Gedalia ŋuro lo Akikam tine ’bön yubbö lepeŋat.

Ejikele 17:13

A lepeŋ ’dumuŋdye lele ŋuto lo kötumit na mor lo Yuda, a teteŋdi tomoret ko lepeŋ a tiŋdi lepeŋ i nyesu na milye, i mukök nagon nye aje joŋga ŋutu temejik ti jur kaŋo nu,

Nyökit 23:3

A ŋuto lo Amon kode lo Moaba ködyö gwe ’bayin lo morakiŋdya i pepenet na MATAT; iŋkoi lele lose ködyö gwe ’bayin lo morakiŋdya i pepenet na MATAT ŋupi tojo ko nyakwari topuök;

Ka’duŋök 10:7

A woran na MATAT tuleki i ŋutu ti Yisaraele köti, a nye pakiŋdye lepeŋat i könisi ti ŋutu ti Pelesete ko i könisi ti ŋutu ti Amon.

Ka’duŋök 11:4

A kirut i nene diŋit a ŋutu ti Amon suluje mörö ko ŋutu ti Yisaraele.

Ka’duŋök 21:8

A se pipije adi, Nan kötumit na ŋutu ti Yisaraele nagon a ko tu ko MATAT i komor Misepa yu? Nyena mete, lele ŋuto ’bayin logon a poŋdya i Yabesa-gilada logon a tu i mera i momoret.

1 Samuele 12:12

A nagon ta aje meddya adi Nakasa mor lo ŋutu ti Amon po i morö ko ta nu, a ta kulyani ko nan adi, ’Bayin, ama ti mor lo saŋi yi. Kudyakan MATAT ŋun losu lo gwon a mor losu.

1 Samuele 14:47

A nagon Saula aje morga tumatyan na Yisaraele nu, a möröni ko merok kanyit liŋ ti swötön ka ’de ka ’de, kweja adi a mörö ko ŋutu ti Moaba, ko ti Amon, ko ti Edom, ko moran ti Soba se ko ŋutu ti Pelesete; a nye te ’yi te ’ya se i swötön liŋ lo tiri nye kulu.