1 Samuele 10:6 - Bibilia Buk na Ŋun nagon koti luŋu a

⁶ A kirut Mulökötyo lo MATAT de ’duki konut ko riŋit a duma, a do de morakiŋdye i keju ko se, a de worani ka ’de.

1 Samuele 10:6 ပူးပေါင်းရင်းမြစ်များ

Kenet 11:17

A nan mo poŋdi kak i jambu ko do nyu; a nan mo ’dumaddi nene riŋit na Mulökötyo nagoŋ a tiki do na a nan mo tiŋdi lepeŋat; a se mo yeyeggi kilo ŋutu ko do i pirit na geleŋ, a do mo tine yeyegga do geleŋ.

Kenet 11:25

a MATAT poŋdi kak i luru a jambi ko lepeŋ, a nye ’dumuŋdye nene riŋit na Mulökötyo na gwon ko Mose na a tiŋdi temejik merya buryo kulo; a nagoŋ riŋit na Mulökötyo poki ko lepeŋat nu a se keŋ keju, ama a se tine nyöggu keju.

Kenet 11:26

Ama a ŋutu murek kulo karaki i mera, karin ti lele a Eledada, a ti lele gwe a Medada, a ŋina riŋit na Mulökötyo gwe kase; a se gwe a ti kilo merya buryo logon a wurö kulo, ama se a ko tu kaŋo tojo i kemia, a se keŋ keju i mera lukata.

Kenet 11:29

Ama a Mose pipije lepeŋ adi, Do yinö i kulya kwe le? Ködyö a na ’but ko ŋutu liŋ ti MATAT gwon a nebijin, anyen MATAT tikiŋdya lepeŋat Mulökötyo lonyit!

Matayo 7:22

I ŋilu lor lo ’dutet ŋutu jore mo kukulya ko nan adi, MATAT, MATAT, yi a ko keju i karin kunök le? Yi a ko riköddu mulökö lorok kaŋo i karin kunök le? Yi ŋona a ko koŋdya konesi sörösi jore i karin kunök?

Ka’duŋök 14:6

a Mulökötyo lo MATAT poki ko lepeŋ ko riŋit duma, a nye gigiŋdye lepeŋ gwoso ŋuto lo gigiŋdya kilolor; ki ’doŋ nye ’bak nene ŋo kanyit i könin. Ama a nye gwe a ko tukökin monye ko ŋote ŋo nagon nye aje kon na

Ka’duŋök 15:14

A nagon nye aje ’dur Leki nu, a ŋutu ti Pelesete lo poŋdi wuwuŋun i rum ko nye. A Mulökötyo lo MATAT poki ko lepeŋ ko riŋit a duma, a patala rerekesi nagon dika a torani lepeŋ i könisi kune poŋdi gwoso patala na gweya i waro pisite nagon a rölö ko kimaŋ, a toresi raraŋdi kapo kanyit i könisi.

Ka’duŋök 3:10

A Mulokötyo lo MATAT poki ko lepeŋ, a nye nyömbi ŋutu ti Yisaraele a ka ’duŋonit. A oteniele iti i gor, a MATAT wukiŋdye Kusan-risataim mor lo Mesopötamia kanyit i könisi; a riŋit nanyit na te ’yi Kusan-risataim,

1 Samuele 10:10

A se ko ’dure Gibea, mete, a teŋ na nebijin rume ko nye; a Mulökötyo lo Ŋun ’duki ko lepeŋ loki ko riŋit a duma, a nye keŋ keju kase kiden.

1 Samuele 10:9

A ko gwe sona nagon Samuele koruŋdye mugun kaŋo i nyömöddu na Saula nu, a Ŋun tiŋdi yeyeesi ti töili lo Saula i gwon a ludukö; a kine kweyesi liŋ kweyani kweya i ŋilu lor.

1 Samuele 11:6

A Mulökötyo lo MATAT ’duki ko Saula ko riŋit a duma na yiŋge nye kilo kulyaesi nu, a woran nanyit poŋdi pape parik.

1 Samuele 16:13

A kirut Samuele ’dumuŋdye uŋguri lo welet, a welakiŋdye lepeŋ a mor i kiden na luŋasirik; a Mulökötyo lo MATAT poki to Dawidi i mugun ko riŋit a duma suluja i ŋilu lor tojo ko ŋerot. A Samuele ŋine ŋien, a iti Rama.

1 Samuele 19:20

A kirut Saula sonyoddi luyökie i morga na Dawidi; a nagon se a meddya teŋ na nebijin i keju ko Samuele gwogwo ’dan a kanyömönit lose nu, a Mulökötyo lo ŋun poki ko luyökie ti Saula kulo i mugunya, a se köti keŋ keju.